今次主要去睇結婚介指 & 子宮頸癌針
結婚介指早有心水
要求多多既我, 目標要搵對一模一樣, 即係唔要女仔有石男仔冇o個d款
而且男仔要粗身d, 女仔要幼d....
男友話咩款都冇所謂, 最緊要我鍾意就得...haha, 鍚晒佢
如果趕得切我地想拎埋對介指去沙巴影pre-wedding, 所以婚展前已經睇晒各大金行
經過一輪篩選後, 比較合心水剩下 "點晴品" & "PN", 兩間各睇中左1款
o係PN睇中呢款, 不過係全隻銀色, 都幾靚架, 帶上手都ok, 唯一唔好就係兩隻唔同囉, 一對around $7500
另外點晴品o個款搵唔到圖, o個對一樣架, 好鐘意, 兩隻都有3粒石, 但男友話女裝太粗帶得唔好睇wor, 一對around $8000
心大心細, 諗住婚展入去睇下會唔會多d款 & 平d先決定
老實講我真係好like 點晴品o個對, 不過太貴....心目中budget 預6k到, 唔想over太多
但如果婚展睇唔o岩, 我最後都會買點晴品, haha
點知入到婚展就灰左.....點晴品冇擺booth囉!!!!
唔.....橫掂入左去順便睇下其他, 睇勻都冇o岩, 再去PN睇多次上面o個對都係買唔落手
話晒要帶成世, 唔想夾硬買
打算走之際路經 "Mabelle", 見幾多款就坐底睇下
睇左幾對都冇咩o岩心水, 因為好多時襯得我又就唔到男友
佢成日話覺得女仔帶有一排石既睇d, 但我又想兩隻一樣
冇理由佢都帶一排石咁"基"架嘛
差唔多試晒所有款,終於有對係合心水d架喇
款式簡單, 雖然我o個隻有3粒細細既石, 但睇上去都好清楚係一對既
就係咁就決定買呢對喇, 佢地做緊promote 買滿5千就可以減1千
我地o個對減左之後就成為4900大元, 真係好抵, 呢個價錢只係買到點晴品既一隻咋!
對介指要等1個月先起貨呀...好彩都趕得切拎去沙巴, 好心急呀, 好想快d拎!~
唔記得影相上網又搵唔到圖, 拎左會post上黎share!
我都想拎婚戒去影pre-wedding...不過趕唔切 ><
回覆刪除[版主回覆06/08/2010 21:38:00]你唔係10月先去影咩??
仲有時間買wor
哇~恭喜晒呀~~
回覆刪除[版主回覆06/08/2010 22:21:00]多謝呀, 好快到你買架喇
yeah, 買左...仲趕得切拎埋去影pre-wedding...
回覆刪除拎左隻戒指記住post出黎..keke我想睇下你對靚靚婚戒..^^
[版主回覆06/08/2010 23:18:00]要等4個星期, 可能7月中先拎到
不過做好個模會call我地去試&刻字, 到時一定要記得影相
到時一定post出黎
恭喜晒丫,拎左記住post出黎睇下丫..我都好想睇下你對婚戒呢..hehe
回覆刪除[版主回覆06/09/2010 09:22:00]一定一定, 我都好心急, haah
我都係度為婚介煩緊呀, 我同你想搵既都係想2隻一樣,男既粗D,女既幼D
回覆刪除[版主回覆06/09/2010 09:24:00]好少呢d款呀, 通常都係差唔多size, 我都搵左好耐呀
mabelle都幾多款架, 可以去望下wor
5千蚊平1千...差唔多八折又好平wow~~~
回覆刪除我法國輯婚紗相都有拎介指影相，不過唔係好睇到，但總覺得有得帶感覺好o的 ，哈哈~~~不過你要小心唔見呀!!!
[版主回覆06/09/2010 17:58:00]其實我冇打算咁快買架, 始終未搵到一對係好鍾意呀嘛!
但係男友好似想拎埋過去影, 所以先買咋
我都怕唔見呀, 到時可能全個trip都帶住, 咁就冇有怕啦
你幾時去沙巴呀？會趕唔切咩？
回覆刪除不過你要小心D呀, 唔好唔見呀~
[版主回覆06/09/2010 18:01:00]7月31日先去呀, 我地6月頭買, 佢話4個星期可以拎得, 應該趕得切掛
我會好好好好小心, 唔想掉左5千蚊嘛, haha
Aiya,我剛剛o係 黑豬安 個post睇到你冇book到agnes b bouquet,
回覆刪除佢地好衰架,唔一定會擺expo,
我個fd今年4月結婚,之前佢一直都等緊,
結果到佢結婚都冇擺呀,
下次再有,勿失良機呀
[版主回覆06/10/2010 18:07:00]唔怪得之前去expo見唔到有agnes b啦
下次有一定要BOOK左先, thanks~~
hi~~我去婚紗展又係睇中左pn對介指呀. 7千幾蚊我都覺得唔太值~~
回覆刪除[版主回覆06/10/2010 18:08:00]唔知點解我睇中o個d款都好單簿
帶上手輕飄飄, 真係跌左都唔知呀
最後你有冇買到??
$4900 真係好抵 wor !!!!!
回覆刪除hehe 好想睇下你地o個對呀~
[版主回覆06/16/2010 23:31:00]真係超抵....我都好心急快d拎
到時會post俾你地睇