♡ Pre-wedding的決擇 - 2

budget問題去唔到布吉影pre-wedding真係好失望

同男友表姐傾開, 佢又介紹另一個freelance俾我地

咁o岩10月會有團去日本, 問我地有冇興趣join....

一聽到"日本"即刻雙眼發光啦....問埋價錢又唔貴wor, 又開始身癢, haha

不過呢個freelance我地唔識, 作品又未睇過

於是約時間上左佢間studio傾, 原來8月佢會去沙巴, 10月去日本

我地又多個地方揀

兩個地方既package價錢差唔多, 日本貴少少啦

一向鍾意陽光與海灘, 緊係prefer去沙巴多d啦

睇過佢既sample, 傾埋細節....考慮左一晚

第2日已經上去落訂, 拍板去 "沙巴" , yeah yeah~~~

8月就去喇, 真係冇心理準備

而家要努力keep fit, 仲要plan行程, 搵酒店...好多野攪呀

♡ Pre-wedding的決擇 - 1

一波未停一波又起, mua 未攪掂, 另一面又要做決定喇, 一個字 "煩"

要做決定既係籌備婚禮當中另一個大task "Pre-wedding Photo"

希望o係5月前做個了段, 免得夜長夢多心掛掛!

我地會影2輯, 上年已book左台灣"法國巴黎", 另一輯就plan o係香港影

香港o個輯唔會join法x婚紗, 羅x宮呢類公司, 會主力搵freelance影外景, 外景唔一定o係香港影, 去外國都會考慮, 因為"法國巴黎"可以俾我地揀o係HK/台灣影都得, 而我地心目中都有2個方案

(1) 台灣 "法國巴黎"  +   香港 "Freelance"

(2) 泰國布吉 "Freelance"  +   香港 "法國巴黎"

如果budget ok的話, 一定會揀方案(2), 因為我地超鍾意泰國, 而且freelance係熟人, 當日攝影都係搵佢, 對佢影既相好有信心.

上星期搵佢傾過budget.......嘩......竟然over左成8k, 比起當初報價大失預算囉!!!

最慘"法國巴黎"o個邊有又機會要加相仲有其他雜費, 要預返多少少錢

所以另一攝唔可以洗咁多! 因為咁被迫揀返方案(1)

暫定今年10月去台灣, 下年3月o係香港影~

♡ 化妝篇 - 再一次失落!!

繼上個mua失去聯絡之後...決定放棄佢, 今日已經開始搵其他mua喇

心水mua包括:

1. May Chong - 已經俾人book左lu....好唔開心, 最o岩心水就係佢架嘛!!

2. Ada Yip - 已有2個JM pencil mark左佢, 如果我ok就要waiting list

3. Sum Sum - 未覆email, 等待中....聽日未有回音就打俾佢

4. Makeup Secret - Phoebe Lee  

5. Makeup Secret - Yumi

    - Phoebe 同 Yumi應該仲有期, 我想試左其他先再搵佢地是但1個

尋晚同未來老公傾過之前決定唔等之前個mua. 做呢個決定之後已經訓唔著, 返到公司又冇咩心機做野, 睇完blog友們既意見之後決心要盡快解決呢個task!

之前諗住o個個mua唔ok就會搵May Chong, 佢係我既first choice....可惜佢已經俾人book左

諗住早咁多搵佢應該唔洗同人爭啦...原來錯晒, 佢真係好full

睇到佢個reply時即時灰左~~~ 好唔開心, 點鮮會咁唔順利架! 於是再問Ada Yip...佢都俾人pencil mark埋!!!!! oh....d人有冇咁快手呢??? 定係我自己唔著緊慢人一步???

而家寄望 Sum Sum同makeup secret....如果sumsum ok就好喇...等佢回覆

我已經搵mua搵到腦閉塞, 請問blog友們冇mua推介....同俾少少意見我, many thanks!!~

♡ 化妝篇 - 失望, 失望+失望!!

睇個topic大家一定以為我試妝失敗啦, 如果係就完全"錯"

因為我期待已久, 幾經辛苦先約到既試妝, "告吹了" , 超級唔開心加失望!

原定約左今日去試妝, 點知星期5下晝收到mua SMS通知話

"因為公司要佢星期六返工, 幫唔到我試妝, 要再約下次, 仲有佢而家做緊嘢, 唔方便打電話"

睇到個message已經好奇怪....明明係約佢星期日試, 係咪攪錯左呢??

先confirm左自己有冇攪錯試妝日期穩鎮d, 費事怪錯好人嘛! (因為係未來老公幫我約佢, 打去問佢時我都在場. 其實都好肯定我地冇錯)

於是就即刻reply返佢, 問係咪攪錯日期, 另外星期日佢有冇時間試啦...

但係等左成晚都冇reply, o個陣大家已經好心急

因為第2日星期六我地會去澳門玩, 怕佢搵唔到我地於是再send個SMS俾佢了解情況, 再問多次今日係咪試唔到妝 (我地早上9點上船費事咁早打電話俾佢先send SMS)

但係等左成日到而家呢刻都未有回音....真係十個失望!

未來老公話夜少少會CALL佢問下點, 再約佢下次試妝

我係一個好心急既人, 又要好有安全感

除左搵mua外做其他野都一樣, 想快d confirm好d野, 等自己唔洗煩咁多, 留返d時間精力去準備其他野

我覺得搵mua 係籌備婚禮當中好重要, 個個都想搵個適合自己既mua

又要同其他人鬥快, 萬一俾人book左心水mua就慘

佢o岩唔o岩我真係要試左先知, 老實講...試左o岩就話冇問題啫, 如果唔o岩又要搵過另一個, 唔想一拖再拖, 拖到搵唔到o岩既mua, 到時"棧"自己唔開心

所以我set左個期限俾自己, 如果5月前都試唔到妝就放棄佢

話之佢係咩人介紹, 最緊要自己開心

p.s. 尋日同友人傾開搵mua既事, 問我點解一定要搵佢, 又唔係收得特別平, 化又唔知佢化成點...如果係因為佢夾開我o個個當日攝影師就更無聊, 根本兩個人都冇影響. 俾佢點一點又覺得o岩既.....我真係要好好考慮搵唔搵佢好d

♡ 化妝篇 - 試妝??

熟人介紹既關係, 我唔洗自己搵MUA

雖說熟人介紹, 我都要like先得....

上一次expo就有機會見下呢個MUA, 感覺都幾好, 原來佢係某某攝影公司既合作化妝師,

睇過合作公司既sample, 可能pre-wedding既關係佢化既妝都比較清, 都幾自然, 

big day既相就冇得睇, 有少少怕big day會太淺, 睇唔到有色~ (p.s. 我比較like大眼妝, @.@ haha)

兩個原因佢係特別吸引我既~

1. 佢係我未來老公表姐既fd. 有成10幾年化妝經驗, 熟人介紹就易話為d

    - 老實講有經驗固然好, 最緊係化得靚靚靚!

2. 當日攝影師既拍擋

    - 佢同我既當日攝影師好多時都會拍住上做野, 我諗佢地既默契會好d掛

壞處~

1. 佢既blog唔多相, 睇唔到佢化開既style

2. 網上search唔多comment, 好彩有既都係讚多

3. set頭方面麻麻地....唔多變化

問埋full day價錢, 佢只係收我地友情價, 比起佢收街價平左2k左右, 不過就唔包伴娘, 媽咪.

之後比較過價錢, 原來同其他心怡既mua差唔多, 所以決定搵佢試一試先, 如果唔ok就即刻搵其他mua.

如冇意外會約佢今個星期日, 希望一切順利啦!!!!! :p

想問下各位blog友仔, 試妝時要注意d咩呢?? 

打算同未來老公兩個去咋, 定係搵多兩個人幫下眼好呢??

通常會試幾多個妝 & 髮型呢?

仲有咩特別野要問佢, 例如有冇額外收費之類...?

(我好懶呀, 而家先問, hehe)



p.s. 我已經學完新娘化妝, 總算識化全妝, 我諗至少都知道咩叫化得好同唔好掛 -__-"