終於踏出第一步

讀完high dip都有一段時間喇

之後一直再冇進修過，本來打算繼續讀埋個degree

奈何覺得自己唔係讀書既材料，唔想side錢lu...

不過成日o係屋企又好頹廢，於是想搵d野學下

心目中有3樣想學

1. 游水 - 因為我好鍾意陽光與海灘, 可惜唔識游水...真係好失敗~!

2. 韓文 - 為聽韓文歌時知首歌講咩, haha

3. 化妝 - 女人始終係貪靚, 為左變靚d之餘+學多門手藝

呢幾日休養期間，已經做左選擇，報左咩? --->> 就係 "化妝"

其實本身唔識化妝，不過見d女仔化妝化得咁靚又心郁郁好想學

試過搵朋友教，學得1次又教得麻麻地....之後不了了之

近日幫朋友睇新娘化妝又勾起條根, haha

於是係咁search資料睇下邊到有得學，口碑好啦

因為只係想為自己扮下靚，又未知有冇興趣wor

所以大型化妝學校已不入考慮之列

發現原來好多人教化妝，最後我揀左一間叫 "Makeup Secret"

見到好似唔錯，學費唔貴之餘又有野送

深入search之下見d學員都有好出路，d妝化得靚之餘set頭又正，好似好pro呢~

心大心細睇搵左幾日資料，對呢間學校都幾有信心(唔知點解,haha)

加上有男友仔支持，一於鎖定makeup secret啦

而尋日終於踏出第一步去報名學Step 1 <專業潮流化妝師速成班>，but d class好full

我要等到12月先有位...有排等呢，真係好心急想快d學，希望有位可以調早d上啦~

目標將自己變靚d + 學一門手藝搵錢(如果有興趣的話)

【箍牙實況‧TRAY# 6】

又到換牙箍嘅時間喇...

4/6晚去左覆診，一如以往晚飯之後先換新箍

講講覆診先，約左7:30我7:20已經去到...點知見到好多人等緊

d人多到我要出門口等...等到8:30先見到醫生

等待期間有兩個病人應該約左8:15 同8:30

姑娘同佢地講要等多兩三個先到既時候就發晒皮四

聽到佢地話以為一去到就有得見醫生

心諗有冇攪錯呀, 我都等左成個鐘啦...

haha...入正題喇

醫生話我冇咩特別問題，只係偷少少位就得

唔洗1分鐘偷位已經完成，我都好驚訝點解咁快偷完既...

順便問埋醫生我d牙縫好疏，唔知係咪正常呢?

佢話因為d牙郁緊，所以先有牙縫wor

點解會咁問佢呢...因為我覺得d牙縫比以前疏左好多，食嘢成日攝住晒

不過聽到佢咁講都放心d，起碼知道係正常而d牙真係有郁緊

今次拎左3個箍，下次要等到7月中先覆診喇

話咁快就換第6個箍喇

其實次次帶新箍時都會有d困難出現，今次都唔例外

好似今次咁帶upper tray時都ok，問題出現o係lower tray到

之前試過帶左除唔返，但今次就相反

帶左幾次都帶唔入，咁我就出盡9牛2虎之力"夹硬"將個箍lock入d牙...

問題出現喇...心諗冇埋由咁大力都帶唔入架

咁就拎個箍睇下啦, 一睇之下..."大獲"

右面第2隻大牙個位"笠"左囉...

點算呢?? 真係好驚會整爛個箍，事關呢個新箍要帶成兩個星期架

唔整都整左，唯有小心d將"笠"左個位屈返出去睇下有冇爛

好彩...冇爛到咋，但係有個摺"行"我諗如果再整多幾次就會爛

於是我改變一向既帶法，先帶左大牙o個面再帶其他位

最後當然成功帶到，下次真係要小心d先得喇

萬一爛左都唔知點算~

今次比較未箍牙前同而家既情況, 睇睇有咩唔同~~

之前應承過blog友"貓子"會post帶箍前後既相，終於有時間upload喇

有興趣箍invisalign既朋友都可以參考下架~

【箍牙實況‧TRAY# 5】

咁快又過左兩個星期...

尋日就係換第5個箍嘅時候

同以往一樣我都係食完晚飯後先帶上新箍

今次帶新箍時比起之前冇咁辛苦, 都係o個句...可能已經慣左

不過帶lower tray時都有d困難

唔知點解右面大牙個位lock極都lock唔正...我又怕整難費事咁大力啦

於是帶左幾次先成功

相比第3個箍今次算係好順利又冇咁辛苦

今朝訓醒擦牙...有牙血呀...

其實每次換箍後都有咁既情況，不過今次多d

唔知係咪正常呢? 記得的話下次要問下醫生先~

比起o岩o岩開始箍牙時，覺得自己懶左好多呀

特別晚飯之後遲遲都唔肯帶返個箍

基本上每日要帶22小時...因為懶...我只係帶左20-21小時咋

希望唔會影響到進展啦，真係要努力d唔可以俾自己再懶落去！！

總括今次d牙仔既郁動唔係太多，亦冇明顯移位

整包記

尋日同阿爸去左學整麵包

1點半先開始，不過去到已經見到d同學仔開始緊...

於是我地拿拿聲埋位

每人有一份note，材料同埋用具

一埋位就開始搓粉，阿sir走黎一對一咁教我地...

不過d同學仔好似好熟手咁，已經自己搓緊喇

(後尾先知完來我攪錯左，係1點開始架, 我地miss左幾個字喇, 唔怪得啦)

搓到咁上下就要拎去第一次發酵喇

等候時阿sir就教我地造麵包型

好得意呀...原來都唔係好難

終於發酵完喇，見阿爸& d同學仔個麵團發得好靚，漲卜卜咁...而我o個個就....haha, ok啦, 都發得"起"既...

到我地造型喇，好好玩呢

造完就要等第2次發酵同掃蛋

等d包包入爐就完成喇~

第一次同阿爸一齊學嘢，好開心呀!

我地plan下次想學整d難道高少少嘅蛋糕呀

講返呢次先，基本上都唔難學，整出黎真係唔錯架...同出面街買有得揮(haha..唔係賣花讚花香, 真係正..阿媽都咁講)

不過上堂費用要成$250一個人就幾貴喇<每人有6個包帶走>

希望今次學識左，下次可以自已o係屋企創作d新口味, haha

睇下d相先啦~

第2次發酵完成..個腸仔包唔係好靚呀

先掃蛋..等d包包焗到金黃色

再加再d芝麻同杏仁片

完成等入焗爐

我覺得呢個整得最靚仔..haha

note + 麵包盒 (費用已包)

出爐喇...香噴噴架

你地估下邊盤係我整呢??~~ haha

自己親手整出黎嘅嘢，見到都好開心

【食譜分享】

 材料(6個份量) :

高筋麵粉                     150g

麵包改良劑                 0.5g

乾酵母                          3g

砂糖                              30g

鹽                                   1g

奶粉                               4g

全蛋                               5g

水                                   85g

無鹽牛油(放軟)           20g

 做法 :

 將所有粉類拌勻，加入蛋和水搓至有筋度

 加入牛油搓至光滑

 鬆弛20-25分鐘(即第1次發酵) -> 分割 -> 造型 

 第2次發酵45分鐘 (風乾包面才可掃蛋)

 預熱焗爐8分鐘，180度火焗15分鐘即成

大家試下啦~

【箍牙實況‧TRAY# 4】

7/5 換左第4個牙箍喇...比起第3個箍今次冇咁辛苦，可能上次嘅辛苦已經cover咗今次嘅唔舒服！

同往時一樣，初初帶頭兩日覺得d牙有壓力，特別係一除一帶o個下

而且今次爆牙個位特別痛，有d麻痺嘅感覺，食嘢都冇咩力咬

不過都幾開心，有呢d感覺即係代表d牙郁緊

阿爸同我都覺得爆牙後面隻牙好似比之前出左DD

你地睇下係咪...(d牙唔靚, 失禮晒!!)