澳門pre-wedding 收相+ 檢討

:: 此post私友化::

澳門pre-wedding既相已經收到喇

去沙巴之前睇到d相, 真係好開心, thanks Joson & Yanky~~

今次帶俾我地好好既經驗, 相信沙巴pre-wedding我地一定會做得更好

有幾樣野係影完先知有問題, 去沙巴要多多留意:

(1) 我既大意

只係顧自己靚, 一路都忽略左未來老公既妝容, 包括佢顛左既髮型, 衣服配搭, 流汗等....

有d相其實影得幾靚, 不過因為以上原因而大打折扣!!

(2) 冇睇play back

未來老公對眼比較敏感, 特別係曬既時候, 佢對眼根本睜唔開 >.<

佢d相好多相都影得好"慘" (個樣)....明明好靚既相俾佢個"囧"樣破壞左~

特別o係主教山上面影d, 好失望呢!! (我最期望既主教山呀~.~)

如果一早發現呢個問題. 相信會好好多囉

(3) 高度問題(我太矮喇)

我同佢高度相差太遠喇, 我155cm, 佢183cm...

就算著左4吋高跟鞋都唔夠, 例如有d post要箍住佢條頸再錫錫既相

因為唔夠高我個頭要申到好高 <- 攪到好似好"主動"

因為佢要就我就彎低身 <- 攪到好似"縮頭烏龜"

呢個問題都係睇返相先知, 唔想佢變縮頭烏龜, 但我冇可能再著高d既鞋, 於是問沙巴攝影師我洗唔洗帶"登"仔去沙巴影,  佢俾左一個好好既解決方法我地, 果然係professional~!!!! yeah~

(4) Post冇變化

每個景點都擺相同既post...特別係我箍住佢條頸再錫錫既post, 起碼重覆左10次

另外冇d好sweet既feel~ 希望沙巴會好d啦

呢幾樣野要好好注意, 其他冇得救既就唔理得咁多

未有時間執d相, 大家睇住幾張先啦~

My Pre-wedding Nail

今日終於整左指甲喇

7點鐘去到等左半個鐘先有得做

整唔到想整o個款,最後整左最普通既款, 清清地

沙巴Pre-wedding の 倒數3日

緊張既心情終於湧上心頭, 日子越近就越緊張

上次影澳門時都冇呢個心情架~ 唔知點解今次真係好緊張!

可能睇完澳門d相之後壓力大左好多, 好想今次影得好d, 日諗夜諗攪到個人顛顛地

d野又執極都執唔完, 好怕帶漏野!

又怕caucal wear帶得唔夠, 出黎效果夠唔靚~

得返3日咋, 要順順利利呀~

enjoy our trip^^

沙巴Pre-wedding の 最後準備

時間過得好快呀, 仲有個幾星期就出發去沙巴影我地第一輯正式既pre-wedding~

好興奮又緊張!!

星期一晚如攝影師傾左細節同rundown之後

發現溝通真係好緊要! 傾完之後, 我既困擾+之前諗既問題都一一解決

到時會有3 pair人去影, 好開心我地排第3 pair, 攝影師仲會預早過去睇景, 加埋影前2 pair既經驗, 我地賺晒~ hoho^^

仲有仲有, 除左攝影師+助手, 仲多一個人拍making of俾我地~~~ 真係超開心

好多謝攝影師Charles!! 好期待你d相呀~

當日既rundown冇特別set實, 除左必影既陽光與海灘, 日落黃昏..其他會周圍影

其中一日考慮緊出島影, 睇情況而定~

準備方面以為攪得7788, 但傾完之後發覺準備得唔夠好

包括我同未來老公既casual wear, 情侶沙灘褲(只知TST Chapel有得買咋, 唔知仲有邊有買到呢??)

遲d要出動去買喇, 都唔知夠唔夠時間tim~!!

下星期好忙呀...要剪頭髮, 整指甲, 拎衫~~

唔知各位有冇相熟又整得好既美甲師介紹呢? 搵左好多間都唔o岩, 唔係太貴就係唔靚, 好煩!

我和JNC有個約會

下年10月先結婚, 仲有排先到呢!
加上呢排準備pre-wedding既野, 忙得不可開交~
所以場地佈置方面諗都未諗過
但自從去完天澄閣open day之後...
我就俾JNC既decoration深深吸引住~
佢地既deco完全係我杯茶呀

Open Day順便問埋價錢(用來格價的, 未打算join)
Promotion雖然好優惠, 但係比我地既budget還高!
加上未來老公話下年先join都唔遲, 唔好咁心急
而且當日詢問既人實在太多太多....sale只可簡單介紹package一下

眼見blog友仔極力推介, 心思思又再問問未來老公
都係o個句唔好咁心急, 遲d先睇都唔遲
自此之後都唔諗住
點知上兩個禮拜, JNC既sale打黎話promotion做到17/7/10
o....我條蟲又俾佢挑返起
返到屋企第一時間上jnc website睇, 又比較過其他公司
包括V8 (與天澄閣合作既另一間DECO公司)
今次終於忍唔住send埋俾未來老公睇
大家睇完都覺得....始終係jnc靚d, 同貴d

忙完澳門pre-wedding, 把心一橫打去jnc問promotion詳細資料
(另外要多謝belbel既詳細解答)

原來promotion係:

+ $4788 (package原價$5888扣回天澄閣coupon$1100)
+ $1500 (毛毛地毯+免費extand full backdrop)
= $6288
- $2888 (天澄閤free) <- blog友們, 請問呢項我有冇攪錯, 係咪有得減架呢???
= $3400

如果冇計錯, $3400真係可以接受既

聽日就約左上JNC傾喇, 希望一切順利, 唔好嘔血~~

另外有咩要注意呢?? 有d咩係package唔包但又需要架呢?? (belbel已提醒我相簿枱唔包, thx^^)

香港pre-wedding@法巴

之前透過blog友仔得知
法國巴黎香港分店由紅磡搬到尖沙咀(藏愛附近)
前日去開趙太到買恤衫時咁o岩就經過
順便入去問問我地第香港輯pre-wedding幾時要book

店內冇咩人, 只有1pair人揀緊相
另一個staff見我推門入去時就即刻出黎招呼
簡單交代之後就同佢講我地想下年年頭影, 應該幾時book先o岩呢
staff話唔洗咁急, schedule暫時出到今年年尾
佢話遲2個月先book都得
下年新年o係2月頭, 諗緊1,2定3月影好呢
我心目中想1月尾, 可以夾返我地既拍拖紀念日, 不過怕好凍...
3月先影又怕趕唔切10月起貨, 又要煩惱喇~~~
澳門o個輯就熱死, 唔想呢輯凍死...!!

眼見店面兩個staff都係新人, 就多口問問紅磡店既staff係咪搬埋過黎
佢話全批人換晒, 而佢就係新既店長
到時我地輯相都係佢fellow
o...原來係咁, 好彩我地輯相未傾啫

等沙巴輯相攪掂就開始準備呢輯喇~ 好充實, haha

【箍牙‧近況】

掛住share結婚d野, 成兩個月冇update牙仔狀況, 好過份呢~ haha^^

話說5月頭已完成基本29個箍既療程, 因為效果未達標覆診時順便印埋新箍

等左成個月, 6月中終於等到新箍

我個case要加多17個箍, 即係要箍多8個月到

照計下年2月就會變得靚靚~

講返新箍先, 已經箍緊第2個喇

可能第29個舊箍太唔fit d牙, 比較上黎新箍fit好多同舒服

相比換箍時既適應期, 牙仔更舒適, 冇左之前換箍o個下咁辛苦

其他野都冇咩大變化, 只係要乖乖地keep返帶箍既鐘數

(相片遲少少share)

沙巴Pre-wedding之準備 - 男禮恤衫

仲有半個月就出發去沙巴喇

心情好興奮呢!!~~ 準備項目都7788了

以澳門pre-wedding既經驗, 我發覺我忽略左一樣野....

就係我既"未來老公大人"

諗返準備澳門pre-wedding時, 往往都係諗左自己先, 禮服.化妝.拍攝地點各樣

睇返相版先知...我只係顧自己, 完全唔記得左佢....真係有點兒那個!!!!

佢當日既化妝, 衣服配搭, 其實可以做得更好既~

黎緊沙巴之旅, 我唔會俾呢d情況再發生架喇!!!

好彩有澳門pre-wedding俾我地熱身, 等我地知道有咩要注意

好感謝化妝師同學&攝影師俾我地呢次機會, 相信經過今次大家都學到好多野!


入正題先~

話說沙巴天氣熱, 未來老公又怕熱, 而且有兩日拍攝時間

諗諗要為佢準備多一件禮服恤衫

第一件o係幾個月前已經去金都度身訂造左

訂造大路款-粗斜紋+暗鈕+反袖, 成為hk$220, 一個星期到有貨

著上身好fit, 不過偏貴~

第二件我就去淘寶入手, 一口氣入手兩件, 一黑一白, rmb68一件, 都唔平架

冇得度身造既關係, 就返領圍揀左最大size

未洗前實物都ok既...洗完熨極都唔直...質地好差

上身效果仲死....fit到領圍袖又大闊, 著完成個"表哥"咁

諗住影相冇所謂, 影澳門時照著, 睇返d相真係唔掂呀, 所以一定唔會帶去沙巴

所以第2件要再搵過喇

由於未來老公身型比較高大, 現成既恤衫就得領圍又就唔到袖長/闊

百利訂造靚少少既款都要400大元...

前幾日blog友仔 "C & S" 開左個post有關男禮恤衫

介紹左 "趙太" 俾我地, 真係多謝佢既share~~ !!

上網睇過趙太既blog, 恤衫款好多, size分得好細緻

見係咁尋晚就上左去搵趙太買恤衫喇

趙太好好人, 度一度就知男友o岩咩size

試著過好fit身, 度身訂造一樣

價錢仲好抵....只要hk$150咋

最後揀左呢款 (Photo copy from Mrs. Chiu's Blog)

未來老公本身已有粗紋, 所以今次揀件幼紋既

恤衫既花紋車到落衫腳架, for causal wear著都ok

如果現貨size唔o岩, 趙太都即刻改架, 仲可以訂造其他顏色

趙太話遲d瘦左唔fit的話, 可以拎返上去改架~ 真係好貼心~~

值得推薦!!

趙太資料:-

Yahoo Blog: http://hk.myblog.yahoo.com/stay3d

電話:    2725~6018

地址:   尖沙咀金巴利道45-47號金巴利廣場12樓2室 (即係藏愛o個到)

P.S. 趙太: 如果你唔想我公開資料, 請通知我delete! thanks^^

我地返黎喇~

:: 私有化 ::

辛苦左一日, 終於完成我地第一輯既pre-wedding

好開心好順利! 辛苦晒未來老公仔, 化妝師同學 & 攝影師

之前擔心既酒店check-in, 溶妝, 太曬, 截唔到的士

呢d問題都冇發生到, 比想像中順利得多 

星期五o個日好好天, 冇咁曬之餘仲要有風, 大家都影得冇咁辛苦

雖然冇咁曬, 不過成30幾度, 未來老公著住套西裝, 又要幫我拎野, 真係辛苦晒

見佢一路影d汗一路咁流, 好慘呀

o個日我地10點已經去到酒店, 好彩地可以提早check-in

咁我就可以早少少化妝, 下午可以預多d時間拍攝

最後去左既景點包括:

1. 箂斯酒店

2. 漁人碼頭

3. 主教山

4. 民政總署

5. 盧家大屋

6. 聖安多尼教堂

7. 戀愛巷

8. 大三巴

相比planning, 只係冇影到星星公園 & 港務局

其實去唔到星星公園都幾失望, 因為冇得影十字架

仲有盧家大屋上唔到二樓影, 原來星期一至五二樓係唔開放架

要去澳門影既朋友要注意喇~

另外有驚喜係漁人碼頭同箂斯酒店都可以影, 完全冇俾人鬧, haha

天氣太熱喇, 我都唔記得影花絮

只係化妝師幫我地影左幾張咋

酒店影, 箂斯酒店既長樓梯, 不過我地冇影到......

化妝師幫我地影架, 覺得好靚呀, 相信攝影師鏡頭下會仲靚...hehe

影完8個鐘, 返到酒店影既

就算咁熱又勁留汗, 個妝仲keep得好好 

因為冇去到星星公園, 第2日我地自己去影返個大字架....yeah!~

收左相再同大家share, 好期待呀!

我們的澳門pre-wedding

:: 此post私有化::

之前提過有一輯免費既pre-wedding

地點已決定去澳門, 落實呢個星期五,六過去影喇

準備功夫亦做得七七八八

只係差化妝時間同行程未完成!



1. 酒店 - 箂斯酒店

book之前send左email去酒店問可唔可以提早check-in (for化妝) & 拍婚紗照

得到既回覆如下︰

" 澳門萊斯酒店的正常入住時間為下午兩點鐘以後，退房時間為中午十二點鐘以前。關於客人提前入住的要求，酒店將會視乎當日情況儘量安排，請您與入住當日與酒店前臺同事聯繫。同時，萊斯酒店客人如需在澳門漁人碼頭公共場所或萊斯酒店內部拍攝婚紗照都需要提前申請並且另外支付費用。在澳門漁人碼頭公共場所拍攝婚紗照的費用是港幣或澳門幣一千元每三小時，在萊斯酒店內部拍攝婚紗照的費用是港幣或澳門幣兩千五百元每小時，超過部份按每小時五百港幣/澳門幣計算。"

一早已經知道漁人碼頭o個邊係唔俾影pre-wedding既, 估唔到酒店裡面都唔俾影

睇過其他blog友既婚照, 明明可以影架...究竟佢地係偷影定係o岩o岩先改新例唔俾影呢?? 真係頭痕呢~~

諗多一排, 比較過幾間酒店, 最後我地選擇照book箂斯, 原因係地點比較就腳, 而且客房靚...就算只可留o係房裡面影都ok啦

2. 服飾

我 - 有3套 (淘寶婚紗, 訂造黃色晚裝, 白色姊妹短裙)

未來老公 - 有2套 (黑色西裝, smart casual)

3. 行程

因為攝影師比較忙, 所以我地自己已plan左個schedule先, 下面就係我地想影既景點

1.	澳門	箂斯酒店	check-in 後影一陣
2.	氹仔	星星公園+龍環葡韻
3.	澳門	港務局大樓
4.	澳門	主教山 (西望洋山頂)
5.	澳門	民政總署
6.	澳門	盧家大屋
7.	澳門	十月初五街 (食魚翅條街)	順路先影
8.	澳門	塗鴉公園 (地大街臨時休憩區)	順路先影
9.	澳門	大三巴	夜景
10.	澳門	旅遊塔	夜景

順序落預每個景點影30-45分鐘, 另加車程, 時間真係好緊迫

澳門既靚景真係一日都影唔晒, 其中"東望洋燈塔" 我都好想去, 不過真係冇時間唯有放棄~

時間安排方面, 最大困難就係化妝...怕太熱會溶妝, 唔想化左先過去, 去到先化又太晏

暫時未諗到解決方法, 望就望可以早d check-in, 最差打算會在酒店lobby化

唔知酒店lobby有冇地方呢??!


4. 化妝

化妝師好努力幫我諗造型, 仲自己整頭飾俾我, 辛苦晒佢喇~

上星期五同佢試過一次妝, so far都好滿意

唯一唔好就係要快手少少, 因為我地要去到澳門先化妝, 唔想影響schedule

大家睇睇化成點~

期求好天到星期五, 千萬唔好落雨~ (不過唔好咁曬, haha)

♡ 我們的婚介 - 有阻滯呀!!

話說6月expo時我地已經訂左婚介

希望趕得切帶埋去沙巴影pre-wedding

sales話大約一個月有得拎架

到今日已經一個月喇

仲未收到電話.....

咁o岩未來老公黎我屋企食飯

經過分店時順便問問啦

分店有兩個sales, 其中一個傻下傻下咁

問佢幾時有得拎, 只係話暫時未收到通知

問佢大約幾時有得拎話唔知就算

真係俾佢激死....

好彩另一個醒目d, 即刻幫我地搵返張單睇下

一睇之下, 佢話張單寫住2/8/2010先起貨wor......

我地兩個"O"晒嘴, 明明話1個月有得拎我地先buy架嘛

我地31/7/2010就出發去沙巴, 即係趕唔切啦

佢話聽日幫我地check, 到時再call我地wor...

唉....如果拎唔到去沙巴真係好失望

希望聽日有好消息!!