等左半年終於等到天澄閣open day
好多blog友仔都知道我好想睇天澄閣既新娘房
今次終於得償所願喇, yeah~
除左呢個目的, 其次要睇下現場證婚既效果 & JNC佈置
未諗到wedding theme colour用咩色, 有諗過用白色, 但怕會好單調
點知一去到門口就見到呢個隧道設計, 好靚呀, 即刻有bingo既感覺
不過生得高既朋友就麻煩少少, haha
行入去就見到呢個攝影區, 可以將receiption搬入黎
娛樂區, 可以放8張麻雀枱, 到時唔知夠唔夠呢?
入到場已經有好多人到左, 大家都周圍參觀
其中JNC就最多人, 可能大家都俾今次既佈置吸引住
被吸引既人包括我在內, 問左價錢都ok wor, 即場join仲free燈柱同地毯
聽落好似好抵, 不過未來老公唔想咁早join住....都係睇多幾間比較先算wor!! >.<
今次終於睇到我最想睇既新娘房, 不過太多人影唔到相
俾我想像中細好多, 如果真係confirm有8個姊妹, 到時可能會好迫呀!
再睇個backdrop, 又係我杯茶....睇到雙眼發光.....
俾我會將淺橙色改做紫色, 諗起都靚, hehehe
另一個目的就係睇模擬現場證婚, 因為本身唔會揀當晚註冊
所以想睇下呢次個效果, 當俾個心理準備自己又可以多個選擇
不過睇完之後更加肯定自己唔like, 一定唔會揀囉
另一樣發覺到既係新人在台上面時打燈既職員技術麻麻地
射住新人spotlight 時大時細, 睇到台下既人好辛苦, 唔知係咪特登形做效果呢?
今次open day 好開心撞到blog友仔, belble, 比比妹妹 & Matty, 佢地3個都好細個呀!
如果唔係怕羞一定會同你地傾多兩句~ hehe
天澄閣仲有一間細新娘房架wor~ 可唔可以安排有d姊妹用另一間？
回覆刪除[版主回覆06/29/2010 10:30:00]e.....仲有一間架咩??? o係邊架?
真係唔知道有兩間, 如果係就好喇, 唔洗咁多人迫埋一間房
好似係偏廳果邊, 我都無去睇過~ 唔知有幾大...
回覆刪除經理提議安排媽咪們去果邊化妝換衫~ 你可以問下天澄閣呀~
再唔係姊妹可以上酒店房搞掂哂先落黎囉~ 唔好話8個, 就算少一半, 都無理由係新娘房同你一齊迫... 你咁多姊妹, 真係要好好安排下呀~
[版主回覆06/29/2010 12:15:00]真係要安排下先得, 要好好利用兩間新娘房同酒店房
我唔想到時打大"交", haha
哈哈~~你個樣咪仲細!! 我地好嚇人咩~洗咩怕羞wor~wakakaka join jnc啦~佢今次個package真係好抵呀!! 好似話個優惠比人hold一個月架咋~
回覆刪除[版主回覆06/30/2010 16:46:00]話晒第1次見, 有d唔知點好
下次再有機會我唔會怕羞架喇, hahaha
我都好想join呀, 不過男朋友唔肯呢....算啦, 我唯有等佢下次open day睇下仲有冇優惠
乜有第二間新娘房架咩? 我擺完酒都唔知呢~
回覆刪除[版主回覆07/04/2010 15:01:00]haha...我都唔知呀, 都係其他BLOG友講咋