身癢之作[1].....我的Cocoon潮褂

明明book左傳統裙褂, 唔知攪乜鬼又好想著潮褂喎

可能上次去wedding buddy試過類似既潮褂之後就念念不忘

(借用wedding buddy圖片)

真係心郁郁想去Cocoon試返一次真野

我都知去得一定會join, 除非著得唔靚/唔襯啦

唔理三七廿一, 又好順利book到時間

上到Cocoon去已經覺得好舒服, 服務又好~

先睇相簿, 款式no. 已經去到五十幾

睇真d款其實差不多....最大分別就係褂王/對襟/斜襟3款

揀左幾套, 包括最hot既 #12 & #15 & 其他唔記得no.

sales 先幫我check有冇期, 有先拎俾我睇...最後得3套有期咋

因為婚期太近, 好多都俾人book晒

只可以試兩套, 揀左對襟&斜襟各一,  睇下邊款o岩自己多d

先黎斜襟(忘記no. ) , 其實size都ok...但係胸口幅布有d "抗" 起左

可能我心胸唔夠廣闊..怪怪的!

再試對襟#49, 一著上身已經叮一聲

套褂新之餘又fit身, 衫&裙都有龍鳳....

o係呢個時候, 我已經知道.........."book硬", 好似其他blogger話 [著左真係唔捨得除]

終於體驗到呢個feeling, 好開心

加上另一伴既支持, 我d口水已經流晒出黎, 乖乖地俾錢就係!!

同時間....我又俾另一樣野吸引住, 係咩呢???!!!  不日待續.....

我book既潮褂, 類似呢套

圖片o係網上搵左好耐....希望原相主人唔好介意!!

好開心好興奮, 估唔到有機會著潮褂 ^＿＿＿＿＿＿＾