2011年2月22日 星期二

8 Months To Go...

仲有8個月, 心情越來越緊張

發現要整/要DIY的東東很多, 要安排的事情更加多

iphone的schedule排得滿滿的, 我個腦就爆.....

特別係2月, 3月忙到不得了

2月大節日新年, 情人節不在話下

兩個月加埋要出席的喜宴共有5單...

3月初要影pre-wedding及事前準備, 忙到氣都咳!

真的怕遲早到我有婚前恐懼症

有時想唔諗咁多, 但在"你們"口中的完美主義者, 真係接受唔到事事求求其其!

老實說~ 我亦開始接受"你們"的說法

開始接受我係"完美主義者"這事實! 哈哈~

另外婚禮上終於出現自己不能控制的突發事件

這事在無意中發現的, 知道時真係很驚訝, 很怕會影響到婚禮進行

幸好得到妳的承諾, 對妳有百分百的信心呀~big day當日就夠晒妳!!

 加油!! 加油!!

7 則留言:

  1. 以我經驗之談,你係會忙到無時間有婚前恐懼嫁~哈哈~
    我仲有兩個幾星期,連緊張都未有時間呀~放心啦~
     
    [版主回覆02/25/2011 12:25:00]有時係我自己擔心過多! 仲有咁多時間慢慢攪, 真係要放鬆d至得!!
    你都要加油呀~ 我地會support你的
     

    回覆刪除
  2. 婚禮上終於出現自己不能控制的突發事件?? 冇事嘛??
    放心啦, 我地咁多位醫師一定可以減輕你的婚前恐懼症架!! 我婚後好得閒.有咩就叫我幫手啦~ok既我都會盡幫!!
    婚禮好多野控制唔到, 亦未必完美, 但係我相信你既婚禮一定係最開心, 最難忘!!
    其實..唔知你覺唔覺, 我都幾完美主義架..或者係執著啦~
    但係點都好, 我都決定放鬆面對啦~
    最重要係, 無論籌備...同當日過程...我都知道對方係對自己真心對自己好好, 就足夠了~
     
    [版主回覆02/25/2011 12:31:00]星期六同你提過有關makeup架呢~ 而家已經冇事, 我要對佢有信心!!
    你地既支持真係好重要, 係你地先明白我既心情咋!!多謝你地~
    大家都要放鬆呀!! 努力為big day做到最好~
    你講得冇錯~ 我地身邊都有個好支持&對自己好好既人! 應該好滿足先o岩

    回覆刪除
  3. 我都係呀.....成日驚到時有野攪唔掂 , 又驚有野做漏....
    [版主回覆02/25/2011 12:33:00]我地仲有時間, 一定可以plan得好好既
    加油呀~ 大家都要努力!!
    你籌備得順利嘛??

    回覆刪除
  4. 你都係3月初再影呀?? 今次影邊度呀?
    [版主回覆02/28/2011 09:21:00]4號o係香港影呀
    暫時定左去中環, 石澳, 赤柱, 尖沙咀影
     

    回覆刪除
  5. 唉..好多"濕星" 野未攪囉...... 3月尾先影相呀 , 同你差唔多都係石澳/大潭/星街/中環   好期待
    尋日發現左.....CLUB ONE 張帖個信封係放唔落張 CAKE CARD .... ..stupid design ...
     
    [版主回覆03/01/2011 09:31:00]好多濕星野要到big day前一個月先攪到
    如果你想DIY就可以趁而家整左先, 唔係到時就勁忙
    3月尾影都差唔多, 時間o岩o岩好呀
    個信封唔係咁細個呀嘛?? 點算呀? 自己買信封入呀?
     

    回覆刪除
  6. 仲有八個月咁快就咁緊張 , 幾時先緊張到結婚呀 !!!! relax, relax ...... 有我地幫手實無問題架 !!!!
    [版主回覆03/01/2011 09:32:00]除左完美主義我仲係緊張大師, haha
    有你地support我已經relax好多, 到時好多野要你地幫手架

    回覆刪除
  7. 我而家都係好HEA喎, 唔好太緊張啦!!!

    回覆刪除