基本療程29個箍已經完成左幾個月
新療程既17個箍已經開始左第5個
近幾個月已經冇咩大變化
換箍時都冇覺得唔舒服或者辛苦
牙仔本身要加粒粒架, 因為要影結婚相關係醫生話可以唔加都得
真係好~ 希望唔會影響進度啦....超期待箍完既一刻 @.@
而外觀上都差唔多, 繼續冇人發現我箍緊牙, 特別係新識既朋友仔
唯一一樣變化就係d人"覺得"我d牙大隻左好多好多
我d牙當然冇變大隻到啦, 可能d牙箍齊左, 連我都覺得d牙睇落去大隻左好多
大隻到有少少接受唔到囉, 特別係影相時d牙大隻到好似爆出黎咁..好ugly呀
太懶喇, 好耐都冇post過對比相
頭先整時比較下先發覺, d牙齊左好多之餘仲白左呀, 好開心!! hehe
大家睇睇啦~~
:: 此post私有化 ::
攝影師Mike將我地幾張相post左上facebook
我downloand左落黎share俾大家睇下
其中一張我地最最鍾意既已經做左banner喇~
其實o個d大約一個月後先有得睇, 超心急呀!!
另外化妝師幫我地影左好多花絮, 有時間再post出俾你地睇啦^^
去相先 ->>>
1. 拍攝day 1 - 地點: Jesselton Point 對出碼頭
o個日超好天, 我只係曬左15分鐘個膊頭已經紅晒, 而家仲甩皮tim!!
呢張係由making of viedo 剪出黎架, 雖然睇唔到樣, 不過好like
呢張都係由making of viedo 剪出黎
呢張係Mike影既, 對呢張相完全冇印象, 唔知幾時影架呢
藍天白雲, 未來老公話用黎做簽名布一定好型wor, 不過我地個樣太細粒呢~
2. 拍攝day 1 - Gaya Centre Hotel
影完碼頭就返攝影師酒店換衫, 準備check-in靚酒店同影日落
影既位置只係窗邊, 估唔到出黎效果唔錯, 朋友話似珠寶廣告, haha (我d頸紋真係不堪入目!!)
3. 拍攝day 1 - Magellan Sutera Hotel
特登book呢間酒店影架, 好彩都幾靚, 冇白費我地既血汗錢
大床上扮sleep, 影o個時真係好尷尬....仲要o係咁多男人面前扮
影"咀咀"相都冇咁怕羞~
我地都超級like呢張, 難得自然又sweet, 反而我想用呢張做簽名布多d
因為落雨去唔到酒店碼頭影日落, 唯有返房露台影啦, 呢張都係由making of viedo 剪出黎既
o係房影完轉晚妝, 去左酒店既桌球室影...
我要扮cool....好唔成功, 個樣好怪, 個妝睇睇下都有d怪, 朋友話化到老左~ 好似又係wor
4. 拍攝day 2 - Magellan Sutera Hotel
出島影陽光與海灘前o係房影既
睇下佢訓得幾舒服~
出島換左自備既黃色晚裝+DIY花球~
未來老公話我呢個look最靚...當時冇得照鏡, 我都唔知自己係咩樣
剩係知道已經曬到好黑, 好鬼似當地人, haha
影左3個鐘, 影完之後就玩呀玩...
不過就開始落大雨, 唔到4點已經要回程喇, 兩日既拍攝完滿結束
分享住咁多先~ (因為我都係得咁多可以share俾大家)
Day 1 (July 31, 2010) 香港 -> 亞庇
Hotel: Imperial Boutec Hotel - Court Room (RM155)
Hotel website: http://www.imperialboutec.com/index.htm
期待已久既沙巴pre-wedding之旅終於到喇
我地去左6日5夜, 2日影相, 其餘時間就自由活動
神經緊張既我, 出發前一晚執野執到凌晨3點先訓, 有d過份囉, 明明要keep住個靚樣都攪到咁晏
好彩第2日下午3點半機, 可以訓晏少少~
預早兩個鐘去到機場check-in, 食下野
好彩朋友車我地去機場, 如果唔係拎住兩個大喼都幾辛苦!!! (thanks~ RB)
經過Disneyland Store見到Woody忍唔住buy左一隻去沙巴影相
係咪好得意呢???
睇完toy story 3中晒毒, 由鐘意buzz變左woody, 因為覺得佢太似未來老公喇, hahahaha :p
帶住woody係咁影相之後要去較遠既閘口等上機
去到又係咁影.....影呀影終於可以上機喇
check完boarding pass排左一陣隊都未上得機, d人開始憫憫地, 包括我地....
都係去搵個位坐下先, 一坐底就話飛機既廁所壞左, 要維修~~ oh....即係要delay啦
一等就等左個半鐘, 等到個人都傻左
點解今次旅程咁多阻滯呢？？？！！！
原先３點半機去到沙巴已經７點到
而家delay攪到我地成9點先到呀, side左2個鐘
去到會合當地旅行社導遊"阿豪" 接我地去第一間酒店check-in
佢地既服務都ok既, 有興趣既朋友可以參考佢地website
當地旅行社資料:-
特優旅遊
website: http://www.excellenceecotours.com/index.html
幫導遊買左電話咭, 唱好錢再到酒店安頓好就call 攝影師
day 1搵左間平平地既酒店, 只係訓一晚ok啦
酒店位於市中心內商場7樓, 地方都幾方便, 上酒店就要同人share商場既lift先去到
不過人多複雜, 下次唔會再住
房間都幾大算乾淨企埋, 不過冇窗....窗簾後係一道假窗望到走廊既人架, haha
免費上網, 唔係wifi, 要問佢地拎線, 可惜最後都係上唔到網
浴室呢舊野好似好勁咁...我地唔識同囉
整左好耐先出到水, 水力弱又唔夠熱, too bad!!
夜深關係, 附近冇咩野食
會合攝影師等人一齊去左 Waterfront食晚飯
海邊長廊環境唔錯架, 飲杯野傾下都幾relax~
我地去左一間西餐廳, 為左食呢個big big burger, 味道幾好, 熱少少仲正
食完野, 傾下第1日拍攝既rundown, 咁就一日lu~
待續~
我地既沙巴之旅已經完滿結束喇
9天大假都放完喇, 星期一己開始工作~
hea左咁耐第一日返工真係好辛苦呀, 坐到腰骨都赤赤地!!
趁悶悶地回顧下沙巴6日5夜之旅先 ^^
前言
第一次去沙巴, 心情好興奮呀
除左有我至愛既陽光與海灘, 今次仲係去影結婚相, 真係超開心
不過係出發之前發生左D唔開心既事
首先30號晚放工要上Grandness Final Fit同拎衫
5點半鐘已經執定野等放工, 未出發先興奮~
可惜呢個心情o係6點正既時候被破滅左囉
事原係未來老公上司既刁難
一定要佢做完晒D野先放得工 (D野唔急既, 唔知點解一定要佢做完)
o個時已經做到6點幾, 又約左7點上去拎衫, 我地仲要o係杏花村去尖咀, 唯有打去改晏8點鐘
等到7點幾, 我已經好唔耐煩, 好心急想快D走~
於是未來老公走去同上司講有急時要即刻走
順便提佢聽日開始放大假~~~
點知佢上司爆左出黎話唔知佢放假.....又呢樣又o個樣
講左一大輪難聽既說話 (我都在場, 聽到心都UP晒囉!!)
奈何未公佈婚事, 唔想同佢講去拎衫
未來老公唯有堅持一定要走先走得甩咋
超唔開心囉...俾呢個女人攪到咩心情都冇晒!!!!
原本開開心心去旅行, 臨走都要攪成咁, 灰到爆 >.<
走甩立即飛的去grandness~
上到去得我地一pair客試衫, 我好快就試完, 不過件婚紗完全唔FIT要即刻改
未來老公揀既白色燕尾禮服更加唔掂
外套隻袖超短, 條褲又短, 著左成個老夫子咁...VERY UGLY
見到有套黑色show左出黎, 順手試下又o岩身wor
咁o岩套衫又有期緊係轉左佢啦!!!
拎完衫食d野就返屋企喇
行去parklane巴士站時又遇到另一件唔開心既事
途中見到一個上身赤裸, 成身油琳琳既男人, 睇佢個樣"應該"係有少少唔正常的
我好自然咁望左佢一眼.....點知恐怖既事就發生喇
佢好似見到我望佢, 於是就口up up, 好似鬧緊我咁
o個時我已經好驚, 問男友佢係咪鬧緊我?? 佢竟然話"係"......
嘩...超驚呀, 於是我地不斷向前行唔埋佢, 而佢仲未死心一路鬧一路行近我地~
終於行到車站, 諗住可以松一口氣, 點知男友話佢好似搵緊我地o係到望望下.......
好驚呀好驚呀好驚呀...咁大個女都未試過咁驚架
唔知佢會唔會突然拎d攻擊性武器出黎架...o個刻真係驚出晒冷汗想喊咁制 (好細膽, haha)
好彩有未來老公o係身邊, 如果自己一個都唔知點算!
上到車終於呼一口氣! 安全返到屋企繼續執野執到零晨3點先有得訓.
待續~ 沙巴之旅- Day 1
6日沙巴pre-wedding之旅完滿結束喇
雖然天公不做美, 每日要落下雨先安樂, 好彩影響唔到相攝過程
除左影得開心仲玩得好開心~
超級多謝 "Able Studio" Team
攝影師 Charles & Mike
化妝師 Jessica
攝錄師 Leong
多謝你地~ 好期待d相同video
下次有機會再一齊玩過, hehe
Able Studio除左Per-wedding同有做當日攝錄架
可惜我地已經book左, 如果唔係一定會join埋佢地
極力推薦~
收到相再同大家share啦
