做左一日女工, 花球終於整好喇
真係好辛苦, 整到十隻手指都好痛
雖然出黎效果麻麻地, 連家姐細妹話整得好樣衰!!!
不過見到製成品真係好有滿足感, 唔靚都算啦, haha
就係要將呢堆花材加入鐵支都整左我幾個鐘.....
完成既花球, 高抄影"好似"都ok....
但係拎住影總覺得"怪怪的", 唔識形容, 總之就唔靚!! 係d花既問題, 定係手勢問題???
唉....我都係冇咩天份DIY架喇!!! >.<"
考慮緊帶唔帶佢去沙巴........
有成個月冇update到牙仔現況喇, 而家有時間就update下啦
直至5月頭"名義"上已經完成29個箍既療程, 當然不包括帶retainer的兩年半時間
終於都等到呢日, 可惜效果未如理想已有心理準備一定要加箍
上次醫生已經話要加多10幾個箍, 上次覆診時就重新印模做新牙箍喇
要加幾多個仲係未知之數, 而且新箍起碼要等個幾月先有....暫時都要帶住tray#29先
話已經箍好9成, 仲差少少咋
同醫生溝通過有咩地方需要/想要改善 -> 包括: 上排爆牙未完全箍好, 下排有隻牙仲係歪歪咁, 另外係咬合加牙縫問題......(好多問題呢 -.-" )
等待新牙箍中, 希望唔會影響到8月pre-wedding~!!
confirm MUA後, 要為pre-wedding做準備喇
第一項當然係影Pre-wedding唔可以缺少既花球啦
心目中搵個平平地影完就唔要既花球
之前已經四出搜集資料, 搵最平最靚又合心水既
世事緊係冇咁完美啦, 搵到合心水又太貴, 平既又唔靚
去金都搵到一個好o岩心水, 夠colourful又靚, 不過好貴呀, 要成$380....
上網睇都搵到, 平d, 不過又怕整出黎貨不對版....
諗過買個靚少少, 影完沙巴下次可以再用影香港o個輯, 又怕影完會好殘都係費事
為配合沙巴feel, 想搵個colourful d, 開心d既花球
一諗就諗到用太陽花, 不過費事同先前訂造既黃色晚裝撞色, 太陽花out左!
上兩星期去開深圳, 順便去荀崗昅下有冇現成買
搵左幾間都冇, 有都好"娘", haha
把心一橫決定買花材DIY, 平d又可以揀自己like既花
買左3款花: 白色綉球花2支, 黃色牝丹花2柬, 粉橙牝丹花2柬, 橙色+紫色襯花少少
另外買左, 白色絲帶, lace絲帶, 扎花綠色膠紙備用
加加埋埋around 100蚊人仔到
第一次DIY, 對手作仔有興趣但冇天份既我, 希望成功啦!!! 加油~~
粉橙牝丹花, 溝埋黃色會sharp d架
初型大約係咁, 不過紫色襯花效果唔出, 今晚試下將佢放入白色綉球花附近睇下會唔會好d先~
請教一下:
而家諗緊點收尾, 因為d花腳唔係支支都靚, 一岩一忽咁. 有咩辦法整得靚d呢?
尋日試妝confrim左既MUA係 Makeup Secret 既 YUMI
其實o係makeup secret學化妝時已經有留意呢位大師姐
o個時已經覺得佢化既妝好靚, 每日都會上佢個blog昅下有冇update
點知越睇越鍾意, 未決定結婚時已經諗會搵佢做MUA
點知睇得多人地d blog, 又俾其他mua吸引住....haha
我真係衰, 太易心動!
不過Yumi始終係我既心水
之前因為等熟人介紹o個個放飛機既MUA, 攪到好冇心機
中途經人介紹下走去試左另一個平時化開明星又有多年經驗既mua, 點知.....好失望囉!!!
同睇相兩回事...超唔開心! 仲要"side"埋試妝費, 心諗算數當係試多個有比較啦
如果唔係試過佢咁差, 就比較唔到今次既"好"
o係學校見過Yumi兩次, 不過冇交流....就咁見佢個樣好似好惡...原來佢好nice又好人架...
把聲仲有可愛好似小朋友聲咁, very nice.
入正題喇, 尋日試左兩頭兩妝, 我揀左掛妝+婚紗妝
本身都唔知點揀, Yumi就分析返如果試晚妝只係on top加d色, 諗真又係wor, 試掛妝+婚紗妝會試得真d
好....去相先
首先係化完掛妝未加唇色, 準備set頭既樣 (好like呢張相, haha)
原成掛妝, Yumi根據我既要求去set頭架, 都set得幾好架
掛頭後面係咁既, yumi噴得唔多spray所以有d毛毛
婚紗妝眼影加深左少少黑色, 好like呀...本身唔like粉色系, 好合心水
想試下set all back頭, 但係試過唔好睇, 都係留"陰"好d, yumi幫我set左少少curve不過唔夠長, 睇唔到有太大分別
Yumi試妝就分享到呢到, 大家覺得點呢?
同場加影, 上次試妝既相, 我已經揀左最滿意既一張post出黎, 不過大家3要有心理準備唔好嘔, haha
我個fd話我老左10年....好慘!!
等左大半個月終於等到尋日試妝喇
尋晚放工就去左搵Makeup Secret 既Yumi試妝, 好順利又滿意
試完立即confirm左 Yumi做我big day 既MUA
超開心...又攪掂一樣喇
多謝YUMI將我化得咁靚, 你幫我化既妝都好o岩心水呀! 有信心big day o個日你會將變得更加靚靚~
我會好好保養, 努力擊退千年黑眼圈! 努力努力
試妝相會私有化, 有興趣就叫我add你呢!~
上星期四去左揀衫喇
今次係我第1次著婚紗, 心情都幾緊張架, 好彩有細妹同未來老公陪我去幫下眼
7點去到揀到成9點先走, 即係每件揀左1個鐘, haha
Grandness可以俾我地揀去影pre-wedding既衫唔多, 只有4本相簿咋
好辛苦先揀左around 10件出黎試, 就咁睇相真係冇一件係特別o岩心水
之後已經想試一件前短後長既婚紗, 可能我矮又腳粗著上身效果真麻麻, 所以最後都冇揀到
sales都好好拎左幾件新返既衫比我試
不過一件都冇揀到, d衫唔係太大件就好sexy....."我接受唔到囉"
最後揀左呢兩件
好難先揀到呢件婚紗咋, 雖然著上身冇"叮"一聲既感覺, 但已經係最滿意既一件
大家都比較滿意既一件晚裝, 少少成熟, 比較其他超deep v款, 呢件已經係最靚
細妹偷影到其中一件新返既婚紗, a-line + 超deep v, 胸口有釘珠閃閃地都幾靚, 個款都幾特別架, 不過著上身個v deep到落肚臍, 件衫仲好鬆, 鬆到好似小朋友著大人衫咁
sales用多好多針先fit到我個size咋, fit左都幾靚架
曾經有少少動搖想揀, 最後都係接受唔到太sexy而放棄, 諗落都係揀件穩鎮d既好
後尾o係淘寶有得買, 只係200大元人仔咋, 仲有得訂造tim....唔....有可能會造多件拎去影相, haha
o係我揀緊途中, 男友順便揀埋男禮, 佢心目中會揀白色燕尾
奈何佢體型太大關係, 只得"1"套o岩身, 想揀都冇得揀....唯有硬食啦, 好慘呀!!
自己掛住試都冇幫佢影相tim, hehe
下個目標係花球, yeah!
沙巴Package只包我2套衫, 男禮仲少得1套
上星期已經去左租衫公司Grandness睇過d衫, 可以揀去pre-wedding既款式不是太多
我地原意會租1套婚紗+1套晚裝, 另外自備casaul wear, 加一套型D既晚裝過去, 但係睇完d衫想法有少少改變
因為店員同我地傾, 問我地沙巴有咩影先再準定租咩衫
問o個下真係啞左, 雖然個個都話沙巴好靚, 但係問我有咩影就只可以答到陽光與海灘+酒店景...haha
諗諗下又係, 沙巴應該冇咩夜景, 如果租晚裝怕會唔襯
於是店員就提議我租兩款婚紗, 1款係前短後長有拖尾, 另1款係A-Line
前短後長有拖尾個款大根概係咁, 如果著去沙灘影都唔錯
暫定我會租2套婚紗, 男友就租1套白色燕尾
另外各自備1套晚裝&黑色禮服
為左自備衫去影相之前做左少少search, 包括出去買現成/上淘寶買
可惜睇黎睇去都唔合心水, o岩既又太貴....好煩
於是前日我地就北上, 睇下有冇心水, 如果冇就訂造算喇
o係淘寶睇中左舒淇著過一套晚裝....簡簡單單, 又有我想要既飄逸效果
淘寶價有平有貴, 平既3百幾蚊人仔冇實物圖, 貴既千幾蚊都有
搵到一條價位5百幾蚊, 有實物圖之餘評價都幾好
大家睇睇比較下
舒淇款, 佢著好靚, 勁鍾意
呢張係淘寶廠家仿製既....都ok架, 不過下擺差少少
比較過都係博唔過, 怕自己度身唔準, 如果造出黎唔o岩身又唔包改, so都係放棄
去過羅湖城格價, 連工包料最平收480人仔, 剩手工就250, 不過問過d布要成200幾
男禮用普通國產布料就要800幾蚊, 只包西裝外套+西褲, 其他靚料就要成千銀
估唔到而家大陸d野貴左咁多, over budget!!
於是我地轉地點去朋友介紹於東門附近既窗簾布城, 話男禮造得唔錯, 緊係要去睇下啦
途經blog友介紹既"唯美婚紗禮服行" <- 完全唔掂....間鋪好細, 只得好少款, 睇左兩眼就走, 失望!
去到窗簾布城, 原來除左有得做窗簾, 仲有好多布賣, 勁多選擇仲要平過羅湖城好多
上到3樓有10幾間造衫既鋪, 間間都差唔多唔知搵邊間好...見到一間咁o岩有人傾緊, 見師傅d圖畫得唔錯, 問價又ok wor, 於是就搵佢度身訂造
我既晚裝: 揀左鮮黃色, 影相可以sharp d嘛
布料 + 手工 = 192人仔 + 260 人仔 = around HK$520
男友禮服: 黑色平腳西裝 + 背心 + 西褲
布料 + 手工 = 225 人仔 + 460 人仔 = around HK$780
我o個套計落都唔平, 但相比o係Grandness加租1套要$800就ok啦
反而男友套禮服幾抵, big day o個日又可以著返, haha
下星期有得拎, 到時去FIT一次, 包改, 希望OK啦!
聽日去grandness揀衫, 到時再同大家share~