♡ Pre-wedding@Taiwan - 落搭過程

上個post講過上星期五入左expo睇酒席, 點知無啦啦book左pre-wedding

等我講下來龍去脈啦

o個日入到去行過一間台灣婚紗相既booth, 已經俾d既攝影師好熱情咁叫我地睇sample

但我地主要想睇左酒席先, 已經好客氣咁同佢講唔使...

不過佢仲係好熱情, 算啦, 橫掂都遲早都要影

見到時間聽下價錢比較下都冇防

幫介紹既staff係台灣人, 講普通話又唔係好識聽我地講咩

我地唯有用我地d"普通"話同佢溝通

佢問我地有冇聽過佢公司個名 & 有冇興趣去台灣影pre-wedding?

老實答佢兩樣都"冇", 理由係我地早有共識覺得太多人去台灣影, 參考過朋友, 同朋友既朋友既相, 風格/post/景點唔可以話完全一樣, 但都有7-8成相似

唔想d相咁普通, 所以早就講過唔會去台灣影, 佢個名我地更加冇聽過啦

點知答冇, 佢反而仲開心, 因為佢原來係marketing manger, 專做"陌生開發"

意思係佢專針對一d對佢公司/台灣影相比較陌生的客人 -> 即係我地, haha

開始時睇左一d相薄, 感覺唔錯影得都幾靚 (心諗擺得出黎一定係最靚囉)

我睇得出男友都幾欣賞d相

可能個staff見我地睇得ok開心就問, 睇完之後會唔會考慮去台灣影呢?

我地話都會既.....點知呢個位就俾佢"入"左!

之後就o係咁介紹係咁俾相簿我地睇 (ps. 一路冇提過价錢)

睇到咁上下, 我地打算問埋價錢就走, 因為都睇左成半個鐘喇

價錢有3款, 但佢只介紹最平&中價個package俾我地

最平既package hk$6888 (細相簿30張相), 中價 hk$9888 (中相簿50張) <- 唔知有冇記錯

聽完價錢之後更加唔會諗去台灣影, 太貴喇, 仲有只包咁少相

可能佢見我地想走就再講多d offer (.....入得expo就預左有多d offer,都係送d牌野)

睇左咁耐可能你地會比較想知道係邊間公司多d

答案係 : 法國巴黎

staff講完一輪offer就話如果我地肯做sample會再優惠d

我地又不防聽下有幾優惠啦...

感覺上sample offer price又真係幾吸引, 我地都考慮左一陣

最後當然say no啦, 原因係唔想咁衝動又冇比較過, 最緊要係呢間公司既口碑服務等一概不知

正當想走之際....另一個staff又走黎加入"說"戰......但我地都未被動搖

隔一陣又多一個加入, 總共3個人圍我地...

如果o個時我地起身走其實咩問題都會解決, 點解我地唔走呢...而家諗返先識問自己

最後加入戰團的staff原來係大老闆, 佢見到我地第1句就話我地好似樣,

於是又邀請我地做sample, 而佢開出的sample price比起之前staff開的更吸引

老闆果然是老闆. 佢話我地做sample所著的衫會是全新的, 攝影師都是用首席的(即公司最top那位)

佢話黎左hk expo 3次, 都係第1次親自揀sample (都唔知係咪既??!!)

一輪心大心細之後, 我就打俾friend問下佢地join package大約幾錢

比較過後, 佢都話個價錢都幾平, 不過唔知呢間影成點...佢仲幫我上網搵下d評語之類, 得出結果係麻麻地....(我個fd join 左法巨下年4月去影)

見佢咁講, 我地都想睇定d先, 於是就reject左老闆既offer.

老闆當然唔會咁易放我地走, 又解釋一輪道理, 唔記得佢講咩, 不過都ok合埋...

最後佢出殺手間....拎出一疊冇display出黎既sample俾我地睇

一睇之下....眼都突埋....影得好靚呀....相片既造型風格我地都好like

老闆話呢輯相用左電影拍攝手法, 成本比較高, 但如果我地肯做sample的話

就會親自安排我地影類似的效果, 同搵返呢個攝影師影

就係咁....我地落左搭喇!!

返屋企睇真d, 我地張invoice上面係寫另一間公司名"莎羅曼庭"....好疑惑

乜我地唔係join左法國巴黎咩? 上網做左一陣功課先知兩間係姊妹公司, 一樣既

因為我地既sale係屬於莎羅曼庭, 所以去到台灣都係莎羅曼庭o係邊幫我地影相.

了解清楚都好d, 唔洗咁驚.

♡ 擇個吉日 - 第5回 - 日子有變...好灰:(

星期5我地特登請假去左既expo

主要睇酒席, 其次睇pre-wedding

先講酒席先, 上次去睇完天澄閣個場之後已經好like, 打算入expo問多d detail

不過冇理由睇1個場就confirm

於是再去睇左多幾間心儀既酒樓

1. 利舞臺彩福皇宴

<- 主要想睇下條長樓梯, 不過去到有d失望, 個場比想像中細, 只係個backdrop加返d分

2. 銅鑼灣百樂門

<- 順便睇下由樓下上酒樓個感覺已經麻麻地, 不過上到去感覺好d, 個場好大冇柱, backdrop同個台都好大好靚

3. 紅磡煌府

<- 都係順路睇左, 個場四正裝修都好靚, 只係唔like個backdrop, 同佢係一個鋪位

不過睇左幾間, 我地最後都係會揀天澄閣. 不二之選!

去到expo, 一入去就俾台灣pre-wedding公司捉住, side左幾個小時 (詳細遲d會另開post)

去到天澄閣counter已經7點...傾左一陣, 大路野問晒...到佢幫我地睇時間時就晴天霹靂.....

我地既big day 10/12/2011已經俾人book左囉

好唔開心...灰到爆

再問我地自己上網擇o個日 29/10/2011都俾人book埋....

點解會咁????? 我地已經早左兩年去book, 咁都book唔到囉

同男友傾左一陣...唯有擱置先, 諗下改日子定改場地比較好

當晚相量後, 決定放棄日子再搵人擇過

真係慘, side左3百蚊去搵人擇, 點知.......唉

好彩join左新婚會, 入expo有得免費擇日, 於是我地今日再入一次

1點幾入到去第一時間排隊...好多人, 拎籌要等到4點幾

我地唔埋繼續排, 希望博到有人遲到我地就可以打尖

等到2:45終於等到, 我地預先去天澄閣抄左2011年9-12月既所有未有人book既星期六, 直接問CF邊日ok就擇o個日

未有人book既星期六都有成10幾日, 點知只得1日適合我地....冇得揀之下

我地既大日子就改成  2011年10月22日

天澄閣個邊已經pencil mark左, 搵日傾埋d細節就可以落deposit.

希望唔好再有阻滯啦~

♡ 擇個吉日 - 第4回 - 終於有日子喇~

上星期六好順利地拎左日子喇

去到見有兩個人等緊解簽, 怕唔知等幾耐, 我地又未食lunch, 唯有食完野再返去啦

點知....之後仲多人. 等左一陣見有人走男友就衝入去搵CF話拎日子

打左尖真係sorry~ 我地好快架咋, hehe

CF有張紅紙寫底晒擇左邊日出門&過大禮, 包括農曆同新曆日子

因為未出通勝, 所以吉時未擇到, 佢叫我地下年8月返去搵佢擇過

日子擇唔中我地心水o個日, 都知道唔會咁好彩架喇

不過好彩唔係24/12同31/12啫
係咪好想知我地擇左邊日呢??


我地既大日子就係 2011年12月10日
即係過兩年既後日, 我地就要結婚喇...^^

♡ 擇個吉日 - 第3回 - 好緊張呀^o^

唔知係咪心急, 所以覺得呢個星期過得好慢

等呀等....終於都等到星期五喇

聽日放工就去拎日子, 好緊張

唔知擇中邊日呢??

我同男友都希望唔好中呢兩個星期六 -> 24/12/2011 & 31/12/2011

萬一中左就死, 我地真係好唔想大時大節結婚

因為自己都試過中秋節, 萬聖節, 母親節呢d日子去飲

一來冇得同屋企人慶祝, 二來冇得去玩攪到有少少掃慶

雖然未必個個人咁諗, 至少我地兩個都係咁諗先

所以避開呢d節日會好d

最壞打算萬一擇中而CF又唔育幫我地改我話

可能我地會搵人再擇過

未搵CF之前o係電子通勝睇過

29/10/2011 都夾我地

我地又幾like呢日, 唔知我地同呢日同有冇緣呢?

一日未有日子都感覺唔實在.

快d到聽日啦啦啦.......

♡ 20091114 求婚日

應承左朋友要post求婚當日既相

今日終於有時間整喇...不過可以post出黎既相唔多

精選左幾張咋, enjoy~

睇唔睇到兩張相有咩分別?

介指就收藏於玫瑰花中~

♡ 擇個吉日 - 第2回

本來打算用電子通勝搵個夾我地同父母既日子就算

不過諗落都係搵人擇好d, 因為除左日子外CF會擇埋吉時

所以上星期六終於去左擇日喇

男友媽咪問朋友介紹我地去"灣仔洪聖廟"

話有人擇過幾好, 加上我地又冇相熟CF, 去到黃大仙都係是但搵個

不如就去洪聖廟擇啦

灣仔洪聖廟由東華三院管理, 服務以公開價目收費明碼實價

擇日只係收3百大元

去到等左一陣就見CF喇, 佢個名我唔記得, 但係廟內應該只得佢一個CF

同佢表明我地要結婚擇日後就問我地姓名, 時辰八字, 但係就唔需要父母既任何資料喎

真奇怪?? 其他BLOG友話要夾埋父母出生年份架喎, 反而佢話唔洗

有D擔心...係咪真係唔洗架....???!!!

另外佢只會擇"一日"俾我地, 即係話如果唔p岩都冇得改....

我地同佢講明要擇2011年10-12月份既星期六/日

之後諗返應該叫佢擇9-11月好d, 因為12月24號聖誕節同12月31號除夕都係星期六,

我地唔想呢兩日, 費事大時大節影響心情, 希望唔好擇中啦!

另外媽咪提過我地都爬家姐阿哥頭結婚, 好似有D習族要做,

特別吩咐我地要問CF,

CF話原來剩係關女方事, 如果我爬過阿哥頭結婚先就要"損褲浪"

好彩...我係爬家姐頭啫, 即係冇事發生過, YEAH~

俾左錢要下星期五先有得拎, 好期待呀~

時間o岩o岩好, 如冇意外擇定日子, 11號既婚紗展就可以睇埋酒席喇^^

♡ 睇場第一回 - 海韻軒海景酒店天澄閣

原定上星期六去擇日子
可惜一些小風波要暫時擱置一下
或者呢個星期六/日再去...希望今次成功啦 =(
因為去唔到擇日, 就改去睇場
其實咩都未定咁快去睇場好似怪怪的
而且我又未有心水既場地未有心水點解我地又會去天澄閣呢?
原因係男友仔既表姐上年o係天澄閣擺酒
自佢去完呢個場之後就讚不絕口, 特別吸引佢既係超高樓底+冇柱
加上佢親戚識人可能會攞到好d既offer
天澄閣自然就成為我地既首選場地之一~

天澄閣屬於海韻軒海景酒店既中菜廳
位置o係紅磡國際都會商場再行大約10分鐘先到
人生路不熟都幾難搵, 到達時間已經係下午4點幾
o個日咁o岩有人擺酒, 去到lobby已經睇到新人既相片
上到去就有人招待, 招待我地既係曹經理
佢同我地解釋完菜單就帶我地睇場
入到去第一感覺冇想像中咁靚, 不過樓底高同冇柱真係好正
枱同枱之間又唔迫, 都幾good
曹經理叫我地企上台感受下, 感覺好好, 一眼可以望晒所有枱
睇埋booking, 2011年10開始暫時只有3日有人book左
咁我地都唔洗咁心急, 話晒酒席都好重要, 等擇好日子諗清楚先決定都未遲
同埋我地想去埋12月個婚紗展睇下有冇其他選擇先!!

路過紅磡國際都會商場見到煌府既海景廳 & 鑽石廳
順便拎張菜單同"望"下個場
兩個廳佈置都好靚, 又有水晶燈
不過樓底與天澄閣相比就差好多
而且兩個廳好似係兩個鋪位咁, 又唔係o係酒樓裡面, 感覺麻麻地
相比之下...天澄閣好好多囉
果然有比較就知好壞~

另外edslife有好多人推介位於九展既煌府旗艦店好靚
我地都想去睇睇, 可惜時間太夜
下次有機會再去啦~

唔記帶相機影唔到相
大家有興趣可以到天澄閣既website睇睇~http://chr.com.hk/cater.php#

有咩新進展會不日update, haha~
如各位blog友有咩提意都可留言俾我 ^^

【箍牙實況‧TRAY# 18】

話咁快就第18個箍喇, 仲有11個就完成療程

箍埋下年, 到2011年頭就可以靚靚咁去影pre-wedding photo~

真係好期待呢^^

入返正題先, 上次覆診提到磨牙....諗起都驚驚地....

點知上星期四覆診又要磨, 仲要磨多兩條隙咁多

好彩已有經驗, 今次feeling好好多了.

醫生兩三下手勢就攪掂

整體上d牙已經齊左好多. 變化最大當然係爆牙位置啦

磨牙後感覺變化更明顯, 身邊朋友都十分認同

出奇地每日見面既老媽覺得變化不大...

haha, 算啦自己知道有改善就好.

磨牙後, 牙齒郁動較大, 食野時都感覺少少酸痛

而且凹入去的牙有d鬆, 咬野時都不敢太大力, 怕牙仔會甩掉

其他一切正常. 下次覆診在聖誕前~

相片遲d upload =p

♡ 擇個吉日 - 第1回

決定結婚已有1個星期多d

大日子我地打算定o係2011年尾

仲有成兩年幾時間, 好似仲有好耐

但online search資料時, 見有d 2011年新人已book左酒席

估唔到d人咁快手, 攪到我都有少少緊張

所以而家最迫切要做既第1件事就係 - 擇日

但係我地兩家人都係第1次辦喜事, 冇咩經驗都唔知點著手好

由於想定晒d野先宣佈關係又唔可以太張揚問人

唯有online參考下其他人既做法

見到有以下結果:

1. 去黃大仙搵師父擇

2. 自己上網睇電子通勝

3. 搵識風水既朋友幫手

4. 唔埋三七廿一揀自己鍾意o個日

同男友傾過, 我都比較 refer 1. & 2.

雖然我地兩家人都唔係太迷信, 不過寧可信其有啦, 有得揀就揀日好d

我地試過上網睇, 唔係太識睇, haha ^^

不過知道大日子o個日唔可以沖到我地同雙方父母既生肖 (其實唔sure :p)

尋晚睇完一輪, 9-12月既星期六,日都搵唔到o岩既日子

唔通我地真係要去黃大仙搵日擇...

不過我今日再睇真d發現未係絕路, 原來都有幾日ok

(真係慘, 我由2011年9月睇到2012年1月先有幾日ok咋)

日子分別係:

1. 2011年9月24日 (星期六)

2. 2011年10月29日 (星期六)

3. 2011年10月30日 (星期日)

4. 2011年12月24日 (星期六) <- 呢日農曆月份係11月, 好似唔得

本身想11月, 不過成個月既星期六日都忌嫁娶, 冇得諗啦

如果要我o係上面o個4日去揀我話, 就比較想 24/9 or 29/10

不過都要等問埋各方議見先再決定.

希望快d定到日子啦, 好心急...hehe

♡ 11.14 一個令我極難忘既晚上, 從始改寫一生

11.14 一個令我極難忘既晚上, 從始改寫一生

男朋友o係我毫無心理準備之下... 同我求婚喇....亦代表我嫁得出喇 =p ~ hehe....

記得求婚前一星期, 每次提起其他人結婚既野, 佢都輕輕帶過
愛理不理咁, 攪到我都有少少燥燥地
後來先知原來係特登既...仲要同我既好朋友+屋企人夾計製造驚喜
返到屋企見佢為我準備既一切, o個刻真係呆左
心諗究竟咩事, 係咪玩野, 真係好似發夢一樣??
屋企人見我咁疑惑就同我講係真既
o個時我先恍然大悟....不嬲眼淺既我已經忍唔住喇!!
直至見到佢, 野都未講已經喊到變豬頭, haha
最後我當然應承左佢啦~

多謝您悉心既安排, 同耐心地等我幾個鐘頭, 好感動呢~

接住黎要開始籌備喇, 好開心好期待!!

愛上指甲油

一向覺得自己既指甲唔靚, 生得又闊又短

自從試過一次gel甲之後就愛上靚靚既指甲

亦終於明白點解d女仔咁鍾意搽指甲油

因為搽完真係靚好多好多...haha

至於我愛上既程度可謂一發不可收拾

join左兩次團購買甲油數目共一打

分別係 Skin Food, O.P.I 同 Seche

skin food 既七彩顏色, 好靚, 不過只係擦過#7 紫色

etude house都幾好搽, 仲好平只係1000won咋, 計埋代購費,運費 around HK$11

O.P.I 既 #NLB59 My Private Jet 係黑色+紫色+啡色既混合體, 不同光線有不同效果, 好多朋友都讚呢~ i love it ^^

O.P.I  #NLR46 Got A Date To-Knight

好Pink既粉紅色, 不過我隻手唔夠白, 唔係太o岩我搽

另外Seche既 Top coat + Base coat 都好好用

Top coat 搽完有速乾/同gel甲效果

Base coat可以防黃甲

下次再share~

【箍牙實況‧TRAY# 17 - part 2】

可能新箍未適應, 今日不論食野, 帶箍定除箍都好痛呢~ ><

但出奇地門牙牙隙都有新進展

影相睇返真係理左少少咁多啦

不過都好開心, 希望快d快d理多d!

晚飯時, 阿媽睇過我d牙之後問 "點解你d牙好似哨哨地既??"

唔.....我都唔知....唔識答...哈!

我自己就唔係太覺就算啦

去相

你地又覺得點呢?

【箍牙實況‧TRAY# 17 - part 1】

尋晚換左新牙箍, 已經第17個了

仲有12個咋, 加油~加油 (箍緊牙既朋友仔你地都要加油呢^^)

剛剛食完lunch, 帶返牙箍時覺得門牙條隙好似細左

唔知係咪錯覺呢, 冇理由帶左新箍一晚就變化咁多

等我今晚返去睇真d寫埋part 2同大家share下!

bye~

得個想字

而家係開工時間, 不過做到好悶又就夠鐘食lunch

趁等閒等我發下up風先, haha

近排好多人去旅行, 攪到我心痕痕想去埋一分

特別想去既係泰國, 想享受陽光與海灘, 美食shopping都唔少得, 真係百去不厭

以前一年去一次, 但係箍牙同想儲錢

所有外遊計劃都要冇限期擱置

至少要有多閒錢先諗啦.....唔知要諗到幾時!!! ={

【箍牙實況‧TRAY# 16】

上星期四覆診換左第16個箍

今次覆診做左d新野係之前未試過既...(上次覆診已經係7月既事)

約左7:15亦準時去到, 今次又係超多人, 排隊排到門外面

保守估計要等成7,8個先到, 唯有去食飯先, 叫姑娘到就打俾我啦 

8點返到去...仲未到我

等左一陣問姑娘話下個到我都安心d

點知有個阿媽聽到就走去問幾時到佢

可能佢見我遲去但又下個到我啦, 仲要"bear" 住我囉!!

佢又唔知我之前已經排緊隊, 真係燥~

終於見醫生喇, 入到去佢咩都冇講就叫我坐

之後就幫我檢查, 隔左一陣........我從來未試過既野就出現喇

見佢拎左一條有"狗牙"既鐵片出黎

心諗唔係要放入個口到掛???!!!!

佢將鐵片放o係下門牙同牙之間, 之後磨呀磨呀...

唔痛, 不過覺得好唔舒服, 同埋怕佢磨損我咀唇,

磨左一陣仲未收手, 轉移到上門牙....磨左一陣終於攪掂

佢話d牙郁左好多, 不過唔係好夠位要所以要磨少少牙

出到門口已經忍唔住即刻照鏡....

嗚嗚嗚嗚 ~  =(  (o個刻真係好想喊)

我門牙中間多左Before Tray# 1超ugly~~~ (雖然唔係好大條, 只有大約1mm)

出到門口拿拿聲帶返個牙箍, 希望快d箍返埋佢

好彩帶左牙箍之後唔係好覺眼咋, 安樂晒!

之前聽blog友提過磨牙n次, 終於親身體驗到係咩一回事

臨走時姑娘特別提醒我下次一定要見醫生, 話有野要整...

希望唔好再磨牙啦!

去相 ->>>

補返個日期先, Before tray#1 既相係今年3月26號影既

箍到今日到成7個月lu...大家覺得點呢?

就係呢條牙"la" 喇....唔開心 =(

【箍牙實況‧TRAY# 14 - 牙仔現況】

又係超耐冇update...

真係好懶惰!

而家已經箍到 tray#15喇, 真正去到療程既一半

唔講咁多, 去相先~

爆牙位置已經好明顯有改善, 好開心...

原來隻牙箍完出黎係咁大隻, haha

仲有半年就可以完全齊晒喇, 超期待~

【箍牙實況‧TRAY# 13 - 牙仔現況】

拖左好耐既牙仔相終於有時間整喇

因為之前d相o係舊電腦, 所以冇得比較, 睇返D舊相比較下先

大家將就下睇住先啦~

去相....

上次影既舊相

 

最新既相 (Date: 20 SEPT 2009)

另外d牙縫勁大囉.....都唔知幾時先埋 (希望唔好嚇親大家)

【箍牙實況‧TRAY# 13】

尋日換左新箍喇....不過係第13個 (p.s. 由於電腦壞左, 第12個箍冇update又冇影相, sorry~)

近幾個新箍都冇咩大變化
換既時候都只係一下子既唔舒服, 好快就適應
不過牙仔就覺得好冇力, 食野時都幾辛苦
好彩唔痛咋, 唔係食都食唔到!

另外上次覆診醫生只係叫我擦牙時擦近d牙肉位置, 之後就走得....
拎左4個箍, 下次要等到10月尾先覆診lu~

講返tray 13先, 尋日換箍時都覺得ok, 都係例牌有d壓力, 少少痛啦
好快適應~

但係到訓覺時就有d奇妙事件發生
我feel到d牙好似郁緊
當然今朝起身睇返就冇咩特別囉~
所以懷疑係咪發夢, haha

不過d牙開始癢癢地同酸痛
只係輕輕咬實d牙都已經feel到痛
死啦, 我今日點食lunch呢??!!~
希望快d唔痛!

因為換左電腦, 整理資料時睇返d舊相
發覺自己真係瘦左好多...終於似返個人喇!
超開心, yeah! 原來箍牙真係可以瘦身架

下次update新相~

【箍牙實況‧更換新箍時間】

因為有朋友問我每次換新箍既時間
等我講講, 希望大家交流交流~

基本上隔個星期四就會換新箍
每次都係當晚先換 =  晚飯 -> 沖涼 -> 換新箍 -> 訓覺 Zzzz....

咁做係想牙仔有多d時間適應新箍
訓覺時間起碼有幾小時, 唔使咁快除箍影響效果

不過我都係咁o岩meet到個時間
因為第1個箍都係晚飯之前先帶
所以我先乖乖地跟住做, haha

係咁先啦~ :P

我有新電腦喇, yeah~

新netbook終於到手喇, 係勁靚既粉紅色

多謝honey, 你真係超級錫我!



我既sony新netbook, 等我安頓好你就可以update 下個Blog喇

【箍牙實況‧TRAY# 11】

o岩o岩先發現冇share到第11個箍

趁lunch時間補文先, 相片要無了期等待家中電腦修理完先upload~

13/8換箍....已經成個星期喇

感覺良好, 只需用沖涼既時間(around 30mins)就已經適應新箍既壓力, 超快速呀!

近兩次換箍發覺牙仔郁動得慢左, 再冇明顯既轉變...有d心急~

牙仔仍然酸軟, 咬合有改變, 咬野時成日"撻Q",

比如珍珠奶茶既珍珠....家陣牙仔酸軟+咬合不正...好多時都咬唔到而直接吞. 又或者咬到口裡面d肉

另外覺得d牙越來越來大隻, 未箍牙時都唔覺...而家超覺, 好核突呀

上排仲要有少少"哨"....笑時覺得d牙想爆出黎一樣!!....真係冇誇張架

其實睇動畫都知遲早會有少少哨牙, 只係冇諗過會咁快啫!!

仲要俾男友笑我係"哨牙珍"....真係慘

-> 點解會有少少哨牙?

   = 有一段時間要將門牙前面d牙箍開, 原因想將爆牙位置箍好, 完成後再將全排牙箍向後移

(之前提過醫生俾返動畫我, 不過CD-Rom壞左一路都share唔到, 遲d整好會share返)

講返上星期同中學同學食生日飯

突然<同學K>妙問 "你有冇打算箍牙呢?"......唔......心諗我箍緊囉

不過當時食緊野所以係冇帶箍, 而且上次見面時已經係多月前未上箍既事

佢唔知都唔出奇. 所以就照直答佢 "已經箍喇, 不過而家食野除左箍"

一講之下個個都好驚訝...問我做咩要箍, 總之就問左好多野啦

講講下<同學K>話佢都想箍, 下排牙有d唔齊(其實佢d牙好齊又白, 完全唔需要)....我立刻話佢搵錢黎side啦

之後佢話覺得我d牙有齊到, 特別係爆牙個位冇之前咁凹...又心諗"都唔知係咪架, 因為冇咩人察覺到包括我阿媽"

呢位<同學K>就係當年話我[觀音咀]o個個, 佢都有份令我想箍牙架

估唔到咁多年之後佢會問我有冇打算箍牙, haha...

成功箍好之後我會將呢個故事話返俾佢聽, 等佢知道佢一句[觀音咀]對當年我既弱小心靈做成幾大創傷!!

咩係[觀音咀]睇返呢到啦 -> 【點解要箍牙 + 前期分享】

報告の 為了靚靚~ Orbis Citrus Collagen

月頭開始學人飲Collagen, 過左大半個月係時間報告下飲成點喇

首先回憶下飲左Orbis Citrus Collagen有咩好處先

撰自orbis官網 ( http://www.orbis.com.hk/top1.asp?cID=15&pID=35 )

高效的美肌飲料，每一小瓶就蘊含高達6,000mg膠原蛋白及500mg維他命C，有效顯減淡皺紋、幼紋、色斑、暗啞等肌膚問題。<- 剩係呢句已經好吸引我去飲, 再加朋友既推薦 = 唔試唔得!

本身眼肚位既細紋好勁, 試飲睇下有冇好轉

飲大約1個月就會見效...但我已飲左20日, 情況仍然存在, 少少改善既跡象都睇唔到!!

飲用頭1個星期已經出"粒粒" 仲要出o係塊面到 (平時只會o係額頭有粒粒), 另外較平時易出油同更易敏感!

男朋友話有可能學化妝時既化妝品唔o岩用都有影響, 我都覺得有機會, 不過學校用既係名牌同埋1星期先化1次妝...冇咁大影響掛~

 <p.s. 我屬於敏感性皮膚 + 外油內乾>

令我唔會再飲的原因:

1. 價錢太貴, 就算經yahoo bid買平均都要$165一盒, 除開要成$16.50一支

2. 有BE sis話飲得多collagen會致肥, 雖然唔知信唔知得過, 不過為免箍牙時減少既磅數反彈, 駁唔過, haha

3. 皮膚冇明顯改善 (曾經有過曙光, 有1日家姐話我d皮膚靚左, 不過第2日睇真d係幻覺囉!!!!)

4. 味道怪怪的, 雪凍左會較易入口, 不過都係怪

5. 有其他代替品 (有機會再share)

學化妝 - Lesson 2

17.08.2009 化妝班 Step 1 - Lesson 2

今堂主要學修眉, 畫眉同開眉筆

因為Isa叫我地轉partner, 所以返到去第1時間就係搵partner

上堂part開既同學仔&其他人都搵到伴,

得返我一個咋 (好慘....總之叫多個friend陪我學啦), 要等另一個同學返先開始得...

等到大約7:40分, 終於開始喇

首先要化底妝, 化到咁上下...Isa就教我地開眉筆

首先要準備一把cutter同一支新既眉筆

未學之前都唔知眉筆要開, 以為就咁畫就ok...haha

削筆既技巧都幾難, 好易會整斷支筆

好彩我一take ok, 不過我個partner就冇咁好彩, 削左幾次都斷, 完成後支筆變到好短!

開完眉筆就教修眉...好難呀, 我怕會修到一"忽忽"

化好底妝就開始幫partner修喇, 佢本身有修開, 已經有眉型

我只係幫佢修修d雜毛, 好快攪掂, 總算ok啦

之後就教眉筆, 眉粉, 眉gel, 睫毛膠水(gel眉尾) 等既用法

今堂學到好多野呀, 原來畫眉都好難, 有時間要多多練習~

我的26歲生日 - 第一回

8.15 我的26歲生日...(好老呀~~!!!)

8月7號一連串既慶祝活動開始喇

因為有同事都係8月生日, 所以每年o係佢生日前公司同事都會幫我地一齊慶祝

年年都係飲茶+切蛋糕, 不過每年都同人share而且又未到自己生日

感覺始終麻麻地...

8月13號屋企人話幫我慶祝問我想食咩

我就揀左o係屋企打邊爐, 放工時仲滿心歡喜返屋企

點知阿媽話家姐唔舒服取消, 於是求其煮d野食就算....

o.......個一刻真係幾唔開心, 不過算啦, 一家人一齊食飯都好難得!

8月14號晚, 藉口話送生日禮物俾自己就同男友仔去瘋狂shopping~

買左好多野...好耐都未試過喇~ (遲d再share買左d乜啦)

8月15號正日就同男友仔去左慶祝 -> 請收睇第二回啦~

學化妝 - Lesson 1

尋日係學化妝既第1堂

原來課室既位置都幾入...仲以為好近百利

好彩有男友陪我一齊去, 如果唔係我一定搵唔到

上到課室就見到導師Isa, 第一次見佢真人, 真係有"叮"一聲既感覺

心諗"點解可以咁靚, 仲要做左人地既媽咪"

課室環境唔錯, 有齊各樣化妝工具

連堂上既化妝品都係名牌, 真係冇報錯名

本來知道好多同學仔都係孖住一齊學, 都怕自己一個識唔到人, 不過上到去見另一個同學仔都係一個人

咁就一齊坐...之後仲互化tim, 好彩有佢咋

今堂學左 makeup base + 粉底 + 遮遐 + 化妝掃清洗

我地一邊聽同睇Isa示範, 就一面寫notes, 真係返學都冇咁勤力, haha

點知到自己落手化既時候就慘...個腦一片空白

有彩有同學仔+Isa既提點, 下次我會努力留心d

先係同學仔幫我化先, 化完真係靚左好多

連我額頭既巨型暗瘡都遮到, 勁

輪到我就有d雞手鴨腳, 幫人化既時候要企右手邊架

但係我就控制唔到, 成日走黎走去...

化完Isa話粉底個色偏白, 仲有眼蓋唔記得用遮遐

o...下次我會小心

同學仔冇落妝就走, 真係開心 (後悔唔記得影相, 下次一定要影返)

總括上堂學到野之餘又開心, 仲有Isa同Bonnie都好好人, 期待下星期一既來臨~

我要繼續努力, 相信唔會係3分鐘熱度!!

緊張+興奮~

今晚就係Step 1 o既第1堂

等左2個月喇. 終於等到....真係好緊張又好興奮

今次得到家人, 男友同朋友支持, 希望自己唔會3分鐘熱度啦

不過有d擔心自己一個去學, 怕d同學仔個個都成雙成對....

為了靚靚~ Orbis Citrus Collagen

人地話女人唔keep好易老

真係講得好o岩, 特別係我呢d年過25既女仔

話老唔老, 不過d皮膚越黎越差..特別係眼紋超明顯!!!!

之前同朋友講開呢個問題, 佢就介紹我飲collagen

話佢個朋友自從生完BB之後皮膚就超差, 又有好多暗瘡

但隔一排佢同事d皮膚慢慢變好, 冇暗瘡之餘仲白裡透紅

原因就係飲左collagen wor...

於是佢就介紹我飲, 睇下可唔可以改善d眼紋

我朋友佢自己飲左3個月就覺得飲完毛孔細左好多

攪到我心郁郁好想試呢~

佢介紹既係Orbis Citrus Collagen, 大概要飲1-3個月先知有冇效

1盒有10支, 專門店賣緊$239蚊1盒...都幾貴wor, 仲要日日飲

即係一個月要7百幾蚊..好唔捨得呀

咁o岩上yahoo bid!見到有人放$490蚊3盒...見平咁多就姑且一試啦

朋友話飲3個月work就可以停或者隔個月飲..

尋日開始飲第1支

味道話係西柚味, 飲落覺得酸酸地, 有d怪....還可以接受啦

質感: 普通飲品, 唔係太"杰"身

飲後感: 覺得個人好"慶",有d發熱...唔知係天氣熱定係點呢? 其他維持不變

希望快d見效啦...遲d再update進度



官網講到好好咁架, 有興趣去睇睇下!

最強美肌配方
保持肌膚彈滑細緻
高效的美肌飲料，每一小瓶就蘊含高達6,000mg膠原蛋白及500mg維他命C，有效顯減淡皺紋、幼紋、色斑、暗啞等肌膚問題。

●6,000mg膠原蛋白
膠原蛋白含有保持肌膚彈性及緊緻不可或缺的蛋白質。6,000mg成份能充份補充每日因紫外線傷害及年齡增長而流失的膠原蛋白。

●500mg維他命C
維他命C具有抗氧化及刺激膠原蛋白增生的功能，加倍提升肌膚的彈性。

●4種草本精華
蘊含迷迭香精華、甘菊精華、香蜂草精華及月桃葉精華，能維持肌膚健康，抑制自由基的傷害，令肌膚回復水嫩緊緻。

http://www.orbis.com.hk/top1.asp?cID=15&pID=35

我的La Femme & NYX~

之前join BE既團購買左La Femme胭脂 + NYX lipstick

等左成大半個月先到貨, 脛都長埋呀!!

La Femme

網上好hit既 La Femme胭脂, 好評如潮

見價錢平, 當然要買兩粒試下啦

睇左好多sis既swatch, 最後揀左 Dusty Rose + Pink Velvet

就咁睇已經覺得好靚, 個人偏愛Pink Velvet

o岩晒返工化少少妝, 面色紅紅, 精神d呢

我比較易敏感, 有時用唔o岩化妝品or護膚品就會攪到塊面又痕又"鞋恰恰"

lafemme已經試用左幾次, 暫時都冇敏感呢....so good~

La Femme 手背試色

Dusty Rose: 較易上色, 輕輕一抺已經好顯色, 對我黎講上面就太深...仲要比妹妹話似"馬騮patpat", haha

Pink Velvet: 相比下就較難上色, 要抺幾次先有下以效果

不過上到面就好好睇, 少少粉紅色, 好自然既面色

熱門色號, 好多sis都有入手(推介)

p.s. 試色係用手抺架, 試過用掃上面都ok架

味道: 基乎冇味既...適合我唔like太香既化妝品

價錢: 每粒$37.50, 之後有sis攪只係$35粒咋

總結好抵用, 下次會入多幾個, 就算自己用唔晒第時學化妝都o岩用掛...haha

NYX

來自USA既NYX今期好Hit

訂左出名既lip stick, 本身訂埋lipgloss架, 不過冇貨(失望!!)

平時好少用lipstick, 所以只係訂左兩支試下

官網swatch好唔準, 都係參考過sis試色先揀到

訂左 #529 Thalia + #544 Hermes

NYX手背試色

#529 Thalia: 顏色好靚, 冇閃粉, 質感幼細好滑又唔乾

輕輕塗一層已經好靚, 塗兩層有豐唇效果(塗兩層我覺得我個唇厚左)

#544 Hermes: 睇sis試色覺得好靚, 不過到手有d失望, 顏色太深

塗完覺得得咀好黑, 一d都唔靚, 要打入冷宮!

味道: 有少少藥水味, 上咀一陣就散, 我覺得可以接受

價錢: 每支US$2, 加上做緊20%off, 約hk$35兩支, 好抵玩

總結: 好用, 已join另一團購補買lipgloss同eyeliner...haha

【箍牙實況‧TRAY# 10】

終於換第10個箍喇

計落已箍左3分1個療程

我一共要箍29個, 即係仲剩19個=有排....我要加油呀!!!

今次換箍好順利...易除易帶

不過都有d痛...特別係以下呢幾隻牙

唔知係咪箍完爆牙o個邊而家到另一面呢??

痛只係唯持左2日, 而家已經冇事lu

覆診時醫生只係話我d牙有郁動, 係咁"意"檢查左一陣就走得, 話下次先要偷位

今次拎左兩對新牙箍, 下次要到8月尾先覆診喇



呢排覺得d牙開始郁得好慢, 冇之前咁明顯

你地睇覺得點呢?

【箍牙實況‧TRAY# 9】

呢排好懶寫Blog呀...

換左第9個箍已經成個星期, 到而家先update. 真係懶到爆!!

上星期換箍, 感覺良好...可能慢慢已經適應換箍時既辛苦

覆診時醫生都話我d牙郁緊

佢話下次先要偷位, 所以只係檢查左5分鐘到就走得

不過換左箍之後咬唔到硬野

覺得d大牙冇咩力...因為咁而食少左好多野呀

亦因為咁自箍牙以來我已經輕左"10磅"咁多....

未箍牙前一路想減肥, 而家輕左就正合我心意

至於d牙呢, 個人同男友仔都認為真係郁左好多

特別係下排比較歪o個隻, 發覺隻牙仔已經慢慢企直返喇

真係好開心呀...

另外睇到blog友"iceman"既blog, 發現佢同我係同一個牙醫

佢share左做invisalign既動畫, 話係醫生燒返俾佢既

我都想要呀, 點解同一個醫生而我冇架呢....???

於是覆診時就問醫生拎, 點知佢返問我 "乜未俾你咩??"

心諗緊係未啦, 如果俾左就唔洗問你拎啦!

多謝晒iceman分享, 等我可以拎到個動畫, thanks~

下次有時間就分享俾大家睇下啦

【箍牙實況‧大成功~】

之前提過除牙箍時, 我都會將個箍整爛

所以換第8個箍時set左個目標 (參考 -> 【箍牙實況‧問題少女01】)

希望堅持唔整爛個箍直到換新箍為止

16/7我就換左新箍喇

目標達成 ---> 大成功!!

唔知點解好開心~ haha

希望可以keep落去

如果keep到即係代表d牙越黎越齊. yeah~

(遲d會update第9個箍實況)

【箍牙實況‧溫馨提示~】

每逢要換牙箍既日子都會收到牙科診所既SMS

SMS既內容如下~

基本係提醒自己要換新牙箍同預約時間

記得第1次收到呢個SMS時都幾驚喜, 幾窩心

因為估唔到診所都幾細心

【箍牙實況‧TRAY# 8】

2/7/09 已經換左第8個牙箍喇

唔經唔覺已經箍左3個幾月, 下次覆診就剛好4個月

講返個新牙箍先.

今次帶同除都好順利呀~ 又冇特別唔舒服

但只限於更換既第1日

第2日訓未醒時就覺得d牙仔隱隱作痛

唔通d牙仔趁我訓既時候起革命..haha

痛既位置係上排爆牙至大牙

感覺似難牙既痛...

不過一訓醒痛楚就慢慢地消失, 但到食野時就慘

咬野覺得冇力, 仲有少少酸痛, 連魷魚都咬唔開呀

呢兩日已經開始好d, 可能慢慢適應緊

希望快d箍靚靚, 再辛苦我都可以忍受架!

下次就要去覆診同拎新牙箍, 到時再update啦~~

呢張係最update既比較, 分別最大都係爆牙位...下排有少少郁啦

大家睇下d牙有冇郁到...

【箍牙實況‧問題少女01】

睇返手上既舊牙箍發現個個都係爛既, 無一幸免

其實我已經好小心除底牙箍

可惜到更換下一個箍前的兩三天都逃唔過爛既命運

雖然醫生話爛都唔會影響功效

但心理上覺得爛就不是太好, 帶上感覺都較鬆動

所以下個目標要保護牙箍, 希望keep到一個完整無爛既箍

唔知其他箍invisalign既朋友仔, 你地會點除牙箍呢? 可以share一下嘛???

仲有一個煩既問題就係點處理舊牙箍呢?

家中已積存7個舊箍，數量唔算多...不過都要地方安置未來共29個箍

另外係衛生問題, 當然keep起前會徹底清潔, 但係都覺得有陣味...

so正考慮好冇同佢地say goodbye呢??? (都幾唔捨得)

唔知其他箍invisalign既朋友仔, 你地會點處理d舊牙箍呢? 可以share一下嘛???

《箍牙之旅》Round 1 の 熱爆遊澳門

上個星期六日一行8人過左大海玩兩日, 主要去睇S.H.E.演唱會

未去前好擔心箍牙會影響到我地邊行邊食澳門美食

點知去到又ok wor...都要多得澳門好方便, 去到邊都有廁所

想幾時食嘢都得, 食完去廁所洗乾淨個箍再帶返都好方便呢~正!

今次既package成為每人$880

包括來回金光飛航船飛 + 酒店(佔半房) + S.H.E.演唱會入場券(山頂位)

交通篇

Package包既船飛係金光飛航氹仔落船, 第一次搭, 約1小時船程,

感覺上ok, 乾淨企理, 不過好多人...

仲要好多都係國內既同胞, 排隊上船時好冇禮貌係咁迫

真係唔明佢地, 都已經劃晒位, 迫都冇用啦!

酒店篇

S.H.E. 演唱會o係威尼斯人開show

so, 我地住o係氹仔既酒店會方便d

今次入住氹仔麗境灣酒店, 好似係4/5星級

由氹仔碼頭去酒店約15分鐘, 由於搵唔到接駁車我地走左去搭taxi

酒店外觀唔錯, lobby好大下...仲有泳池tim

不過check-in攪左好耐, d人好亂話搵唔到我地既booking!!

終於可以上房...期望不是太大

我地4 pair人想安排同一層, 所以只有兩間大床房

唯有抽籤睇邊個好彩啦, 結果抽到單人床, 好慘, 張床細到喊

細過我屋企張床, 仲要太"林" 訓到腰酸背痛

d野好舊喇...不過都企埋既

遊覽篇

超炎熱天氣+1號風球下, 我地去只左東望洋燈塔

影下相逗留大概30分鐘, 有人唔舒服下提早去食晚飯等睇S.H.E.

兩日行程部分都去左賭場, 因為太熱, 冇冷氣唔得唯有去賭場啦

美食篇

酒店自由早餐好多款式, 不過味道麻麻地

每次去澳門都必食氹仔既木糠布甸+榴槤大菜糕

木糠布甸好似加左價, 要成$10一個, 好貴呀

食埋蟹粥...水準越食越差

另外我地跟書仔去食豆腐花

呢個豆腐花有咩特別要專登去食?

答案係----特別滑, 凍用唔係用糖水, 而係用練奶水

我試凍($4.5) 真係超滑,  不過用練奶水好似怪怪地

男友食熱 ($4)...滑過凍好多好多...我覺得滑過南Y島阿婆豆腐花

之後去祥記麵家食蝦子麵, 夜晚去新葡荊食自助餐

自助餐連加一每人$260, 限時2小時, 分時段6-8/ 8:30-10:30

好多野食, 不過食一轉已經唔想再拎, 因為行去太遠喇

都係金沙正d

重頭戲 S.H.E. 演唱會

今次去澳門都係為左睇S.H.E. 演唱會, 主要想睇唔係佢地3個

而係想試下去威尼斯人睇演唱會, haha

開show地點o係威尼斯人既金光綜藝館

入到去既感覺似亞洲博覽館

一面台, 我地係山頂既朋友離個台超遠, 大電視又遠wor

始終都係hk既紅館正好多

個show好正, 好有氣氛呀

接住S.H.E.開演唱會既係Rain...poster好型!

永遠懷念...

每日返工例行公事就係先開yahoo睇下有咩新聞
今日有單新聞令到我好驚訝，相信大家都一樣
就係流行樂壇天王米高積遜猝死，簡直震驚全球
點解死得咁突然??
雖然我唔鍾意佢，但係都覺得好可惜...

MJ...永遠懷念你

【箍牙實況‧TRAY# 7】

18/6 已經更換第7個箍喇
今次帶新箍好順利，好快手唔使1分鐘就ok
新箍帶來的壓力依然存在，感覺到少少辛苦
同時第一次覺得"痛"
(點解話第一次呢? 可能我skip左mock牙呢part，所以箍牙咁耐都唔覺得痛，反而覺得係辛苦多d)
帶完lower tray後，覺得下排有隻牙好痛，唔知係咪新箍要集中郁呢隻牙呢??

就係呢隻牙喇, 好痛呢...不過痛楚只維持10分鐘咋，haha

另外久遺了既牙癢又再出現
癢既程度雖不及tray#1 & #2，不過都好難頂
成日都要咬牙切齒先止少少癢，我怕會咬難個箍呀
希望過兩日會好d啦

(下星期先upload相)

好消息~

今日收到makeup secret電話

原來makeup secret會搬大課室，有D 8-10 月的班期都可以加學位

所以我唔洗等到12 月，可以提前至8月上堂喇，yeah~

真係超好既消息，好開心好期待呢~

p.s. 多謝makeup secret既安排...

終於踏出第一步

讀完high dip都有一段時間喇

之後一直再冇進修過，本來打算繼續讀埋個degree

奈何覺得自己唔係讀書既材料，唔想side錢lu...

不過成日o係屋企又好頹廢，於是想搵d野學下

心目中有3樣想學

1. 游水 - 因為我好鍾意陽光與海灘, 可惜唔識游水...真係好失敗~!

2. 韓文 - 為聽韓文歌時知首歌講咩, haha

3. 化妝 - 女人始終係貪靚, 為左變靚d之餘+學多門手藝

呢幾日休養期間，已經做左選擇，報左咩? --->> 就係 "化妝"

其實本身唔識化妝，不過見d女仔化妝化得咁靚又心郁郁好想學

試過搵朋友教，學得1次又教得麻麻地....之後不了了之

近日幫朋友睇新娘化妝又勾起條根, haha

於是係咁search資料睇下邊到有得學，口碑好啦

因為只係想為自己扮下靚，又未知有冇興趣wor

所以大型化妝學校已不入考慮之列

發現原來好多人教化妝，最後我揀左一間叫 "Makeup Secret"

見到好似唔錯，學費唔貴之餘又有野送

深入search之下見d學員都有好出路，d妝化得靚之餘set頭又正，好似好pro呢~

心大心細睇搵左幾日資料，對呢間學校都幾有信心(唔知點解,haha)

加上有男友仔支持，一於鎖定makeup secret啦

而尋日終於踏出第一步去報名學Step 1 <專業潮流化妝師速成班>，but d class好full

我要等到12月先有位...有排等呢，真係好心急想快d學，希望有位可以調早d上啦~

目標將自己變靚d + 學一門手藝搵錢(如果有興趣的話)

【箍牙實況‧TRAY# 6】

又到換牙箍嘅時間喇...

4/6晚去左覆診，一如以往晚飯之後先換新箍

講講覆診先，約左7:30我7:20已經去到...點知見到好多人等緊

d人多到我要出門口等...等到8:30先見到醫生

等待期間有兩個病人應該約左8:15 同8:30

姑娘同佢地講要等多兩三個先到既時候就發晒皮四

聽到佢地話以為一去到就有得見醫生

心諗有冇攪錯呀, 我都等左成個鐘啦...

haha...入正題喇

醫生話我冇咩特別問題，只係偷少少位就得

唔洗1分鐘偷位已經完成，我都好驚訝點解咁快偷完既...

順便問埋醫生我d牙縫好疏，唔知係咪正常呢?

佢話因為d牙郁緊，所以先有牙縫wor

點解會咁問佢呢...因為我覺得d牙縫比以前疏左好多，食嘢成日攝住晒

不過聽到佢咁講都放心d，起碼知道係正常而d牙真係有郁緊

今次拎左3個箍，下次要等到7月中先覆診喇

話咁快就換第6個箍喇

其實次次帶新箍時都會有d困難出現，今次都唔例外

好似今次咁帶upper tray時都ok，問題出現o係lower tray到

之前試過帶左除唔返，但今次就相反

帶左幾次都帶唔入，咁我就出盡9牛2虎之力"夹硬"將個箍lock入d牙...

問題出現喇...心諗冇埋由咁大力都帶唔入架

咁就拎個箍睇下啦, 一睇之下..."大獲"

右面第2隻大牙個位"笠"左囉...

點算呢?? 真係好驚會整爛個箍，事關呢個新箍要帶成兩個星期架

唔整都整左，唯有小心d將"笠"左個位屈返出去睇下有冇爛

好彩...冇爛到咋，但係有個摺"行"我諗如果再整多幾次就會爛

於是我改變一向既帶法，先帶左大牙o個面再帶其他位

最後當然成功帶到，下次真係要小心d先得喇

萬一爛左都唔知點算~

今次比較未箍牙前同而家既情況, 睇睇有咩唔同~~

之前應承過blog友"貓子"會post帶箍前後既相，終於有時間upload喇

有興趣箍invisalign既朋友都可以參考下架~