【箍牙實況‧TRAY# 5】

咁快又過左兩個星期...

尋日就係換第5個箍嘅時候

同以往一樣我都係食完晚飯後先帶上新箍

今次帶新箍時比起之前冇咁辛苦, 都係o個句...可能已經慣左

不過帶lower tray時都有d困難

唔知點解右面大牙個位lock極都lock唔正...我又怕整難費事咁大力啦

於是帶左幾次先成功

相比第3個箍今次算係好順利又冇咁辛苦

今朝訓醒擦牙...有牙血呀...

其實每次換箍後都有咁既情況，不過今次多d

唔知係咪正常呢? 記得的話下次要問下醫生先~

比起o岩o岩開始箍牙時，覺得自己懶左好多呀

特別晚飯之後遲遲都唔肯帶返個箍

基本上每日要帶22小時...因為懶...我只係帶左20-21小時咋

希望唔會影響到進展啦，真係要努力d唔可以俾自己再懶落去！！

總括今次d牙仔既郁動唔係太多，亦冇明顯移位