大家都知道結果係"唔開心"....
因為伯大尼通知我想book既心水時段下午1-3點已full
就連下午4-6點都full埋
剩下只有10-12點時段
事前己決定非1-3點時段不要
book唔到就算, 估唔到聽到結果o個刻係咁唔開心!!
職員話我可以選擇10-12點, 但要即刻決定
當時已俾唔開心掩蓋所有埋性, 加上非1-3點....覺得冇可能接受
短短一個電話時間,
我真係決定唔到, 又或者係我唔想"say no"
職員話只可以俾15分鐘我考慮~ 到佢call back時就要決定~唉.......
收線後即刻打俾未來老公報告壞消息!
同佢講既時候已經想喊...真係超唔開心
傾完一輪10-12點真係唔可行, 想問人意見但15分鐘可以問得邊個呢?
最後唯有決定向伯大尼say bye!!!
十級唔開心咁等職員call back, 飯都食唔落....
等左15分鐘仲未有電話, 可能佢地都lunch time
o係呢個鐘反覆諗過, 10-12點係咪真係冇可能?
如果放棄會唔會後悔呢?
突然諗到如果將rundown轉下可能work wor
傳統rundown: 出門 -> 入門 -> 註冊
更改後rundown: 出門 -> 註冊 -> 入門
再同未來老公講我既想法 (老實講我覺得佢唔想)
於是我提議問下職員可唔可以hold住10-12點, 另外再waiting 1-3點
佢都冇反對, 因為佢知我好想book....
冇耐職只call back, 問完一輪細節之後
同佢講我要hold住10-12點, 另外waiting埋其他兩個時段
(雖然waiting list機會不大, book到心水時間多數唔會放棄)
佢話可以當我book 10-12點, 出quotation俾我先,
7日內簽回confirm就得, 如果唔係當give up
所以而家有7日時間俾我諗清楚~
即日已經問左各位blog友意見, 又得到長老們approval, 問埋mua化妝方面ok
而家就睇"我"點諗.....
雖然我有100%想book伯大尼, 但又怕呢樣怕o個樣
擔心時間好緊迫, 又唔想因為咁而影響到其他細節, 又怕辛苦各位兄弟姊妹親戚朋友
但唔book又一定後悔
所以最後我決定.........................BOOK!!!!
伯大尼我黎喇, 等我呀~
諗返轉頭有offer已經好好
雖然個天唔係對我最好, 但係都對我不薄
不過對我最好o個個當然未來老公啦~ love u >3<
[多謝各位blog友既意見+支持, 特別係Matty~ love u all]
yeah~開心返哂啦
回覆刪除[版主回覆11/04/2010 09:07:00]仲有終於訓得著喇, haha
到時你個靚靚花球都會出現o係伯大尼架, 超期待, yeah~
好野!!!到時一定要影好多好多靚相呀!!!
回覆刪除傻妹...你有得選擇已經好好，比起我同belbel住係粉嶺上水呢o的地方，真係諗都唔洗諗~
所以我將我地係伯大尼行禮既心願寄託係你手上喇，kekeke
[版主回覆11/04/2010 09:11:00]諗返轉頭都係, 唔想錯失呢次機會後悔一世
你地既心願我會好好珍惜, 全力以付做到最好, yeah~
到時你地一定要黎同我影相呀
咁咪好囉, 可能唔係你最想要嘅時段, 不過你起碼將來唔會因為今日放棄咗而後悔, 我當初好因為想要weekday而差d錯過咗伯大尼....
回覆刪除咁你會唔會搵decoration呀??
[版主回覆11/04/2010 10:32:00]yes~~ 而家開心好多, haha, 一生人得一次就係唔想後悔先決定book咋
呢一刻唔打算side 錢做deco, 或者diy就算
但係遲d就唔知, haha
你呢?
好野 ... 終於都攪掂啦 !!!! yeah ~~~~ 希望到時可以黎觀禮啦 !!!! 之前我都好想 book 伯大尼架 , 但最後都要諗返 d 老人家好唔方便 , 所以最後都無 book 到咋 !!!!
回覆刪除[版主回覆11/04/2010 12:24:00]yeah~ 你地有時間一定要黎呀~
我屋企老人家唔係太多, 另外會安排出接送應該冇問題既
最終book到心儀既場地真係好!! 恭喜你~~
回覆刪除其實出門>註冊>入門都唔係唔可行架, 我表妹結婚時就係咁, 仲要我地幾個姊妹夾手夾腳將佢既婚紗look還原返做褂look入門~ 如果你有化妝師跟全日就更加無問題啦!! 不過time keeping真係要好準!!
[版主回覆11/04/2010 12:29:00]多謝~小草~ 真係勁開心, hehe
你地好勁呀, 所以話有班好姊妹係幾主要架呢
我都問左化妝師話冇問題, 佢話唔大轉就得一定夠時間
但我又衰衰咁諗..."會唔會冇咁靚呢" haha
時間方面真係好煩惱, 最怕到時有突發野就"o.my.god"喇
希望一切順利啦
我覺得你呢一刻唔打side錢做, 你遲吓可能會改變主意...呵呵呵
回覆刪除我諗多數會(有人得罪我, 呢個係賠罪package包ga), 不過可能係d簡單嘅, 太花巧又唔襯伯大尼, 平平地, 佢荷包痛時我都痛嘛
[版主回覆11/04/2010 12:22:00]HEHE~ 我都覺得會, 所以我話"呢一刻"囉
敗家實在太易喇, 忍得一時忍唔到成年
你就好啦~ 如果有人包我(deco)就好喇
唉...我個package都唔知用咗幾多唔開心同眼淚換返嚟, 你唔好恨tim呀
回覆刪除我依家諗緊好唔好攪埋酒樓個deco.....你覺得呢, 係咪好敗家精呀??
你咪睇過jnc d deco你覺得如何呀?
[版主回覆11/04/2010 15:56:00]明白明白, 咁講法真係要努力d儲錢送俾自己喇. hahaha~
你間酒樓係咪銅鑼灣o個間伯樂門?
我覺得唔使side錢攪, 我個fd結婚時都係呢間, 用返原有deco都ok wor, 佢只係DIY左receiption枱, 另外印左張大海布放o係入場位置(近走廊)俾人睇咋
俾我會留返d錢deco 伯大尼算, hehehe!!!
JNC d deco做得好靚架, 不過教堂deco就冇睇過, 價錢方面會貴少少, 有時間可以上去show room睇下 wor
恭喜晒你呀, 你個schedule其實真係work o架..之前都有朋友係咁, 最重要唔好令自己後悔ma!!!!! 好好plan好個schedule, 又同個mua夾好就ok啦!!! 真係好開心!
回覆刪除恭喜晒呀!! 長老們都ok既, 就無問題啦~ 咁難book都book到其實已經好好架啦, 最緊要無唔好令自己后悔丫ma~
回覆刪除[版主回覆11/04/2010 23:29:00]多謝晒 ^^
辛苦未來老公開口問長老們~ 佢地見我咁鍾意都好體諒俾我book
好開心~ hehe
最緊要係你喜歡在伯大尼註冊呀~! 我都有唸過架~~不過開支太大, 加上太遠所以先give up~~ 你既然book左, 就好好唸下個rundown了~~ 唔好唔開心呀~~book到到唔差丫~! 其實時間呢個問題可以解決的~~放心呀~~ 加油呀~~~@
回覆刪除[版主回覆11/04/2010 23:27:00]真係幾貴~ 剩係伯大尼已經out-bud左好多,
不過真係勁鍾意, 慳d都要book呀!
我會好好set個rundown, 唔會浪費伯大尼同大家既支持既~
thanks~
我都想book伯大尼呀
回覆刪除但係見到d blog 友話好難book
而家你又咁講
攪到我好驚book 唔到~~
[版主回覆11/04/2010 23:59:00]雖然我都覺得好難book, 如果真係鍾意就試下book啦
你big day好似係平, 機會大好多架
支持你!!!
最緊要book到自己想要既地方,早d就早d啦,我都早架!! 哈哈,我就算到依家都成日左諗右諗到時要好早~~好煩,又擔心d兄弟姊妹早,又怕d親戚來我家咁早會唔來睇我出門,總之咩都諗一大餐,而且仲有成年,真係有排諗,不過唔理啦,都唔擔心得咁多~ha
回覆刪除[版主回覆11/08/2010 14:08:00]我既情況同一你樣啦~ 日諗夜諗, haha
至少各位長老都冇所謂任我地自由發揮, 已經輕鬆好多!
加油呀~大家都要努力
見你終於都落o左決定, 都為你高興呀~ 小小風波先更珍惜自己得到o既!! 希望你之後都 plan 得開開心心~!!!
回覆刪除[版主回覆11/08/2010 14:08:00]多謝你呀~ 每次諗返起都好開心~ 終於都可以o係伯大尼行禮
gogogo~! 咁多人撐係... 快啲唸吓個plan點整啦~~~~
回覆刪除[版主回覆11/11/2010 09:18:00]yeah~ 多謝大家支持!!
我真係要快d搵律師, 諗rundown先得~
wah~!!! I love this chapel too! my frd had her wedding there, so classy and elegant!! i think u made a right choice!!
回覆刪除多謝我地???應該係我地多謝你先真呀!! 你幫我地完成左係伯大尼行禮既美夢呢~keke~到時一定要請我地去呀!
回覆刪除係呢~我見到呢對新人都係係伯大尼個度行禮~應該都係你呢個時間~
佢冇接新娘呢個環節~不過時間安排上都ok呀! 之後佢地仲去埋數碼港擺cocktail...個度影相都幾靚架~
享受輕輕鬆鬆的婚禮