呢個星期好忙, 連續幾日出動搵我地既home sweet home
四圍去....包括近我娘家既將軍澳, 好遠既馬鞍山同元朗
睇左幾日真係好攰, 身心俱疲~
(辛苦您喇, 知道你為我地將來o既家諗爆頭, 大家要努力!!! 幸福美滿既家等緊我地架)
將軍澳已冇合心水既上車盤....馬鞍山又麻麻地, 為左上車, 我地不得不去新界地區搵樓
睇樓初哥, 冇做功課, 咩都唔識, 盲中中入左去元朗是但搵間地產睇樓
果然冇得睇, o岩價錢既盤想搵都冇....budget高少少又要約先睇得
好彩誤打誤撞搵到間細地產, 分別睇左幾個樓盤, 總算有d收穫
外區人唔熟元朗 (我第一次去咋)...感覺都幾好, 冇想像中咁新界, haha
第一次走馬看花....叫做睇過有, 暫時target屋苑
尋日放工入多轉元朗, 由公司搭西鐵around 1.5hrs, 車程還可以接受
今次特登去睇target屋苑其中一個盤, 撇除唔近屋企, 唔近公司, 交通唔方便, 呢個盤各方面都唔錯, 如果可以再平d就好喇
我知未來老公為左俾個安樂窩我好辛苦喇, 好想嗱嗱聲決定
但o係呢個咁高位既時候我地應該點做呢??? 入市定唔入市???
我都覺得好煩好煩....
呢個星期日會同未來奶奶入去睇多次, 唔知我會唔會同Nat Nat做鄰居呢?
待續...
再唔係, 可以考慮埋黎上水粉嶺睇樓呀..哈哈
回覆刪除[版主回覆10/08/2010 09:23:00]其實有諗過去粉嶺/屯門架, 不過要等星期日還到價先算喇.
hihi ... 我都睇緊元朗 d 樓呀 .. 已經 focus on 采葉庭喇 ... 不過個價仲好貴囉 .. 我要再等下 .. 你呢，睇左邊度呀 ?
回覆刪除[版主回覆10/08/2010 09:31:00]之前朋友介紹采葉庭, 不過個價貴左好多, 我地放棄左
而家focus元朗公園o個邊
我住左上水廿幾年(近幾年先住將軍澳)......感覺上 上水都幾好架 ! 近年有好多朋友都搬左去元朗 (可能都係因為市區樓太太太太貴 ) , 佢地都話唔係想像中咁遠....巴士出 TST , 大約都係 35 mins. 不過上水 / 粉嶺 / 元朗...就衰在好好好好多大陸人囉
回覆刪除希望你快 d 搵到心水地方啦....
你唔係話轉工咩...到時搵o的近o的咪得囉~~~
回覆刪除