♡ 化妝篇 - 失望, 失望+失望!!

睇個topic大家一定以為我試妝失敗啦, 如果係就完全"錯"

因為我期待已久, 幾經辛苦先約到既試妝, "告吹了" , 超級唔開心加失望!

原定約左今日去試妝, 點知星期5下晝收到mua SMS通知話

"因為公司要佢星期六返工, 幫唔到我試妝, 要再約下次, 仲有佢而家做緊嘢, 唔方便打電話"

睇到個message已經好奇怪....明明係約佢星期日試, 係咪攪錯左呢??

先confirm左自己有冇攪錯試妝日期穩鎮d, 費事怪錯好人嘛! (因為係未來老公幫我約佢, 打去問佢時我都在場. 其實都好肯定我地冇錯)

於是就即刻reply返佢, 問係咪攪錯日期, 另外星期日佢有冇時間試啦...

但係等左成晚都冇reply, o個陣大家已經好心急

因為第2日星期六我地會去澳門玩, 怕佢搵唔到我地於是再send個SMS俾佢了解情況, 再問多次今日係咪試唔到妝 (我地早上9點上船費事咁早打電話俾佢先send SMS)

但係等左成日到而家呢刻都未有回音....真係十個失望!

未來老公話夜少少會CALL佢問下點, 再約佢下次試妝

我係一個好心急既人, 又要好有安全感

除左搵mua外做其他野都一樣, 想快d confirm好d野, 等自己唔洗煩咁多, 留返d時間精力去準備其他野

我覺得搵mua 係籌備婚禮當中好重要, 個個都想搵個適合自己既mua

又要同其他人鬥快, 萬一俾人book左心水mua就慘

佢o岩唔o岩我真係要試左先知, 老實講...試左o岩就話冇問題啫, 如果唔o岩又要搵過另一個, 唔想一拖再拖, 拖到搵唔到o岩既mua, 到時"棧"自己唔開心

所以我set左個期限俾自己, 如果5月前都試唔到妝就放棄佢

話之佢係咩人介紹, 最緊要自己開心

p.s. 尋日同友人傾開搵mua既事, 問我點解一定要搵佢, 又唔係收得特別平, 化又唔知佢化成點...如果係因為佢夾開我o個個當日攝影師就更無聊, 根本兩個人都冇影響. 俾佢點一點又覺得o岩既.....我真係要好好考慮搵唔搵佢好d

♡ 化妝篇 - 試妝??

熟人介紹既關係, 我唔洗自己搵MUA

雖說熟人介紹, 我都要like先得....

上一次expo就有機會見下呢個MUA, 感覺都幾好, 原來佢係某某攝影公司既合作化妝師,

睇過合作公司既sample, 可能pre-wedding既關係佢化既妝都比較清, 都幾自然, 

big day既相就冇得睇, 有少少怕big day會太淺, 睇唔到有色~ (p.s. 我比較like大眼妝, @.@ haha)

兩個原因佢係特別吸引我既~

1. 佢係我未來老公表姐既fd. 有成10幾年化妝經驗, 熟人介紹就易話為d

    - 老實講有經驗固然好, 最緊係化得靚靚靚!

2. 當日攝影師既拍擋

    - 佢同我既當日攝影師好多時都會拍住上做野, 我諗佢地既默契會好d掛

壞處~

1. 佢既blog唔多相, 睇唔到佢化開既style

2. 網上search唔多comment, 好彩有既都係讚多

3. set頭方面麻麻地....唔多變化

問埋full day價錢, 佢只係收我地友情價, 比起佢收街價平左2k左右, 不過就唔包伴娘, 媽咪.

之後比較過價錢, 原來同其他心怡既mua差唔多, 所以決定搵佢試一試先, 如果唔ok就即刻搵其他mua.

如冇意外會約佢今個星期日, 希望一切順利啦!!!!! :p

想問下各位blog友仔, 試妝時要注意d咩呢?? 

打算同未來老公兩個去咋, 定係搵多兩個人幫下眼好呢??

通常會試幾多個妝 & 髮型呢?

仲有咩特別野要問佢, 例如有冇額外收費之類...?

(我好懶呀, 而家先問, hehe)



p.s. 我已經學完新娘化妝, 總算識化全妝, 我諗至少都知道咩叫化得好同唔好掛 -__-"

【箍牙實況 ‧Tray 27】

懶左幾個星期冇update, 係時候睇下牙仔情況喇

上星期2覆診, 去左醫生既新診所, 位置o係CWB, 方便左, 大左靚左, 等得快左, haha

已經同姑娘約定以後都轉去新診所覆診, 終於唔使山長水遠放工由杏花村去長沙灣咁辛苦喇, yeah~

之前有blog友仔分享過要加箍, 趁住覆診問埋醫生我使唔使加啦

點知佢好肯定話 "緊係要啦, 加多12/ 13個啦"

鳴鳴鳴....聽到好唔開心呀! 其實都知要加箍, 只係估唔到加咁多個

諗住last 3個箍箍到5月, 再轉retainer,  到時可以靚靚咁去影pre-wedding

而家唔可以lu....不過醫生話唔怕, 到時d牙都齊晒, 帶少1日半日箍都ok既, hehe, 開心返~~

另外由tray 27開始要用漂白濟漂牙, 醫生話之前d牙overlap左, 家下箍返開會有d積, 都係既...話晒爆牙下面o個隻牙已經收埋左成廿幾年, 難得見光都要整返佢靚靚既

漂白濟用法好簡單, 只要將比芝麻多少少既份量"支"落牙箍裡面再帶返

等大約2-3小時 (姑娘提醒一定唔可以多過4小時), 之後除箍洗乾淨沖下口就完成喇, 每日用都可以架

不過係有副作用既..!!! 醫生話用完之後, 牙仔可能會覺得痛, 麻痺等情況出現, 而且每個人既感覺會有不同, 效果因人而異....

姑娘教我用時話建議食完lunch之後用就最好, 我問佢可唔可以晚飯之後先用, 佢解釋話冇問題, 其實幾時用都得, 只係怕副作用會令到我好辛苦訓唔到覺.....吓........好恐怖呀, 會訓唔到咁勁

不過佢都係o個句效果因人而異....唔係個個都會既~~~

因為懶上星期覆診到而家我只係用左兩次, 兩次都係晚飯之後, 漂白劑有少少薄荷味, 少少苦啦, 都算容易接受既

haha, 我唔識死唔埋佢既副作用, 夜晚用完先sleep....好好彩, 我冇好勁既副作用

只係覺得牙仔有少少麻痺, 漂緊時唔覺架, 反而漂完飲水時就覺得痺痺地...或者係用口吸氣時都會

姑娘講得o岩效果真係因人而異, 如果漂到訓唔著都幾慘, 我寧願唔漂

漂左兩次都冇明顯變白, 牙色好似比之前均勻, 可能要用多幾次先有明顯效果 (有時間再分享漂白成果啦)

遲少少會update牙仔相!!

病左都要食...

天氣轉, 終於都病左, 成機放左兩日病假....haha

不過病都忍唔住要食 "金莎", 食呀食, 好好味...多謝阿爸送俾我, hehe

photo by i-phone

【箍牙實況‧TRAY# 26】

尋晚換左新牙箍, 第26個喇, 仲有3個咋, hohohoho!~~

更換過程依舊順利, 可惜近日天氣轉冷乾燥天氣攪到我個咀角爆左

每次除箍都會爆一爆不特止, 食野仲會"嗱"住痛....慘慘慘!!!

講返新箍先~

相信箍緊隱適美既朋友都知道點分upper & lower tray.

為左容易分辦, 每副箍都會印有 "U" = upper tray & "L" = lower tray,

不過我由上箍第1日開始已經冇埋會呢兩個字, 因為我既上下箍既分別太明顯, 見到有爆牙o個個就係upper tray啦, 根本唔會帶錯

但到左尋日換新箍時, 我竟然要睇返個字先帶, haha

再一次證明我d牙齊左好多好多~

上下箍既u-sharp已經調整左好多, 先比較下tray 3 & tray 26先

 

兩副相上面既係upper tray, 下面係lower tray.

大家睇到分別嘛???

先update到呢到為止, 等我個咀角好返再post牙仔對比相俾大家啦~