[相片未公開, 請大家不要在網上流傳, 謝謝~]
----------------------------------------------------------------------------------
仲記唔記得我未post 沙巴pre-wedding d相呢?? hehe......
拖左咁耐唔知仲有冇人想睇tim
幾經辛苦揀左d出黎同大家share, 呢到只係千份之一咋
為左保持神秘感, 有d我覺得仲靚(自己比較鐘意o個d)冇post出黎
事先聲明唔好抱咁大希望, 免得希望越大失望越大呢~~
希望大家多多欣賞^^
唔講咁多去片先 ----->
1. [Day 1] Location: Jesselton Point (出島的公眾碼頭)
當日天朗氣清, 影相真係一流架
不過未來老公就熱到啤+曬到對眼開唔到
同埋我只係曬左10分鐘已經紅卜卜....

好like呢棵樹~ 綠得黎又有紅色花仔
仲有一張係影全身正面架, 有機會晒大做油畫

指定頭紗post~ 出發前已order攝影師幫我地影
不過效果一般, 未來老公d頭髮俾塊紗壓"餅"左

沙巴的天空 = 至愛既藍天與白雲~ like!
2. [Day 1] Location: 攝影師酒店的窗邊
其實呢個唔係景點之一, 只係上去換衫順便影幾張
點知出黎效果好good~ 估唔到只係一塊窗簾布都影得咁靚

3. [Day 1] Location: 我地酒店 - The Magellan Sutera
為左影床照, 特別book左呢間酒店住一晚

轉完妝就開始落雨, 等停雨時影既

雨越落越大, 唯有返房影
期待既沙巴日落只係呢日(唯一一日)見到, 勉強影到啦

轉晚裝, 去左酒店既波樓, 冇人打我地可以慢慢影
睇唔慣呢個look...好似老左好多咁!

沙巴冇咩夜景好影, 又o岩o岩停雨就去左泳邊取景
唔好睇呢個pose好舒服, 一路影一路震好辛苦架~
好彩效果都唔錯, 未來老公話似樓盤廣告wor...
4. [Day 2] Location: 我地酒店again - The Magellan Sutera
比較生活化既一part, 呢個look d人話我似 "2R" 既 Rosanne wor....
乜真係似咩!!!????


就係為左呢d "床照" 所以先book呢間酒店~
呢part影左好多相用黎做個9格既大油畫/相架
5. [Day 2] Location: 出島@Manukan Island (馬奴干島)
出島先有大海~ 要包埋攝影師+book船錢都幾金
不過冇後悔付出咁多, 因為個海真係好靚!!!


出島除左有海, 仲要原始feel, 訂造的黃色EG好襯個景, 又係like!

好鍾意呢張單人照~
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
Share係咁多喇~ 多謝睇到呢度既blog友們, 希望唔會令你地失望啦^^
好靚呀~~
回覆刪除pool果張最sexy!!!
第日可以考慮你既攝影師,HEHE
[版主回覆01/13/2011 09:16:00]wow~ 你咁快手既~
pool果張影得好辛苦架, 如果我隻"甲型"可以幼返d就仲靚啦, hehe
我個攝影師真係唔錯架, 有興趣可以介紹俾你, 當參考下都好嘛
生活照o個part好正呀!!!
回覆刪除你o地好自然!!!仲有呢張我超鐘意...
[版主回覆01/13/2011 10:03:00]多謝呀~
生活照o個part影左好多張, 仲有video架, 有機會俾你地睇多d
呢張我都好like架, hehe
好正呀~~睇已經覺得好甜~!!!!!!!!!!
回覆刪除[版主回覆01/13/2011 12:29:00]多謝晒~
嘩... 你啲相好靚呀... 同埋好多咀咀...
回覆刪除另外, 你pool-side果張同小桃果張噴血作品真係有得fight呀!!
[版主回覆01/13/2011 12:32:00]多謝晒~
好多正面相我覺得麻麻地, 係我特登揀多d咀咀架, haha
同小桃o個張比差好遠......影得冇佢咁好feel, 仲有差左條"線"
酒店不是有免費船出島嘛? 點解要book既???
回覆刪除不過昒得咁靚點都值得啦~keke
[版主回覆01/13/2011 17:46:00]根據我做search係冇免費架wor, 不過酒店有碼頭出島, 但就貴double架
我地自己搵船夫book左成日平好多架
回覆刪除酒店不是有免費船出島嘛? 點解要book既???
不過影得咁靚點都值得啦~keke
我鐘意呢張呀!
[版主回覆01/13/2011 17:47:00]我都好like呢張, 有張一樣pose影到樣架, 想晒大做油畫, 唔知好唔好呢? hehe
靚人靚景..好正丫..
回覆刪除好鍾意你各泳池邊影個張呀...勁靚勁型呀...
[版主回覆01/14/2011 09:18:00]thanks~ Bel Bel
始終覺得呢樣唔太配合我style, haha
哈哈其實唔太覺﹐大家只會FOCUS 0係你同老公嘴嘴果度~~~如果唔滿意應該可以叫STUDIO用PHOTOSHOP執執既~~~
回覆刪除我記得你有個進度表﹐裡面有寫d資料﹐我可以去參考下呢
[版主回覆01/14/2011 09:19:00]真係要執執先~ 瘦少少就ok, haha
你記性真好, 有咩需要可以問我wor
好靚呀!!!! 真係睇得好開心呀!!
回覆刪除[版主回覆01/15/2011 12:35:00]多謝~ 通常睇人地o個d係開心d, haha
回覆刪除呢張真係好正好正!!
[版主回覆01/15/2011 12:36:00]我都超like依張~ hehe
呢張好型!
回覆刪除[版主回覆01/15/2011 12:36:00]really? 原來咁多人支持呢張
嘩 .... 泳池邊 o個 張真係超靚呀 !!! 完完全全係我想要既 feel 呀 !!!!
回覆刪除[版主回覆02/01/2011 09:14:00]快d去馬爾代夫影返post-wedding, haha
一定靚過我呢張多多聲!!
沒有失望呀..
回覆刪除你地 d 相好令.. 我覺得好似幾全面呀..
有生活照.. 好似屋企 feel 既 照 ( hotel ).. d 相好 relax 呀
[版主回覆03/03/2011 16:32:00]都係架, 咩feel都有d~ 日影, 夜影都有齊晒
如果婚紗look多d靚相就仲開心