現成傢俬就要o係新年前order定, 等裝修好一次過送去新屋
第一樣要睇既係 [梳化]
好重要既一個item~
因為每日放工返屋企既唯一活動就係 -> 梳化坐o係上面一邊食薯片一邊睇電視
諗起都~正, wahkakakakak
!!入正題先 ===>
先後睇左好多間傢俬鋪都搵唔到合心水
可能我同未來老公要求唔同, 佢o岩心水時我又唔o岩
好似芝華士飛機倉款o個隻sofa~ 雖然坐得舒服, 外型我一睇就唔like, 又太大張
不過未來老公又ok wor!! 仲有我睇得出佢想買"彈較"款
而我就麻麻地, 只係想搵d簡單款式
最最最重要一樣係我地身高差距太大~
好多時我坐得舒服既sofa都比較細張, 坐位深度較窄
o岩未來老公既坐位深度太闊, 坐上去我係 "吊腳" 的, 坐得好辛苦!!
真係順得哥情失嫂意, 好煩囉!
最後o係冇心插柳下去左灣仔 sofasogood分店搵到張我地既 "THE ONE"
就係買左呢張喇~ 不過係 "黑色"
簡簡單單o岩我心水~ 仲要坐得好舒服tim, 又fit到大家既要求wor
睇相好似2座位, 其實係3座位黎架~
坊間見到可以彈較3座位梳化, 通常只係兩邊坐位, 中間冇得彈
而呢張就做到全張都彈較, 真係好good!
因為價錢唔平, 考慮左好耐先買
sales見樣就自動波送個腳踏俾我地~
唉....又落左搭, haha!
張梳化有名架, 叫"LEON", 我地都買左天皇椅啦
有得彈出黎o個D sofa通常睇落都大舊D, 你呢張又唔覺, OK喎! 我地身高差距太大<-我都有呢個問題呀! 希望我遲D都搵到THE ONE啦~哈哈~
回覆刪除[版主回覆01/27/2011 09:37:00]係啦, 太大舊冇位放呀, 我都係貪佢夠細張咋~
如果你地搵唔到可以去sofosogood睇睇wor, 都幾多選擇架又可以訂造
諗起你地有自己個小天地真係好開心呀~~~
回覆刪除[版主回覆01/28/2011 09:14:00]我都好開心呀!! 好想快d入去住~
我又係呢度訂左張 SOFA 呀 ..
回覆刪除[版主回覆01/28/2011 09:16:00]咁o岩既, sofasogood真係好多選擇~