學化妝 - Lesson 2

17.08.2009 化妝班 Step 1 - Lesson 2

今堂主要學修眉, 畫眉同開眉筆

因為Isa叫我地轉partner, 所以返到去第1時間就係搵partner

上堂part開既同學仔&其他人都搵到伴,

得返我一個咋 (好慘....總之叫多個friend陪我學啦), 要等另一個同學返先開始得...

等到大約7:40分, 終於開始喇

首先要化底妝, 化到咁上下...Isa就教我地開眉筆

首先要準備一把cutter同一支新既眉筆

未學之前都唔知眉筆要開, 以為就咁畫就ok...haha

削筆既技巧都幾難, 好易會整斷支筆

好彩我一take ok, 不過我個partner就冇咁好彩, 削左幾次都斷, 完成後支筆變到好短!

開完眉筆就教修眉...好難呀, 我怕會修到一"忽忽"

化好底妝就開始幫partner修喇, 佢本身有修開, 已經有眉型

我只係幫佢修修d雜毛, 好快攪掂, 總算ok啦

之後就教眉筆, 眉粉, 眉gel, 睫毛膠水(gel眉尾) 等既用法

今堂學到好多野呀, 原來畫眉都好難, 有時間要多多練習~