我的淘寶假手飾

見大家咁捧場等我share埋o係淘寶買既手飾先

Big date同沙巴pre-wedding都會有手飾包埋

今次係為澳門既pre-wedding先買, 打算買兩套去頂住先

之前返荀崗&東門都有睇過, 諗住會平d又可以睇下實物

不過睇極都唔o岩心水, 好假之餘價錢仲要唔平, 靚少少都要70幾蚊人仔

香港花園街都有, 一套3件大約$100, d款都係睇唔o岩

最終都係去淘寶入手, haha, 買左兩套用大家share下先



1.  套飾(1) - 38蚊人仔

o係訂造婚紗間shop有套飾買, 全部款都係38蚊人仔, 諗住慳d運費順便買左1套

就係呢套喇, 手工都ok架, 清清地唔算好誇張, 用黎襯黃色晚裝同婚紗都得

2.  套飾(2) - 24蚊人仔

呢套o係另一間買既, 韓國款珍珠加閃石, 比較上面o個套仲平, 加埋都唔洗24蚊人仔,  用黎影相都幾靚, 只係對耳環誇張少少, 成個2蚊銀咁大, 睇下到時襯唔襯到先

    唔係一套架, 分開買

   頸鏈 16.90人仔

    耳環 6.50 人仔

同場加影

3. 頭紗 - 13蚊人仔, 都係購自訂造婚紗間shop 

有少少瑕疵, 睇真d先知走紗穿左幾個hold, 用黎影相就算啦

4. 禮服套 - 10蚊人仔, 都係購自訂造婚紗間shop, 唯一好就係唔防水

我的淘寶婚紗

為左澳門pre-wedding去淘寶量身訂造左一件簡單既婚紗

budget預左around hk$300包埋運費,

不過search左好耐, 呢個budget係買唔到我想要既野

日以繼夜終於搵到條o岩budget又o岩心水

同賣家傾過量身訂造7日可以起貨, 佢話做出黎有90%相似架

訂造呢條同款米白色加小拖尾↓

15/6買計返7日諗住上星期中有得拎, 點知等極都未見賣家發貨

用淘寶旺旺, 旺左佢幾次都冇人理~ 錢又俾晒, 幾驚俾人走單

等到星期六終於見到佢發貨, 好心急想快d收到條裙!

收到時打左個"特", 個packing好ugly....好似一舊野求其拎個麻包袋入住咁

第1個印象已經好差...對件婚紗既期望即刻下降

你地睇下個packing係咪成舊垃圾咁喇↓

返到home第一時間就拆開睇

打開ugly packing麻布袋原來仲有個膠袋既....睇見順眼好多整齊好多, 信心又返晒黎喇, haha

o係呢間shop一共買左1件婚紗, 1條頭紗, 2個防塵袋, 1套假手飾, 每樣野都有透明包裝袋

今次share訂造既婚紗先, 實物靚d架↓

細節分析:

1. 同賣家提供既紫色圖比較, 只係胸口位有d唔同, 由心型胸變左low cut款, 高腰變左中腰

2. 胸口位造得都幾detial, 不過造左米色d閃片唔夠突出

3. 婚紗裡面有pad有扣, 仲有紙口位預留修改鬆緊, 唯一唔好係拉鍊上面冇個銀色安全扣, 又要diy喇

4. 婚紗有3層, 外+中層都係帶"令"身既水晶紗, 內層係厚段布, 上身效果唔透好有質感



上身效果:

同相比較都有8成似,  自己度尺寸俾佢做都算ok, 只係腰帶下面位置有少少鬆, 到時會加工修修佢

另外我好衰咁度高5cm身高再要求加小拖尾, 攪到條裙好長, haha 

(p.s. 冇著girdle & 高跟鞋)



價錢 :

一口價230蚊人仔, 加小拖尾加多30蚊人仔, 未計運費260人仔算係幾好

影完澳門應該會帶埋去沙巴, hehe



大家覺得點呢?

會唔會太清冇咩野睇?

如果有時間的話, 考慮緊DIY加d 閃石o係胸口位/ 裙腳位, love bling bling~

天澄閣OPEN DAY

等左半年終於等到天澄閣open day

好多blog友仔都知道我好想睇天澄閣既新娘房

今次終於得償所願喇, yeah~

除左呢個目的, 其次要睇下現場證婚既效果 & JNC佈置

未諗到wedding theme colour用咩色, 有諗過用白色, 但怕會好單調

點知一去到門口就見到呢個隧道設計, 好靚呀, 即刻有bingo既感覺

不過生得高既朋友就麻煩少少, haha

行入去就見到呢個攝影區, 可以將receiption搬入黎

娛樂區, 可以放8張麻雀枱, 到時唔知夠唔夠呢?

入到場已經有好多人到左, 大家都周圍參觀

其中JNC就最多人, 可能大家都俾今次既佈置吸引住

被吸引既人包括我在內, 問左價錢都ok wor, 即場join仲free燈柱同地毯

聽落好似好抵, 不過未來老公唔想咁早join住....都係睇多幾間比較先算wor!! >.<

今次終於睇到我最想睇既新娘房, 不過太多人影唔到相

俾我想像中細好多, 如果真係confirm有8個姊妹, 到時可能會好迫呀!

再睇個backdrop, 又係我杯茶....睇到雙眼發光.....

俾我會將淺橙色改做紫色, 諗起都靚, hehehe

另一個目的就係睇模擬現場證婚, 因為本身唔會揀當晚註冊

所以想睇下呢次個效果, 當俾個心理準備自己又可以多個選擇

不過睇完之後更加肯定自己唔like, 一定唔會揀囉

另一樣發覺到既係新人在台上面時打燈既職員技術麻麻地

射住新人spotlight 時大時細, 睇到台下既人好辛苦, 唔知係咪特登形做效果呢?

今次open day 好開心撞到blog友仔, belble, 比比妹妹 & Matty, 佢地3個都好細個呀!

如果唔係怕羞一定會同你地傾多兩句~ hehe

★ 澳門婚照 - 禮服篇

上次提過將會影多輯pre-wedding

地點已經決定去 "澳門"

暫定下星期5, 6 過去影, 希望到時唔好落雨

去澳門要準備既野冇咁多

主要係租衫麻煩少少啫

好彩我地為左沙巴之旅各自已經造左1套晚裝 & 禮服

今次只係帶多套婚紗過去就ok喇

諗到要租婚紗, 第一時間就諗起淘寶

與其俾幾百蚊出去租, 不如買一條算啦

一來平 3百蚊有找, 二來唔洗怕整難整污漕, 三來可以帶埋去沙巴

哈哈...一舉幾得 (如果造得靚的話 :p)

心急既我緊係第一時間上淘寶search啦

心目中想搵條a-line 唔要大拖尾, 比較成熟&古典少少既

類似下面呢條↓

超like呢款, o係淘寶買都唔平, 要過千人仔....叫我點買呢??!!

自從上次去Grandness揀衫去沙巴時,

試過一條類似既款之後就愛上左呢款婚紗~

決心big day要搵件類似既晚裝做敬酒, haha!! (暫時想法, 可能到時又唔like)

呢款冇行唯有繼續搵到o岩為止

淘寶實在太多選擇喇, 平至1百蚊貴至幾千蚊, 款式包羅萬有, 睇到眼到花 @.@

搵左幾日終於搵到一條o岩budget又o岩心水既

同賣家傾左兩日, 問左勁多問題, 雖然間鋪好評唔多

不過俾張相既紫色吸引住...最後都決定幫佢買~

15/6買, 等左兩個星期今日終於收貨!

好緊張, 好想快d返屋睇下, 到時再另開post同大家share ^^

我訂造既係下面呢款, 顏色改米白↓

♡ 沙巴Pre-wedding之準備 - 酒店confirm喇~ ^^

為左慳d, 一直都係用email同沙巴當地旅行社聯絡去book酒店

經過大半個月周旋, 終於攪掂喇~~ 真係好開心, 又鬆一口氣

我地既沙巴之旅要準備既大項目, 包括酒店, 機票, 租衫都confirm晒

下一步就要plan行程 (攝影景點 & 自由行玩點), 仲要買d準備物資

例如我既內衣 (girdle已有, nu bra未買), 未來老公既野....

仲有好多好多野要買, 好驚會帶漏野呀

呢幾日要做既事就係睇下其他blogger既準備事項, 參考下有咩要帶過去先得

7月中就會同攝影師黎個meeting, 傾傾到時既rundown等等~

好心急呀, 好想快d到7月~

另外想問問各位有冇好d而又冇咁貴既 nu bra介紹呢??

唔想為左著幾次而買咁貴~

同埋有冇整指甲既shop推介呢??

♡ 免費Pre-Wedding的決擇 &gt;.&lt;

又黎人生交叉點

話說化妝班同學仔問我有冇興趣影多輯pre-wedding, 同學仔做makeup, 佢既朋友做攝影

呢輯相會當作佢地既Job Reference, 費用當然係免費的, 但不包括租衫

本身既已有兩輯pre-wedding, 再影多輯會唔會太多呢~

在我立場緊係 "no problem"啦, 一來唔洗錢, 二來當係去沙巴前既warm up

主要問題在於未來老公, 未問之前一心諗住佢唔會肯影

點知佢出奇地超爽快答應

嘩....好開心, 又多一輯相, 而且攝影師既作品好合我心水, 影得好有feel架~

尋日約左同學仔&攝影師出黎見個面, 順便傾下大家想要d咩

初次接觸都有d怕羞...好在攝影師都好nice, 好多野都可以由我地話事

佢主要想影多d建築物 & 包含歐陸色彩, 呢方面我地都配合到, 如果我地影3輯, 都希望每輯有唔同風格

問題黎喇....就係選擇拍攝地點

起初傾時都係plan香港, 點知講講下攝影師就提出另一個景點 --- "澳門"

聽到澳門真係心郁郁架, 唯一考慮問題就係"錢"

如果去就會租一晚酒店, for 拍攝 & 化妝等, 再加來回船飛

計埋交通費飲食, 條數都幾襯計around 3k到

其實唔係冇錢, 只係唔想洗咁多錢

冇啦啦又out-bud.....真係要好好考慮一下

未來老公又係o個句冇所謂, 話去澳門影仲好, 如果o係HK影的話

到時法國巴黎HK o個輯就會少d景點選擇, 好單調咁話

佢有佢既道理, 既然佢say yes我一定跟佢

可惜我呢d有選擇困難症既人心大心細唔知點好

首先我想影中環某景, 攝影師有sample俾我地睇影得好靚....真係好想比佢影 (怕法巴影唔到呢d效果)

另外又想我地既結婚相多元化d, 有多d唔同既野

唉....女人真係煩~

拍攝日期暫定7月頭, 所以呢個星期要決定喇~

如果俾你會點揀?? 香港定澳門??

♡ MY DIY - Pre-Wedding 花球改良完成

拎去沙巴影pre-wedding既花球終於大執完喇

參考各位意見, 最終都係唔懶得將繡球花拆散再加鐵支

另外減少牡丹既數目, 仲有將兩個位置掉轉

即係牡丹放中間, 繡球花就圍邊

大家睇睇覺得點...會唔會順眼d呢?

由於繡球花拆出黎得返好少, 唔夠多, 攪到個花球好似好細個咁



對比一下第1次既製成品先

正如blog友仔 "C&S" 講繡球花拆開真係會好d~因為影pre-wedding時如果遠影個花球..只會見到一舊白色既野

而家應該冇呢個問題啦~

仲剩有好多花, 遲d有時間就整埋頭花 & 未來老公既襟花

順帶一問, 影pre-wedding男仔係咪一定要襟花架呢??

因為繡球花已經用晒, 如果佢個襟花唔用繡球花會唔會好怪??

♡ 沙巴Pre-wedding之準備 - 收到當地旅行社回覆~yeah!!^^

多謝各位支持, 特別係BELBEL提供既資料...

尋晚返到屋企越諗越唔對路

因為我已將booking資料, 包括e-ticket copy send左俾佢地 (credit card資料除外)

萬一當中有誤會, 佢幫我book左, 而我又搵左另一間agency再book就麻煩

雖然呢個假設發生機會唔大, 但可免則免

so忍唔住又send多次email俾佢地 (佢地一定覺得我好煩, haha)

用中文再一次confirm佢地有冇收到我既booking email, 另外解釋埋我咁緊張既原因

唔知係咪我英文太差...

今次終於, 係終於收到回覆喇

回覆內容講已收到我booking, 等待至下星期三前hotel o個邊confirm有房就會出invoice俾我

等你呢句真係等到頸都長埋, 早d reply我就唔洗擔心咁耐嘛!!

♡ 沙巴Pre-wedding之準備 - 第4回

:: 此post已私有化 ::

為左沙巴pre-wedding, 特別返深圳訂造左套晚裝

其實拎左好耐, 只係未有心機寫post

今次過程都幾辛苦, 由搵師父量身到拎衫, 基本上每星期上1次, 足足上左去4次...

其中一次仲差d俾人打荷包....諗起都怕怕, 好鬼驚!!!  

而且上到有d怕怕既感覺, 黎緊冇咩特別都唔會再上

remind下大家先, 以舒淇呢套做藍本訂造, 我造既係鮮黃色

就咁睇圖以為好易整, 問落師父先知唔易, 特別係胸口detial位好難整

聽佢咁講都有d驚, 但係上到去冇理由唔造嘛

成品整出黎既效果只有40%相似, 特別係胸口detial位唔係好似.....

不過size做得幾fit (呢樣要讚)

上身效果都可以接受, 影相都ok既, 算收貨啦

反而男友既禮服造得唔錯, 7百幾蚊都幾抵 (sorry...次次都冇同佢影相, 包括今次, hehe)

唔講咁多去相先

因為屋企燈光唔夠, d色怪怪地, 實物會sharp少少

拖尾係我要求加長少少架...而家有少少後悔, 怕影既時間好麻煩

胸口detial有少少怪! 不過算啦, 師父話佢諗左好耐先整到wor...

(請無視我個唔靚既背脊)

後感︰

奉勸各位想返深圳造衫既朋友要諗清楚

要有心埋準備要返去好多次先拎到衫, 同埋出黎效果未必滿意

要接受國內同胞做野既效率加溝通技巧

上得去又有其他洗費, 如果o係hk搵到條o岩心水既, 貴少少都可以考慮架, 至少上去既水腳都可以慳返

另外可以考慮去淘寶買, 起碼平成2百蚊架!

♡ 沙巴Pre-wedding之準備 - 第3回

沙巴pre-wedding 將於7月尾出發

plan左呢個月頭"一定要"決定book咩酒店, 同埋準備細節

好彩一早book左機票, 煩少一樣

為左配合攝影師等到而家都未book酒店, 有d心急

簡單講講個拍攝流程先

Day	Hotel	Actions
Day 1：	Imperial Boutec Hotel	自由活動	下午機去到沙巴都6點幾, 拎埋行李去酒店, 應該好夜喇
Day 2：	The Magellan Sutera	拍攝第1日	轉酒店 + 會合攝影師, 由下午影到黃昏
Day 3：	The Magellan Sutera	拍攝第2日	會合攝影師, 由下午影到晚上
Day 4：	The Palace	自由活動	轉酒店 + 自由活動, 可能join day tour 出島or去神山
Day 5：	The Palace	自由活動	自由活動, 留o係酒店hea下
Day 6：	The Palace	Byebye	Back to Hong Kong

網上搵到沙巴當地旅行社資料, 打算搵佢地book酒店

比較過兩間, 分別係 "特x旅遊" & "完x假期"

兩間都多人book又有好評, 散book酒店價錢基本一樣, local tour "完x" 會平少少

由於用e-mail聯絡關係, 我地揀左回覆比較快同詳細既"特x旅遊"

我個人比較麻煩, 咩都要知清楚問詳細, 有一樣唔明白就好唔舒服

見佢reply得ok就決定join佢地啦, 2日前已經firm實酒店& send埋資料俾佢地,

正常佢會好快reply....偏偏呢次仲未覆 (好心急又擔心)

已經重覆send左3次俾佢

唉.....仲諗住book實酒店就可以開始plan行程細節, 同埋plan另一輯free HK pre-wedding (詳細遲d再講) , 又要順延喇~



為左呢個trip既酒店, 已經諗到頭爆....壓力大到訓唔著!! @.@

快d覆我啦, 快d覆我啦, 快d覆我啦, 快d覆我啦, 快d覆我啦!!!!!!!

♡ 我們的婚介

上星期五放工去左婚紗展

今次主要去睇結婚介指 & 子宮頸癌針

結婚介指早有心水

要求多多既我, 目標要搵對一模一樣, 即係唔要女仔有石男仔冇o個d款

而且男仔要粗身d, 女仔要幼d....

男友話咩款都冇所謂, 最緊要我鍾意就得...haha, 鍚晒佢



如果趕得切我地想拎埋對介指去沙巴影pre-wedding, 所以婚展前已經睇晒各大金行

經過一輪篩選後, 比較合心水剩下 "點晴品" & "PN", 兩間各睇中左1款

o係PN睇中呢款, 不過係全隻銀色, 都幾靚架, 帶上手都ok, 唯一唔好就係兩隻唔同囉, 一對around $7500

另外點晴品o個款搵唔到圖, o個對一樣架, 好鐘意, 兩隻都有3粒石, 但男友話女裝太粗帶得唔好睇wor, 一對around $8000

心大心細, 諗住婚展入去睇下會唔會多d款 & 平d先決定

老實講我真係好like 點晴品o個對, 不過太貴....心目中budget 預6k到, 唔想over太多

但如果婚展睇唔o岩, 我最後都會買點晴品, haha

點知入到婚展就灰左.....點晴品冇擺booth囉!!!!

唔.....橫掂入左去順便睇下其他, 睇勻都冇o岩, 再去PN睇多次上面o個對都係買唔落手

話晒要帶成世, 唔想夾硬買

打算走之際路經 "Mabelle", 見幾多款就坐底睇下

睇左幾對都冇咩o岩心水, 因為好多時襯得我又就唔到男友

佢成日話覺得女仔帶有一排石既睇d, 但我又想兩隻一樣

冇理由佢都帶一排石咁"基"架嘛

差唔多試晒所有款,終於有對係合心水d架喇

款式簡單, 雖然我o個隻有3粒細細既石, 但睇上去都好清楚係一對既

就係咁就決定買呢對喇, 佢地做緊promote 買滿5千就可以減1千

我地o個對減左之後就成為4900大元, 真係好抵, 呢個價錢只係買到點晴品既一隻咋!

對介指要等1個月先起貨呀...好彩都趕得切拎去沙巴, 好心急呀, 好想快d拎!~

唔記得影相上網又搵唔到圖, 拎左會post上黎share!

:: 注意 私有化程式 現已開動 :: (更新)

:: 注意 ::

請各位留意本blog的私有化程式現已開動

為免資料發佈於非本人的blog及阻止一大埋無謂既留言

局部私有化會於今日開始實行

<主要私有化有關wedding and 有個人相片既post>

如有興趣請留言add做blog友

[只限有文章及相片分享的blogger]

歡迎各位bridge-to-be交流及分享~

    ***********************************************************

大日子:  2011年10月22日

婚宴地點:  海韻軒海景酒店天澄閣

出門酒店: L'Hotel Island South

證婚: 伯大尼小教堂

租衫&花球: 唯美主義/ Cocoon

Pre-wedding@ 香港:   台灣法國巴黎

 Pre-wedding@ 沙巴:  Able Studio - Charles Ko

MUA:  Makeup Secret - Yumi Yeung

當日攝影:  Jimmy Ko @Diva

***********************************************************

資料更新@28.05.2011