過了一個快樂的平安夜

今年係我地最後一個單身聖誕節

冇特別安排慶祝節目

因為一邊籌備婚禮, 一邊諗新屋裝修, 加上排得滿滿既聖誕派對

可以話從未如此繁忙過!!! 亦未如此快樂過

----------------------------------------------------------------------------------------------

[平安夜 24Dec10 @ Our Sweet Home]

預計早放工, 一早已買定飛睇"小人國大歷險"....nothing special la, 好彩半價咋~

睇戲只係前奏, 戲肉係入我地既新居stay幾日, so sweet!!

前一晚已經執定走佬袋返工準備出發...好似去camp一樣, 心情極興奮

(大家可能會有疑問: 未裝修點住呢?

答: 上手業主留左d傢俬, 未來老公又好抵錫咁預早入去大掃除, 我地帶日用品入去就住得架喇~ 其實唔嚴棄, 唔裝修已經住得人既)

睇完戲衝入去已經9點幾, 等車時已經興奮到極!

因為以前成日諗, 幾時先可以一齊返屋企呢? 今次終於終於"一齊返屋企"喇~

返到去安置行李就去醫肚!

第一站: Sugar Mama

唔肚餓..不過好想食甜品呢

呢次揀左朋友推介既[Sugar Mama], 下次要去Nat Nat介紹既"泛後甜品"

推介既心太軟+提子冧酒雪糕, 好味道呀!

食過咁多次心太軟, 呢間最好味~正, 細size都好夠兩個人食lu

我至愛既藍莓芝士cake~ 呢個普通啦, 我都識整, hehe

最後緊係要買每次必食既B仔雞奕尖, 後加第一次食既白蘿蔔

可能冇食正餐有d肚餓, 又買多兩個杯麵+CocaCola (嘩...食好多野囉)

呢個就係我地既聖誕大餐

雖然唔係山珍海味, 但有您陪我加上o係自己屋企食就已經好開心好滿足!

學Bel Bel話 "幸福就是這樣的簡單"

今年係我過得最快樂既平安夜~

食飽飽就做正經野喇 ----> 大掃除again!!

訓落床已經好夜lu~ 又要準備聽日既"叮叮Party"

待續...

收左樓喇~

話說12月中就收左樓喇~

終於都有屬於我地既"家".....十級開心

同業主就唔到時間, 唯有收樓當日先驗樓

都好擔心有問題架, 所以晨咁早起身入元朗要o係12點前check清楚冇問題先叫律師樓過數

幸好一切順利, 驗樓都好ok, 唯一係業主冇清走d舊傢俬

驗完樓就走, 等晏少少約埋未來99同裝修師傅睇睇同報價

睇完一輪送走佢地

我地繼續o係屋苑留守到5點幾先收到鎖匙

又凍又大風, 終於....終於...都等到過晒數可以上樓喇

入到屋冇咩特別開心, 因為等得太耐, 又凍到我死死下

不過見到個夜景view真係開心返晒, yeah~

兩人夾手夾腳度全屋尺寸俾裝修師傅報價

攪完一輪終於要走喇, 又開始煩裝修同傢俬問題! 要加油~

尋找嫁衣Round 2@ Expo

2010年最後一個婚紗展

一早諗定要去睇租衫, 律師, 印invitation card 仲有婚前檢查

主打緊係睇租衫先啦

冇咩心水, 入到去邊間靚就睇邊間啦

第1間係 "Red Wedding"

俾display既紫色EG吸引住...

睇完一輪相簿, 衫係好多又平 ($4300有6件)....不過唔係我要既style

而且兩位sales姐姐又pushy, 都係快閃為妙!!

第2間係 "Kir Royal" (http://kirroyal.com.hk)

前一晚朋友去完expo, 拎左呢間既catalog, 又係俾件紫色既EG吸引....真係好鬼靚架

好辛苦先搵到位座底睇相....實物相唔多, 好多都係客人來圖抄款sample

冇咩心機睇囉, 男禮又冇相又冇display! 而家好鬼貴囉

冇理由為左件紫色EG而join, 都係放棄!

第3間係 "唯美主義"

只係路經的....冇心睇既一間

心諗行過順便比較埋啦

雖然人多, 不過都可以坐得舒舒服服睇相簿

睇完一輪冇咩心水, 因為之前有朋友join左已睇過幾次

sales好醒目不停拎實物俾我地睇, 睇左幾件都幾靚

其中一件WG仲"叮"一聲tim........

陪朋友去過兩次鋪頭都唔覺d衫靚, 可能當時serve的sales態度麻麻啦

o個刻覺得....估唔到唯美d衫都咁靚, hehe

傾完一輪package, 價錢又ok wor

最後最後.....我地"Join"左lu, haha

之前已經買左一件EG, 打算package只join 1WG+1EG就夠, 點知最後都屈服左, 租左兩件EG, 多謝未來老公, 哈哈^^

Package包括： 婚紗x1, 晚裝x2, 掛x1, 男禮x2

第一次fitting 可試10件同hold款，第二次fitting喺big day前一個月可任試+轉款

已經約左1月7號第1次fitting喇, 好緊張呀

除左租衫, 我仲join埋唯美既鮮花花球package

包括：花球x1, 頭花x1, 新郎襟花x1, 長老襟花x4, 兄弟襟花x9, 姊妹手花x9

買唔起B仔花球, 只係覺得唔使煩一次過join埋, 唔知抵唔抵呢

同場join埋婚前檢查

又KO三個item喇, 下個目標係證婚律師, 努力!

尋找嫁衣Round 1@ L'amour Bride

係時候出動睇嫁衣

希望o係農曆新年之前"KO"呢個item

無做research, 只係靠睇blog友們reference就成行

目的地當然係尖沙咀婚紗街啦

今日唯一目標係 [L'amour Bride]

原因只為一件婚紗

大家記唔記得某一期Wedding封面Miki著o個件婚紗呢? 就係出自 [L'amour Bride]

(唔記得睇睇相啦~)

呢件婚紗有齊我想要既原素 -> [心型胸 + 紗料 + 拖尾]

好有"THE ONE"既感覺呀!



L'amour 價錢唔平, 走日式婚紗路線, 知道未必適合自己

但為左Miki婚紗, 點都要去一次先心息

於是星期六放工食飽飽就上去

L'amour位置好易搵~ 可能時間倘早得我地一pair客

鋪頭唔算大, 但係好舒適呢^^

招呼我地既係好nice既老闆Raymond + 靚女老闆娘Ceci

可以Free Trial 2件, 睇完i-pad電子相簿 (好先進又方便!讚!!!!) 

我就揀左WG & EG各一件

WG當然係揀miki o個件啦~ 可能係入晒腦關係, 其他WG都睇唔上眼! hehe~

原來件衫好重架! 著既時候都幾困難~佢地既WG+EG都內備晒girdle, 所以今次係真空的!

上身效果好好呀, 唔會太sexy, 下身既紗真係好靚, 萬事俱備只欠條"事業線"囉><

EG就揀左一件淺色系列, 上身釘滿Bling Bling水晶, 下身內層係我好like既紫粉紅色, 外層有白色既紗~ 好靚呀

好fit身呀~ Ceci又好細心地幫我帶上超閃頸鏈加手臂鏈, 嘩! 好似公主一樣呢~

可惜呢件EG太淺色, 打埋燈影相就好似白色一樣, 我覺得太似婚紗

未來老公都試左兩套禮服

一深一淺, 分別係香繽金偏粉紅色+黑色

兩套都好fit, 難得szie o岩又著得幾好睇, 我就鐘意香繽金偏粉紅色o個套

隻色好特別, 唔洗次次都係白色咁悶, 不過未來老公就麻麻地呢

(呢套隻色仲好襯我o個件EG架, 兩個一齊照鏡時有個感覺= 好似"周啟邦夫婦" haha)

順帶一提, fitting room既設計分左右兩邊, 中間係一塊大鏡

我同未來老公各佔邊, 試完出黎一齊照鏡個feel真係好正~ 好唔同!

Raymond照顧未來老公, Ceci就照顧我, 比起其他婚紗店更貼心更親切

第一次試衫有咁欣勤貼心既服務!

試完身就到戲肉喇~ 睇package!

我地需要1WG + 1EG + 兩套男禮

因為係blogger關係, Ceci俾多個special offer我地~

個價都比較貴, over budget呀, 同埋我想連裙掛一齊租

所以最後都冇join到, 打算行多幾間睇定d先

想去埋expo同埋13號既大作戰先決定!

未來老公話下次要叫埋D女仔Friend一齊睇, 因為佢唔識揀, 只係覺得靚同唔靚wor

好啦, 下次我就飛起你自己去揀啦!



另外去左VA睇男禮, 入到去其中一個女sale既態度已經唔好

睇左相簿, 望埋實物, 問佢可唔可以試下, 佢就話要晏d先有位

解釋時態度又"串串貢"一d笑容都冇

我地都冇心機睇, 今時今日咁既服務態度點得架

路經之前好想睇既蝴蝶樹, 都係麻麻地!

就係咁一日既旅程結束

期待round 2^^

好開心 好開心

好開心呀!

終於拎左沙巴影既pre-wedding

真係越睇越鍾意~

總共有成1千張相呀~

要睇都花好多時間

仲要揀80-10張出黎做相簿同油畫真係好困難呢

多謝 [Able Studio] 兩位攝影師 "Charles & Mike"

期待執完仲靚既相, hehe

Housewarming @Nat Nat's Home

等左成個月又到左天澄閣姊妹既gathering喇

上星期六去左Nat Nat既元朗新居housewarming~

多謝Nat Nat同佢未來老公招呼, 呢日又係樂而忘返呢!

今次有我, Nat Nat, Bel Bel, Karen, Eva,

仲有第一次見既Karen Pig~ 好開心呀! 你下次都要join我地wor

不過Matty同Crystal都有事黎唔到...好掛住你地呢

入到去又係傾傾傾....之後就打麻雀, 好充實!

重頭戲就係食大閘蟹~ 今年終於食到lu~ 好滿足

食左兩隻大閘蟹呀, 食得好開心, 正

Nat Nat炮製既愛心雞亦~ 睇返相先知我原來冇食到

仲有Nat Nat男友特登去買既串燒, 好好食架, 第時搬左入元朗大把機會食, hehe

仲有仲有Eva炮製既愛心三文魚沙律, 呢餐真係豐富, 食得又開心^^

最後有湯圓加薑茶, 好味!

Nat Nat既可愛怕羞貓貓, 勁似加菲呀, 好鬼得意

最後有我地既少少心思, 希望Nat Nat會鍾意啦~

去到Nat Nat元朗新居真係好大好舒服~ 我開始鍾意元朗喇, haha

期待下次人齊既Gathering!

回顧10-11月

又一個月喇~ 時間過得好快好快

轉眼間距離婚期只剩11個月

說時遲那是快, 要快手攪左d "林林嬸嬸" 野先得

睇返10月既 To do list~ 完成左幾個項目(好彩都係大項目 -.-"), 倘算成功啦~



10月set左要做既項目有:

1. DIY 結婚公仔衫    [失敗!!]

- 完全冇整過囉, 得閒時都有諗過點整, 可惜得個諗字, haha

2. 設計結婚Logo   [失敗!!]

 - 參考過一d free logo嘗試整左幾個, 都係唔合心水又唔夠化表性! 呢part都係等未來姑仔幫手啦

3. 睇註冊場地   [成功!!]

- 已成功book左原先放棄的伯大尼, 多謝未來老公!

4. 睇樓    [成功!!]

- 10月頭開始睇, 睇左唔夠兩星期極速決定買樓, 如果唔係得到未來老爺奶奶支持都冇咁快~

5. 睇租衫   [成功左四分一]

- 已買左一件EG, 其他未睇~  (鴉烏部落格既B2B, 期待我地既婚紗Group Hunting之一)

6. Confirm第3輯pre-wedding拍攝日期 [成功!!]

- 已confirm 下年3月影



好快就12月喇, 有超期待既聖誕節電車party~ yeah!

黎緊12月中仲會收樓, 係時候要諗買傢俬既野! 應該會好忙呀~

雖然忙, 但係又好開心~ 終於有自己既屋企!

我地會快d整好, 希望新年前攪掂可以招呼朋友仔黎開賭局, hehe



好想快d到12月既expo, 有幾個item要去睇架

1. 證婚律師 (已有心水 - 林志達律師 vs 岑漢和律師, 想睇下有冇其他)

2. [格價] 租衫

3. [格價] Invitation Card for 伯大尼 (諗緊DIY定係俾人印)

有冇人想一齊去呀?

好開心好充實的求婚一週年^^

時間過得真快! 唔經唔覺, 未來老公已經求左婚一年喇

雖然沒有特別興祝活動

但係就過左一日勁開心勁充實+大出血既一日



第1站:

晨早點起身準備去agnes b. staff sale血併

辛苦未來老公一早去到食風排頭位

等左3個鐘, 行左3個鐘, 拎走3大袋

買左14件野, 成為$1800大元

未來老公收獲豐富, 今次我輸左俾佢~ 只買得4件咋



第2站:

一早plan好要帶未來老公睇我既Dream EG

上星期無意中發現呢條EG時已經深深愛上

朋友們又極力讚賞~

可借呢件EG要買走架

價錢都唔平, 唔想使咁多錢又要鍾意...

點好呢?? 緊係等未來老公出聲話買啦 (帶佢去睇既主要目的, haha)

再次試上身效果一樣好~

著左真係唔捨得除 (第一次有呢個feel咋)

designer提議加多少少detail, 條裙會多d變化~

加detail當然要加錢啦...又貴d......

講左一輪價都係冇得減, designer果然有性格!

其實佢唔減都決定會買, 只係心大心細加唔加錢好....

最後o係我"伊伊哦哦, 心大心細" 之際

未來老公一句 [ 加啦! ]

我真係開心到死左!!! 繼伯大尼之後又一驚喜! 多謝您呀~ 愛死您>3<

已經尺身訂造, 下年年頭有得拎, yeah~

未來老公咁錫我, 我都要錫住佢個"荷包"先得

所以決定著少一條EG~

敬酒+送客著同一條就算

一來可以慳d, 二來可以用盡件EG, 影多d相唔好'side'

保持神秘感, 大家睇住咁多先啦  (好似咩都睇唔到呀呵..hehe)



第3站:

食飯去!

原定plan左睇租衫d野, 但係行得太攰又肚餓

唯有留返下星期先去

特別想去[L'amour Bride]

唔知大家有冇睇今期wedding, 封面Miki著o個件WG就係出自L'amour

件婚紗真係好靚~ 下次要去睇下先得



下一步會攪左新屋先

其他野唔好煩住^^

Bethanie Chapel Confirmed!

雖然16號先至deadline, 不過早兩日已經乖乖寄出伯大尼租場支票

寫支票既時候一d都唔心痛

反而鬆一口氣, 都係早少少攪掂唔洗心掛掛嘛, 而家總算飲得杯落!

夢想終於達成, 真係超級無敵勁爆開心 yeah~

支票寄出一日就收到伯大尼E-mail confirm booking

正式合約留待下年1月寄出~

值得一讚是伯大尼(演藝)職員回應非常之快

不論係fax/email, 都有問有答~讚!



場地已confirm, 要著手攪其他事項

1. 尋找證婚律師 (已問林志達律師)

2. 尋找嫁衣/婚鞋 (其中一件EG已找到)

3. DIY - 伯大尼場地佈置 (已有初步構思)

4. DIY - 伯大尼Invitation Card  (已有初步構思)

5. DIY - Wedding Logo (已有初步構思)



比起以上項目, 仲有個大project

距離收樓只剩1個月時間, 係時間要諗下裝修及傢俬問題

新屋只會粉飾牆身, 翻新地板

傢俬方面俳佪o係訂造定現成買之間 (另開post再講)

黎緊會忙..忙...忙....要加油先得!!

伯大尼小教堂の最終回

等左1日, 終於知道Booking結果

大家都知道結果係"唔開心"....

因為伯大尼通知我想book既心水時段下午1-3點已full

就連下午4-6點都full埋

剩下只有10-12點時段

事前己決定非1-3點時段不要

book唔到就算, 估唔到聽到結果o個刻係咁唔開心!!

職員話我可以選擇10-12點, 但要即刻決定

當時已俾唔開心掩蓋所有埋性, 加上非1-3點....覺得冇可能接受

短短一個電話時間,

我真係決定唔到, 又或者係我唔想"say no"

職員話只可以俾15分鐘我考慮~ 到佢call back時就要決定~唉.......

收線後即刻打俾未來老公報告壞消息!

同佢講既時候已經想喊...真係超唔開心

傾完一輪10-12點真係唔可行, 想問人意見但15分鐘可以問得邊個呢?

最後唯有決定向伯大尼say bye!!!

十級唔開心咁等職員call back, 飯都食唔落....

等左15分鐘仲未有電話, 可能佢地都lunch time

o係呢個鐘反覆諗過, 10-12點係咪真係冇可能?

如果放棄會唔會後悔呢?

突然諗到如果將rundown轉下可能work wor

傳統rundown: 出門 -> 入門 -> 註冊

更改後rundown: 出門 -> 註冊 -> 入門 

再同未來老公講我既想法 (老實講我覺得佢唔想)

於是我提議問下職員可唔可以hold住10-12點, 另外再waiting 1-3點

佢都冇反對, 因為佢知我好想book....

冇耐職只call back, 問完一輪細節之後

同佢講我要hold住10-12點, 另外waiting埋其他兩個時段

(雖然waiting list機會不大, book到心水時間多數唔會放棄)

佢話可以當我book 10-12點, 出quotation俾我先,

7日內簽回confirm就得, 如果唔係當give up

所以而家有7日時間俾我諗清楚~

即日已經問左各位blog友意見, 又得到長老們approval, 問埋mua化妝方面ok

而家就睇"我"點諗.....

雖然我有100%想book伯大尼, 但又怕呢樣怕o個樣

擔心時間好緊迫, 又唔想因為咁而影響到其他細節, 又怕辛苦各位兄弟姊妹親戚朋友

但唔book又一定後悔

所以最後我決定.........................BOOK!!!!

伯大尼我黎喇, 等我呀~

諗返轉頭有offer已經好好

雖然個天唔係對我最好, 但係都對我不薄

不過對我最好o個個當然未來老公啦~ love u >3<

[多謝各位blog友既意見+支持, 特別係Matty~ love u all]

伯大尼, 失敗!

心水時間1-3已俾人book左, waiting list 第2個

4-6都係waiting list第1個

只剩10-12時段咋, 時間太趕, 應該唔book喇

好唔開心呀!!!好想喊!!!

打完電話喇, 緊張得我呢!!

好緊張呀, 而家心情都未平復!!

o係15分鐘之前打通左電話??

心情真係好緊張...好緊張....

合共4人之力, 由23:59:00開始打, 我同家姐打都唔通

而妹妹大約o係 00:00:40 打通第一個電話 [時間根據天文台網頁網上時鐘-香港標準時間]

當佢打通之際即刻俾我講資料, o個刻真係好開心~打完時間around 00:00:57

不過講完之後諗, 係咪真係咁快打得通呢??

問返妹妹係咪聽到一段留言先呢, 佢又唔sure wor...

攪到我忐忑不安....懷疑係咪真係打通左!!!

終是我又繼續打, 打左三四次後又接通

今次好sure真係通左, 既然係咁又留多一次資料

未來老公就打左好耐都唔通, 最後around 00:10到打通留多次

我地total留左3次資料!!

希望成功啦

伯大尼~ 伯大尼~

同未來老公商量過

已決定book伯大尼做證婚場地

我真係好開心~~ 多謝未來老公既縱容, 錫晒您 >3<

另外多謝各位朋友 + 親愛既blog友們勇躍支持!

當大家幫我問詳情, 又話會幫我打電話時, 真係好感動

特別係blog友們, 估唔到係黑暗既網上世界都認識到你地 thanks GOD~



咁o岩家姐好友既妹妹o係演藝畢業, 雖然唔知有冇著數

家姐已第一時間問佢可唔可以幫我book, 但係暫時都冇回音

前幾日諗諗下, 已決定最後方案

30/10晚上會由未來老公同我既姊弟妹, 合共5人打電話就算

我覺得打到去橫掂都係留言, 倒不如自己打去都係一樣

免得勞師動重麻煩大家~ (thanks again!)

有你地既祝福就夠了~

都係o個句 [ book唔book到就由個天去決定啦! ] <-- 把口咁講啫....如果book唔到一定好唔問心!



而家剩係想快d到星期日, 快d打完電話放下心頭大石!

得定唔得就睇下星期喇。

(p.s. 如大家有更好既方法, 請提供給我, 謝。)

【箍牙實況 ‧Additional Tray ???】

尋晚又換左新牙箍

每兩星期例行公事, 換箍已成習慣

今次好白痴地唔記得左換第幾個箍~

換新箍時順便漂埋牙

講講漂牙先~

今次呢支漂牙膏(<- 唔知咁叫o岩唔o岩) 係新貨黎架

上次覆診時醫生俾我試既

同舊o個支既最大分別係使用時間短好多~

使用時間比較 :

舊漂牙膏 =  2小時

新漂牙膏 = 5分鐘

係咪相差好遠呢??

因為舊漂牙膏使用時間太長, 我太懶只用過2次咋, , haha^^

新漂牙膏就唔同, 超方便~ 沖涼時漂, 漂夠鐘就一齊洗埋, good~

效果方面兩支都差唔多, 舊款漂完牙齒會有少少麻痺痛既feel, 新呢支都一樣有

但就使用時間方面, 當然會揀新款啦!!



箍牙方面: 用上兩個箍時已經覺爆牙旁邊隻門牙微微向外凸出

我"諗" (因為上次覆診唔記得問醫生) 咁做係想迫隻爆牙出黎

帶左一晚新箍好似有d進展, 今朝照鏡時覺得d牙齊左好多

特別係之前凹左隻牙, 仲差少少就完全出晒黎喇!!!

真係好開心~~ 呢個感覺係第一次有咋

我要快d 箍好, 快d四萬咁口!!!!!!

(註: 醫生講過~ 我未箍時牙型唔靚, 笑既時候除左牙齒仲會見到好多黑色暗影<- 唔知明唔明呢? 但當我箍完時, 就唔會有呢個情況!! 笑起上黎會"四萬咁口"tim~ haha, 諗起都開心 ^______^)

呢下開心係要付出代價架

前所未有既牙痛感覺, 連飲水都覺得d牙好痺!!! 好辛苦!!!

而且為左未來要影既pre-wedding著想, 我d牙冇加到粒粒 (<- 箍牙的attachment-令牙箍同牙齒更加貼實, 箍實d牙)

所以我要努力d, 帶多d箍, 唔可以因為痛而放棄, 仲要咬多d綿花, 等個箍實d再實d!!!!!!

加油~~

明年今日 (22.10.2010)

每次見到blog友仔post呢個topic就諗....幾時到我呢??

等到頸都長, 終於到我~ yeah!!!!

明年今日2011年10月22號就成為人地老婆

時間過得真快, 由求婚到籌備到今日足足成年喇~

仲要等多一年呀, 快d快d~~

今年天氣好差呀, 仲差d打8號風球, 期求明年有好天氣, 千萬唔好打風落雨呀

加送人有我有既婚前進度表

(格式抄考各blog友仔, 如有不滿可通知我更改^^)

倒數365日進度表 (22.10.2010)

紫色字 = 已完成

橙色字 = 待辦

主要資料
日期	2011年10月22日 (星期六)
婚宴場地	紅磡海韻軒海景酒店 - 天澄閣
圍數	已訂25圍
註冊地點	未知
婚後住所	元朗
儀式 & 準備用品
出門地點	女家 - 將軍澳
出門吉時	09:00-16:00
入門地點	男家 - 置富花園
入門吉時	09:00-16:00
過大禮日期	2011年10月1日 (星期六)
過大禮吉時	16:00 (唔sure)
過大禮用品	未準備
上頭日期	未知
上頭吉時	未知
上頭用品	未準備
西餅咭	美心 - 已買 150張
唐餅咭	奇華 - 已買 10張
金器嫁妝	未準備
回門乳豬	未準備
囍帖	天澄閣提供 - 1圍10張
龍鳯被	未準備
跪地咕o臣	未準備
紅遮	未準備
囍字貼	未準備
男女家對聯	未準備
敬茶用具	未準備
蓮子,紅棗,湯丸	未準備
利是封	未準備
兄弟姊妹團
伴娘	妹妹
姊妹團	暫定7個 (已有人選)
伴郎	未定 (Jason/ Coman?)
兄弟團	暫定7個 (已有人選)
司儀	未定
接新娘遊戲	未定
婚紗攝影及婚禮攝錄
結婚相 (3輯)	1.  Joson Ng @ 澳門	2010年7月已影, 已收相未執
	2. Able Studio @ 沙巴	2010年8月已影, 未收相
	3. 法國巴黎 @ 香港	未影, 已Book 2011年3月影
油畫 (3幅)	1. Able Studio x 1	未定
	2. 法國巴黎 x 2	未定
簽名布 (1張)	法國巴黎	未定
婚禮攝錄	Jimmy Ko (2P + 1Vz)
成長片段	Jimmy Ko
化妝 及 禮服飾物
新娘
新娘化妝	Yumi@ Makeup Secret
伴娘/ 姊妹/ 媽咪化妝	Makeup Secret
婚紗	未知
晚裝	未知
裙褂	未知
晚裝鞋	已買1對白色
褂鞋	未知
手套	未知
頭紗	未知
頭飾	Yumi Yeung @ Makeup Secret
飾物	Yumi Yeung @ Makeup Secret
Girdle／束褲	已買 - 莎娜美
Nubra	已買 - 私人胸間
新郎
禮服	未知
恤衫	已買兩件 - 趙太 & 金都
黑鞋	未知
白鞋	未知
其他
男家長輩服飾	未知
女家長輩服飾	未知
伴娘裙	未知
姊妹裙	未知
兄弟服飾	未知
註冊準備項目
律師證婚	未知  (如去註冊署就唔使)
場地佈置	未知  (如去註冊署就唔使)
進場音樂	未知  (如去註冊署就唔使)
戒指枕	未準備 (應該會DIY)
羽毛筆	未準備 (應該會DIY)
結婚證書套	未準備
賓客邀請名單	未知
婚宴準備項目
場地佈置	JNC Wedding Decoration
婚宴蛋糕	天澄閣提供 - 8磅
席前小食	天澄閣提供
回禮小禮物	唔送
紅酒	天澄閣包每圍1支
洋酒	未知
婚宴音樂	未知
啤牌,瓜子,糖果	未知
祝酒杯	天澄閣提供
賓客簽名筆	未知
檯號牌	未準備 (應該會DIY)
Menu 牌	未準備 (應該會DIY)
婚宴音樂	未知
當日／晚宴流程	未知
存放賀禮袋	未知
工作人員工作表	未知
賓客邀請名單	未知
花飾
真花花球	未知
絲花花球	已訂Kitten - 未定款
新郎襟花	未知
兄弟襟花	未知
姊妹手花	未知
主家人襟花	未知
親戚襟花	未知
花車
花車	應該公司sponsor
Van	應該公司sponsor
花車公仔	已買, 公仔衫未DIY
花車佈置	未準備
其他
婚前檢查	未知
Honeymoon	未決定