第3站: 石澳
影完赤柱就開車到石澳
拍攝前就到沙灘附近的食店醫肚
原來已經2點幾, 大家都好肚餓~ 辛苦晒!!
食飽飽就到沙灘側的廁所轉妝
更衣間又有大鏡方便換妝, 醒目的mua附身帶備化妝工具外
還有一張摺椅, 真係好方便!!! 其他新娘都要辛苦咁坐o係更衣間化妝
我真係化得好辛苦, 仲引黎不少恣慕既眼光!! yeah~~ wahkakaka.....
1. 石澳石灘
我們先到石澳石灘, 途中已見幾對新人拍攝
原來石灘更利害, 有成5-6對新人正在拍攝中!
當日天氣很凍! 海邊又好大風~~~~凍既程度比起赤柱更勁
著住4吋高跟鞋又痛又凍咁影呀影, 開始感覺到"辛苦"
到了石灘的藍色橋 (又是我指定要拍的)
攝影師要求我地爬到橋上
身穿大拖尾婚紗既我, 加上身穿窄身西褲的未來老公
幾經辛苦先爬到上去, 好吃力呢!!!!!!
呢個pose比起在中環域多利監獄外更驚險
順利拍攝幾張後, 攝影師又要求我訓到未來老公的大脾上.......
天呀!! 我郁都困難, 仲要訓上去~ 真係高難度!! 最後當然訓左~
mua+助手都大為緊張, 好怕我地會趺到橋下!!
影完橋就到石灘拍了, 要換上平底鞋先出到去
坐o係石上時, 有幾隻小昆蟲太愛我爬到我既身上
造型4: 大拖尾婚
拍攝石灘only~
mua 參照我的sample造的~~ 點算呢! 個個造型都好like~~~~~
呢個係十級愛, 見我profile pic都轉埋就知道
makeup都冇變, hairdo set左個簡單既後髻, 髻上加上白色玫瑰花及頭紗~
頭紗更造了一些"逢逢"效果, 很台式!
造型只拍一個境的係好浪費!! >.< 唔捨得轉呀!
真的大愛此造型, big day一定要俾mua參考一下!!
2. 石澳彩色小屋
順利完成就返回車上換造型影石澳彩色小屋
司機送我地到近屋仔附近, 又是邊行邊拍
攝影師見到合適的地方就拍幾張
石澳的彩屋好靚, 好colourful!! 希望拍出黎都一樣咁靚~
造型5: 藍色閃閃EG
此造型只拍彩色小屋
最唔like既一件EG, 揀冇可揀下選擇的
本身怕換6個造型會太多, 如果要cut就會選擇呢件
有睇呢篇post -> [ 終於影完喇! ] 既blog友仔, 就係呢件EG出事!!
出發時已心知不妙, EG冇放在我已揀既衫中,
而係放在椅上, 又混集在其他衫, 感覺staff應該忘記我已hold了又俾其他客人揀
第1次在馬路邊換衫, mua有經驗地幫我換~ 好高技巧呀!
換上EG就知道完本fit好的size被改了!!!
大左好多, 唔用手扯住會全件"sir"到腳上
好彩mua有針線, 立刻幫我在腰加針...佢真係好勁, 多得佢咋~
對法巴staff好失望! 點解可以安排得咁失敗!
簡單既hairdo, mua問我想唔想將前蔭梳起
我怕會怪怪的就拒絕, 而家有d後悔~ 睇返d相既正面張張都類似, 總之就試下啦
髮飾用上紫色花花~ EG下身裙擺係粉紅加藍色, 好襯~
唯一合照~
第4站: 尖沙咀
影完彩色小屋就返回沙灘更衣間轉妝出發到下一個境點尖沙咀
1. 1881
第1站先到近期pre-wedding熱滿地點1881
有好幾pair新人拍攝中, 包括在石澳見到的那幾pair~
入夜後更加凍, 1881好大風呀!
攝影師只帶我地到上面餐廳影, 在下面眼鏡鋪影幾張就走~~~
中間水池冇影到有少少失望!!!
2. 尖東碼頭
最後一個境點到尖東碼頭影夜境
又係我特別要求的, 原先plan左去西九長廊拍攝
但我實在抵唔住寒風+4吋高跟鞋, 提議在尖東碼頭拍幾張就算
拍攝時, 有幾個外籍遊客問我地係咪日本人, 又俾人狂影~~好"監介" again!!!!
最後一個pose附近到馬路拍下面效果
要就時間及路人真係極難, 已打定輸數拍得不好!!!
回程返法巴時到The One的Chocolate門外又拍幾張
黑白格仔的牆好型, 我地o係沙巴攝影師charles的作品睇過後抄參過黎既, haha
最後真係完成所有拍攝, 返回法巴換衫返home lu~
造型6: 橙色EG
最後一個造型, EG係單膊款式, cutting又修身
繼黑色之後既第2最愛, 未來老公同我相反, 最唔like呢件
hairdo比較之前既成熟, overall都ok既
分享到呢到先啦~
HK Pre-wedding總算順利完成
先分享一下拍攝行程加造型(總共6個造型, WG x 2 + EG x 4)
早上9點到尖沙咀法國巴黎(簡稱:法巴)化妝
大約11點半就開車出發到第1站中環
當日用的7人車由法巴代租, 價格是每小時HK$130, 不包括隧道泊車費
由尖沙咀開車到中環都搭左好耐
當日已經時平日又過左返工時間, 都咁多車~.~
去到第1個景點已經是12點多
先講講 - >
第1站: 中環
中環去左幾個地點, 分別有 -> 域多利監獄外的一幅牆 + 石板街 + 永利街 + 煤氣燈街
1. 域多利監獄外的一幅牆
指定要影既影點, 非去不可!!
(借用blogger既相, 不滿可通知delete~ thanks!!)
呢個景點拍攝時超危險, 樓梯下就是馬路, 行出少少都很驚險~
好期待相片效果!!
2. 石板街
相信大家都很熟悉石板街, 就post相了
剛巧有一大班學生在寫生...拍攝時真係好"監介"
造型1 : A-line 婚紗
第1個造型, 配合a-line婚紗, 用來拍攝景點1. & 2.
好喜歡hairdo~~ mua完全知道我想要d咩
化妝方面都滿意, 只怪我的眼袋太勁!!
3. 永利街
更換第2個造型時, 司機就帶我地到永利街下面的必列者士街街市
必列者士街街市正等待重建~
店舖都空空如也, 找不到廁所就到其中一個店舖換衫
換妝就到出面有陽光的門口
好在冇咩途人經過~
攝影師見永利街環境不錯就地取材影左幾張~
4. 煤氣燈街
睇戲睇得多, 去就係第一次, 途人唔多, 可以慢慢影
造型2: 黑色EG (冇照片)
此造型用來拍攝景點3. & 4.
big day不可以用黑色EG, 一早諗好要今次著黑色的
對呢件EG一見鐘情~ 最愛的一件
化妝沒有變化, Hairdo就造了一個跟沙巴pre-wedding時類似的
像下面的hairdo, 配合黑色頭飾~ 今次好睇得多!! haha
未來老公都講: [睇黎呢個髮型好o岩你, 個個mua都幫你整既!]
睇到都唔知好嬲定好笑~~
影完中環就出發往赤柱~
第2站: 赤柱
5. 美利樓
必影景點之一, 我地先到商場洗手間更換另一件EG
再到洗手間外走廊換妝
美利樓外好大風~ 真係好凍
不過有風我的EG先影得出飄逸效果, 凍d都值得!
6. 赤柱酒吧街
拍完美利樓就到酒吧街拍幾張
熱滿地點就是街尾一間藍色餐廳酒吧
由藍色餐廳酒吧往美利樓方向邊行邊拍到離開
造型3: 青色帶黃EG (冇相片)
此造型只拍赤柱
一套簡單而飄逸的EG, 很適合在海邊~
可惜衫太多就改在赤柱時用
化妝都是一樣, hairdo就把頭髮放在側邊, 加上假髮及花花造型, 好喜歡!!!
又是跟沙巴其中一個造型很相似的
待續 part 2~
一路無打算花錢在聘請M.C. 身上
未來老公想搵朋友做...而我就冇所謂, 有合適人選就ok啦
搵朋友的好處是比較熟悉我地~ 有共鳴D嘛
普遍M.C.配搭是一男一女~
男方未來老公早有人選, 是其中一個兄弟[Mr. M]
而女方就一直未有人選!!
提議搵多一個兄弟代替, 用兩位男士應該都冇所謂嘛
心水另一位較合適當M.C.的兄弟[Mr. J] 也是伴郎的人選
伴郎/M.C. 總不可由一人兼任~
於是未來老公直接問Mr. J做 M.C.的感想
估不到他的答覆是 ...............[NO]
理由是佢想enjoy我們的婚禮, 當M.C.無時無都在台上, 又要記講稿
很理解他的感受! 況且我想Mr. J當伴郎多d =p
沒有其他合適人選下~ 唯有花錢請專業的幫我們啦
最後人選是 ------- Jack Creation 的 [Flora]
點解搵佢呢??
因為在blog友仔Karen的婚禮上看過表現後很滿意
而我地再冇人選, 我又得到未來老公approval!!
再再再加上天澄閣擺滿25圍送的M.C.優惠, 我們就加多一千大元BOOK實Flora喇
好在full book的她仲有期~ 太好了, 又KO一個item!!!
最後一輯pre-wedding, 終於o係上星期五大功告成!!
3月16號就有相睇喇~ 有D緊張, 唔知會影成點呢.....
雖然我對個妝好滿意....但D POSE就有少少"娘娘地", 希望出黎效果好啦!
-------------------------------------------------------------------------------------------------
當日早上8點幾已去到法國巴黎
見鋪頭黑蚊蚊~ 以為自己最早到, 原來化妝師同攝影師比我更早
趁未來老公未到我就食埋個麵包等佢~
食食下化妝師叫我食飽就過去化妝
當時覺得佢都幾惡...冇咩笑容...好似唔太nice
所以嗱嗱臨食多兩啖就過去開始化妝
例牌俾左d自己鍾意多造型佢參考~ (多數都係婚紗妝)
之後就幫我修修眉 -> 搽安瓶 -> 化妝 -> 換第1個造型 (A-line 婚紗) -> set頭
化妝途中未來老公終於都到, 慢慢食埋個早餐等我化妝
我化完就到佢化~
大家攪掂後攝影師助手就問我地想去邊影
前兩日fitting時明明同sales姐姐講好左....又再講一次, side時間
傾好地點又有另一樣麻煩野
未來老公明明fit好既西褲竟然唔o岩size....好彩試多次咋, 唔係出到外境先知唔o岩就大獲!
試完又試, 攪左好耐先搵到條o岩身, 另外配件又係, 都係當日先執好
到執我d衫, 其中一係EG特別放開左~ 都不以為意收助手拎埋冇再fit (問題之後再講)
我同未來老公都好不滿法國巴黎o係 [衫] (特別係男禮) 方面既安排!! 安排非常混亂+浪費時間!
待續~
