♡ 攝錄篇 - 搵邊間好呢?

酒席同pre-wedding都攪掂, 係時候睇當日攝錄喇

記得睇過其他blog友講 ....

" pre-wedding影得唔靚唔緊要, 因為可以再影過, 但係當日攝影影得唔靚就冇得反轉頭, 因為big day只有1日"

真係講得好o岩, 所以想早少少搵個自己鍾意既當日攝錄

因為太忙, 懶得搜集資料....心目中想搵2p1v, under 10k, 都係靠睇blog友有冇好介紹

分析如下:

1. Amazing Grace

好多人推介包括剛剛結婚既朋友, 但一定要book到老闆娘Grace, 問左package, 價錢都唔平, 加加埋埋over 10k, 睇過d相覺得麻麻, 唔係我地杯茶....問埋booking Grace已經俾人book左, 更加唔洗諗(估唔到grace咁full, 唔怪得d人話要預早兩年book) ~

2. Jack Creation   http://www.jackcreation.com/jc/index_jc.php

有人推介加上酒席o個邊送左2000千蚊coupon, 即管睇睇, 不過package都貴下, 好似要over 15k.....太貴喇, 唔諗

3. Philip Tsang   http://philipphoto.com/

同事既朋友(唔熟o個隻), 介紹話佢影相好靚....睇過website真係唔錯, 好like佢影相既style, 不過.........勁貴, book佢2p1v的話要成3萬幾.....幾like都冇得諗!

4. 幸福宣言   http://www.dplus.com.hk/dplus/index.html

路過睇到, 相片style+video都幾合心水, 價錢貴Grace少少, 要$12888, over budget, 所以要再睇睇先.

暫時睇左呢幾間...只有Amazing Grace 同幸福宣言 o岩心水d, 不過AG已俾人book左.....即係得返幸福宣言, 點揀好呢?? 要影得靚, 又要睇錢做人...真係好煩!

煩緊之際, 好彩未來老公仔識得人多, 諗到有人幫到手....暫時未confirm, 等confirm再同大家share, hehe~~

【箍牙實況‧TRAY# 22】

唔經唔覺已經箍到第22個箍喇

仲有7個就大功告成

呢排實在太忙, 攪到好耐冇update過牙仔情況, 真係sorry呢~~ ^^

由開始箍牙到而家, 大約有10個月, 所有野都好stable

男朋友成日都講冇人箍牙箍得你咁舒服, haha..我都覺呢~

近幾個箍都冇咩特別野講, 直接去相啦

大家睇睇, 比起未箍牙前, 我d牙真係齊左好多, 有同事仲以為我箍完tim, 真係好期待箍好既一刻....

♡ 酒席 - 天澄閣落左訂喇~

咁快又一年喇~ 祝大家身體健康, 要咩有咩...hehe

o係2010年來臨之前, 我地又完成一件重要既事

係咩事? 就係酒席已經落左訂book好期喇

真係好開心, 終於都book實天澄閤喇

落訂時順便食晚飯, 個場真係越睇越鍾意, 加上待應服務周到, 食物又OK~ 好開心!

不過有一樣失望既係, 到而家我仲未睇到個新娘房, 打算落訂時昅下

點知又有人擺酒睇唔到, 唯有下次再去啦~

暫時唯止最重要既酒席同pre-wedding都book左, 其他野可以慢慢攪

下一步會睇埋當日攝影, 朋友話想揀個好D既攝影師可能要提早1年半前BOOK定

睇黎我都要努力D搵資料先得, 唔知大家有冇介紹呢?

♡ Pre-wedding@Taiwan - 落搭過程

上個post講過上星期五入左expo睇酒席, 點知無啦啦book左pre-wedding

等我講下來龍去脈啦

o個日入到去行過一間台灣婚紗相既booth, 已經俾d既攝影師好熱情咁叫我地睇sample

但我地主要想睇左酒席先, 已經好客氣咁同佢講唔使...

不過佢仲係好熱情, 算啦, 橫掂都遲早都要影

見到時間聽下價錢比較下都冇防

幫介紹既staff係台灣人, 講普通話又唔係好識聽我地講咩

我地唯有用我地d"普通"話同佢溝通

佢問我地有冇聽過佢公司個名 & 有冇興趣去台灣影pre-wedding?

老實答佢兩樣都"冇", 理由係我地早有共識覺得太多人去台灣影, 參考過朋友, 同朋友既朋友既相, 風格/post/景點唔可以話完全一樣, 但都有7-8成相似

唔想d相咁普通, 所以早就講過唔會去台灣影, 佢個名我地更加冇聽過啦

點知答冇, 佢反而仲開心, 因為佢原來係marketing manger, 專做"陌生開發"

意思係佢專針對一d對佢公司/台灣影相比較陌生的客人 -> 即係我地, haha

開始時睇左一d相薄, 感覺唔錯影得都幾靚 (心諗擺得出黎一定係最靚囉)

我睇得出男友都幾欣賞d相

可能個staff見我地睇得ok開心就問, 睇完之後會唔會考慮去台灣影呢?

我地話都會既.....點知呢個位就俾佢"入"左!

之後就o係咁介紹係咁俾相簿我地睇 (ps. 一路冇提過价錢)

睇到咁上下, 我地打算問埋價錢就走, 因為都睇左成半個鐘喇

價錢有3款, 但佢只介紹最平&中價個package俾我地

最平既package hk$6888 (細相簿30張相), 中價 hk$9888 (中相簿50張) <- 唔知有冇記錯

聽完價錢之後更加唔會諗去台灣影, 太貴喇, 仲有只包咁少相

可能佢見我地想走就再講多d offer (.....入得expo就預左有多d offer,都係送d牌野)

睇左咁耐可能你地會比較想知道係邊間公司多d

答案係 : 法國巴黎

staff講完一輪offer就話如果我地肯做sample會再優惠d

我地又不防聽下有幾優惠啦...

感覺上sample offer price又真係幾吸引, 我地都考慮左一陣

最後當然say no啦, 原因係唔想咁衝動又冇比較過, 最緊要係呢間公司既口碑服務等一概不知

正當想走之際....另一個staff又走黎加入"說"戰......但我地都未被動搖

隔一陣又多一個加入, 總共3個人圍我地...

如果o個時我地起身走其實咩問題都會解決, 點解我地唔走呢...而家諗返先識問自己

最後加入戰團的staff原來係大老闆, 佢見到我地第1句就話我地好似樣,

於是又邀請我地做sample, 而佢開出的sample price比起之前staff開的更吸引

老闆果然是老闆. 佢話我地做sample所著的衫會是全新的, 攝影師都是用首席的(即公司最top那位)

佢話黎左hk expo 3次, 都係第1次親自揀sample (都唔知係咪既??!!)

一輪心大心細之後, 我就打俾friend問下佢地join package大約幾錢

比較過後, 佢都話個價錢都幾平, 不過唔知呢間影成點...佢仲幫我上網搵下d評語之類, 得出結果係麻麻地....(我個fd join 左法巨下年4月去影)

見佢咁講, 我地都想睇定d先, 於是就reject左老闆既offer.

老闆當然唔會咁易放我地走, 又解釋一輪道理, 唔記得佢講咩, 不過都ok合埋...

最後佢出殺手間....拎出一疊冇display出黎既sample俾我地睇

一睇之下....眼都突埋....影得好靚呀....相片既造型風格我地都好like

老闆話呢輯相用左電影拍攝手法, 成本比較高, 但如果我地肯做sample的話

就會親自安排我地影類似的效果, 同搵返呢個攝影師影

就係咁....我地落左搭喇!!

返屋企睇真d, 我地張invoice上面係寫另一間公司名"莎羅曼庭"....好疑惑

乜我地唔係join左法國巴黎咩? 上網做左一陣功課先知兩間係姊妹公司, 一樣既

因為我地既sale係屬於莎羅曼庭, 所以去到台灣都係莎羅曼庭o係邊幫我地影相.

了解清楚都好d, 唔洗咁驚.

♡ 擇個吉日 - 第5回 - 日子有變...好灰:(

星期5我地特登請假去左既expo

主要睇酒席, 其次睇pre-wedding

先講酒席先, 上次去睇完天澄閣個場之後已經好like, 打算入expo問多d detail

不過冇理由睇1個場就confirm

於是再去睇左多幾間心儀既酒樓

1. 利舞臺彩福皇宴

<- 主要想睇下條長樓梯, 不過去到有d失望, 個場比想像中細, 只係個backdrop加返d分

2. 銅鑼灣百樂門

<- 順便睇下由樓下上酒樓個感覺已經麻麻地, 不過上到去感覺好d, 個場好大冇柱, backdrop同個台都好大好靚

3. 紅磡煌府

<- 都係順路睇左, 個場四正裝修都好靚, 只係唔like個backdrop, 同佢係一個鋪位

不過睇左幾間, 我地最後都係會揀天澄閣. 不二之選!

去到expo, 一入去就俾台灣pre-wedding公司捉住, side左幾個小時 (詳細遲d會另開post)

去到天澄閣counter已經7點...傾左一陣, 大路野問晒...到佢幫我地睇時間時就晴天霹靂.....

我地既big day 10/12/2011已經俾人book左囉

好唔開心...灰到爆

再問我地自己上網擇o個日 29/10/2011都俾人book埋....

點解會咁????? 我地已經早左兩年去book, 咁都book唔到囉

同男友傾左一陣...唯有擱置先, 諗下改日子定改場地比較好

當晚相量後, 決定放棄日子再搵人擇過

真係慘, side左3百蚊去搵人擇, 點知.......唉

好彩join左新婚會, 入expo有得免費擇日, 於是我地今日再入一次

1點幾入到去第一時間排隊...好多人, 拎籌要等到4點幾

我地唔埋繼續排, 希望博到有人遲到我地就可以打尖

等到2:45終於等到, 我地預先去天澄閣抄左2011年9-12月既所有未有人book既星期六, 直接問CF邊日ok就擇o個日

未有人book既星期六都有成10幾日, 點知只得1日適合我地....冇得揀之下

我地既大日子就改成  2011年10月22日

天澄閣個邊已經pencil mark左, 搵日傾埋d細節就可以落deposit.

希望唔好再有阻滯啦~