今次覆診做左d新野係之前未試過既...(上次覆診已經係7月既事)
約左7:15亦準時去到, 今次又係超多人, 排隊排到門外面
保守估計要等成7,8個先到, 唯有去食飯先, 叫姑娘到就打俾我啦
8點返到去...仲未到我
等左一陣問姑娘話下個到我都安心d
點知有個阿媽聽到就走去問幾時到佢
可能佢見我遲去但又下個到我啦, 仲要"bear" 住我囉!!
佢又唔知我之前已經排緊隊, 真係燥~
終於見醫生喇, 入到去佢咩都冇講就叫我坐
之後就幫我檢查, 隔左一陣........我從來未試過既野就出現喇
見佢拎左一條有"狗牙"既鐵片出黎
心諗唔係要放入個口到掛???!!!!
佢將鐵片放o係下門牙同牙之間, 之後磨呀磨呀...
唔痛, 不過覺得好唔舒服, 同埋怕佢磨損我咀唇,
磨左一陣仲未收手, 轉移到上門牙....磨左一陣終於攪掂
佢話d牙郁左好多, 不過唔係好夠位要所以要磨少少牙
出到門口已經忍唔住即刻照鏡....
嗚嗚嗚嗚 ~ =( (o個刻真係好想喊)
我門牙中間多左Before Tray# 1超ugly~~~ (雖然唔係好大條, 只有大約1mm)
出到門口拿拿聲帶返個牙箍, 希望快d箍返埋佢
好彩帶左牙箍之後唔係好覺眼咋, 安樂晒!
之前聽blog友提過磨牙n次, 終於親身體驗到係咩一回事
臨走時姑娘特別提醒我下次一定要見醫生, 話有野要整...
希望唔好再磨牙啦!
去相 ->>>
補返個日期先, Before tray#1 既相係今年3月26號影既
箍到今日到成7個月lu...大家覺得點呢?
就係呢條牙"la" 喇....唔開心 =(
